ಡಾಲರ್ ಆಮಿಷ: ₹45 ಲಕ್ಷ ವಂಚನೆ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಅಮೆರಿಕನ್ ಡಾಲರ್ ನೀಡುವುದಾಗಿ ಆಮಿಷವೊಡ್ಡಿದ್ದ ಮೊಲ್ಟೆ ರಾಬರ್ಟ್ ಎಂಬಾತ ನಗರದ ನಿವಾಸಿ ಟಿ.ಎಂ.ಥಾಮಸ್ ಎಂಬುವರಿಂದ ₹45 ಲಕ್ಷ ಪಡೆದು ಪರಾರಿಯಾಗಿರುವ ಬಗ್ಗೆ ಅಶೋಕನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
‘ಇದೇ 16ರಂದು ನಡೆದಿರುವ ವಂಚನೆ ಸಂಬಂಧ ಥಾಮಸ್ ಅವರೇ ಠಾಣೆಗೆ ದೂರು ನೀಡಿದ್ದಾರೆ. ಆರೋಪಿ ಮೊಲ್ಟೆ ರಾಬರ್ಟ್ ತಲೆಮರೆಸಿಕೊಂಡಿದ್ದಾನೆ’ ಎಂದು ಪೊಲೀಸರು ಹೇಳಿದರು.
‘1 ಡಾಲರ್‌ನ ರೂಪಾಯಿ ಮೌಲ್ಯ ಸದ್ಯ ₹71.04 ಇದೆ. ₹60 ಕೊಟ್ಟರೆ ಒಂದು ಡಾಲರ್ ನೀಡುವುದಾಗಿ ಹೇಳಿ ಮೊಲ್ಟೆ ರಾಬರ್ಟ್ ವಂಚಿಸಿದ್ದಾನೆ’ ಎಂದರು.
‘ದೂರುದಾರ ಥಾಮಸ್ ಅವರಿಗೆ ಸ್ನೇಹಿತರೊಬ್ಬರು ಡಾಲರ್ ಬಗ್ಗೆ ತಿಳಿಸಿದ್ದರು. ಆ ಬಗ್ಗೆ ಮಾತನಾಡಲೆಂದು ಸಹೋದರನ ಜೊತೆ ಗರುಡಾ ಮಾಲ್‌ನಲ್ಲಿರುವ ಹೋಟೆಲ್‌ಗೆ ಹೋಗಿದ್ದರು. ಅಲ್ಲಿಯೇ ಆರೋಪಿ ರಾಬರ್ಟ್ ₹45 ಲಕ್ಷ ನಗದು ಪಡೆದಿದ್ದ. ಮನೆಗೆ ತೆರಳಿ ಅಮೆರಿಕನ್ ಡಾಲರ್ ತರುವುದಾಗಿ ಹೇಳಿ ಹಣದ ಸಮೇತ ಸ್ಥಳದಿಂದ ಹೊರಟು ಹೋಗಿದ್ದಾನೆ. ವಾಪಸು ಬಂದಿಲ್ಲ’ ಎಂದು ಪೊಲೀಸರು ಹೇಳಿದರು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
