ಬೆಂಗಳೂರು: ಜಿ 20 ದೇಶಗಳ ಪರಿಸರ ಮತ್ತು ಹವಾಮಾನ ಬದಲಾವಣೆ ಕುರಿತ ಮೊದಲ ಸಭೆ ಬೆಂಗಳೂರಿನಲ್ಲಿ ಗುರುವಾರದಿಂದ (ಫೆ.9) 11 ರವರೆಗೆ ನಡೆಯಲಿದೆ. ಈ ಕುರಿತು ಕೇಂದ್ರ ಪರಿಸರ, ಅರಣ್ಯ, ಹವಾಮಾನ ಬದಲಾವಣೆ ಇಲಾಖೆಯ ಹೆಚ್ಚುವರಿ ಕಾರ್ಯದರ್ಶಿ ರಿಚಾ ಶರ್ಮಾ ಬುಧವಾರ ಸುದ್ದಿಗೋಷ್ಠಿಯಲ್ಲಿ ವಿವರ ನೀಡಿದರು.
ಭೂಮಿಯ ಫಲವತ್ತತೆ ನಾಶ, ಜೀವ ವೈವಿಧ್ಯದ ನಷ್ಟ, ಸಾಗರ ಮಾಲಿನ್ಯ, ಕಾಂಡ್ಲಾ ಕಾಡುಗಳು ಮತ್ತು ಹವಳದ ದಿಬ್ಬಗಳ ರಕ್ಷಿಸುವುದು. ಸಂಪನ್ಮೂಲಗಳ ಮಿತಿ ಮೀರಿದ ಬಳಕೆ ತಡೆಯುವ ವಿಷಯಗಳ ಚರ್ಚೆ 3 ದಿನಗಳ ಕಾಲ ನಡೆಯಲಿದೆ ಎಂದರು.