ಕ್ಷೌರಿಕ ನಿಗಮ ಸ್ಥಾಪನೆಗೆ ಒತ್ತಾಯ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಮಂಗಳವಾರ ಆಯೋಜಿಸಿದ್ದ ‘ಶಿವಶರಣ ಹಡಪದ ಅಪ್ಪಣ್ಣ ಜಯಂತಿ’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

‘ಕ್ಷೌರಿಕ ವೃತ್ತಿಯಲ್ಲೇ ಅನೇಕ ಪಂಗಡಗಳಿವೆ. ಹಡಪದ ಸಮಾಜವನ್ನು ಸ್ಥಳೀಯ ಮಟ್ಟದಲ್ಲಿ ಬೇರೆ ಬೇರೆ ಹೆಸರಿನಿಂದ ಗುರುತಿಸಲಾಗುತ್ತಿದೆ. ಆದರೆ,ಸರ್ಕಾರ ಹಡಪ (ಕ್ಷೌರಿಕ) ಸಮುದಾಯವನ್ನು ಕಡೆಗಣಿಸಿದ್ದು, ಜನರು ಬಹಳ ಹಿಂದುಳಿದಿದ್ದಾರೆ. ಕೂಡಲೇ ಕ್ಷೌರಿಕ ಸಮಾಜವನ್ನು ಒಗ್ಗೂಡಿಸಿ ‘ಕ್ಷೌರಿಕ ನಿಗಮ’ ಸ್ಥಾಪಿಸಬೇಕು ಅಥವಾಹಡಪದ ಅಪ್ಪಣ್ಣ ಹೆಸರಿನಲ್ಲಿಯೇ ನಿಗಮ ಸ್ಥಾಪಿಸಬೇಕು’ ಎಂದು ಅವರು ಒತ್ತಾಯಿಸಿದರು.

‘ಸ್ಥಳೀಯ ಮಟ್ಟದಲ್ಲಿಹಡಪದ ಅಪ್ಪಣ್ಣ ಜಯಂತಿ ಆಚರಣೆಗೆ ಜಿಲ್ಲಾಧಿಕಾರಿಗಳು ಹಾಗೂ ತಹಶೀಲ್ದಾರ್‌ಗಳು ದಿನಾಂಕ ನಿಗದಿಪಡಿಸಿಷರತ್ತು ಹಾಕುತ್ತಾರೆ. ಇದು ತಿಂಗಳ ಪೂರ್ತಿ ನಡೆಯುವ ಕಾರ್ಯಕ್ರಮ. ಸಮುದಾಯದವರು ಇಚ್ಛಿಸುವ ದಿನದಂದು ಆಚರಣೆಗೆ ಅವಕಾಶ ಮಾಡಿಕೊಡಬೇಕು. ಈ ಬಗ್ಗೆ ಜಿಲ್ಲಾಧಿಕಾರಿಗಳಿಗೆ ಸೂಚನೆ ನೀಡಬೇಕು’ ಎಂದು ಅವರು ಕೋರಿದರು.

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ನಿರ್ದೇಶಕಿ ಕೆ.ಎಂ. ಜಾನಕಿ, ‘ಹಡಪದ ಸಮುದಾಯ ಎಲ್ಲ ಕ್ಷೇತ್ರದಲ್ಲೂ ಅಭಿವೃದ್ಧಿ ಹೊಂದಬೇಕಾಗಿದೆ. ಪ್ರತಿ ವೃತ್ತಿಯೂ ತನ್ನದೇ ಆದ ಮಹತ್ವ ಹಾಗೂ ಹಿನ್ನೆಲೆಯನ್ನು ಹೊಂದಿರುತ್ತದೆ. ಯಾವುದೇ ಉದ್ಯೋಗ ಕೀಳು ಮಟ್ಟದ್ದಲ್ಲ’ ಎಂದರು.