ತಾರಸಿಯಲ್ಲಿ ಜೀವವೈವಿಧ್ಯ ಉದ್ಯಾನ!

ಬೆಂಗಳೂರು: ಮನೆ ತಾರಸಿಯಲ್ಲಿ ಹೂವು–ಹಣ್ಣು–ತರಕಾರಿ ಕೃಷಿ. ಗಿಡಗಳಲ್ಲಿ ಹಕ್ಕಿಗಳ ಕಲರವ. ಕಾಲಿಗೆ ಮುತ್ತಿಟ್ಟು ಓಡುವ ಮೊಲಗಳು. ಕಣ್ಣಿಗೆ ತಂಪೆನಿಸುವ ಮೀನು... ಧ್ಯಾನಕ್ಕೆ, ದಣಿವಾರಿಸಿಕೊಳ್ಳಲು ತಾರಸಿಯಲ್ಲಿ ಇಂತಹ ವಾತಾವರಣವಿದ್ದರೆ ಎಷ್ಟು ಚೆಂದ?

. ಇಂತಹ ಕಲ್ಪನೆಯನ್ನು ಸಾಕಾರವಾಗಿಸಲು ಮುಂದಾಗಿದೆ ‘ಮೈ ಡ್ರೀಮ್ ಗಾರ್ಡನ್’ ಸಂಸ್ಥೆ. ಆಸಕ್ತರಿಗೆ ತಾರಸಿಯಲ್ಲಿ ಜೀವವೈವಿಧ್ಯ ಉದ್ಯಾನವನ್ನು ಅದು ನಿರ್ಮಿಸಿಕೊಡುತ್ತಿದೆ. ಕೃಷಿಮೇಳದಲ್ಲಿ ಸಂಸ್ಥೆ ಮಳಿಗೆಗೆ ಶನಿವಾರ ಸಾವಿರಾರು ಜನ ಭೇಟಿ ನೀಡಿ ವಿವರ ಪಡೆದರು.

. ‘ಮನೆಯ ಮೇಲೆ ಸೊಪ್ಪು–ತರಕಾರಿ ಬೆಳೆಯುವ 5,000ಕ್ಕೂ ಹೆಚ್ಚು ತಾರಸಿ ಉದ್ಯಾನಗಳನ್ನು ಸಂಸ್ಥೆ ನಗರದಲ್ಲಿ ಅಭಿವೃದ್ಧಿಪಡಿಸಿದ್ದೇವೆ. ಗ್ರಾಹಕರ ಮನೆಗೆ ಹೋದಾಗ ಒಬ್ಬರು ತಾರಸಿಯಲ್ಲಿ ಪಕ್ಷಿಗಳನ್ನೂಸಾಕಿದ್ದರು. ಮತ್ತೊಬ್ಬರು ಅಕ್ವೇರಿಯಂ ಮಾಡಿದ್ದರು. ಕೆಲವರು ಮೊಲ ಸಾಕಿದ್ದರು. ಈ ಎಲ್ಲವನ್ನೂ ಒಟ್ಟಾಗಿಸಿ ಉದ್ಯಾನ ರೂಪಿಸುವ ಚಿಂತನೆ ಬಂತು. ಅಂತೆಯೇ, ಈಗ ಜೀವವೈವಿಧ್ಯ ಉದ್ಯಾನ ರೂಪಿಸುತ್ತಿದ್ದೇವೆ’ ಎಂದು ಸಂಸ್ಥೆಯ ಸಂಶೋಧನಾ ವಿಭಾಗದ ಮುಖ್ಯಸ್ಥ ಸರವಣಕುಮಾರ್ ತಿಳಿಸಿದರು.

. ಹೇಗಿರಲಿದೆ ಉದ್ಯಾನ ? ಅಳವಿನಂಚಿನ ಅಥವಾ ವಿಶಿಷ್ಟ ಪ್ರಭೇದದ ಪಕ್ಷಿಗಳು ಹಾಗೂ ಮೊಲಗಳನ್ನು ಇಲ್ಲಿ ಇಟ್ಟು ಬೆಳೆಸಲಾಗುತ್ತದೆ. ಜೊತೆಗೆ ಅಕ್ವೇರಿಯಂ, ರಾಕ್ ಗಾರ್ಡನ್ ನಿರ್ಮಿಸಲಾಗುತ್ತದೆ. ಜೊತೆಗೆ, ಒಂದು ಮನೆಗೆ ಬೇಕಾಗುವಷ್ಟು ಸೊಪ್ಪು–ತರಕಾರಿಗಳನ್ನು ಬೆಳೆಯಲಾಗುತ್ತದೆ.

. ನಿರ್ವಹಣೆ ಹೇಗೆ ? ಅಡುಗೆ ಮನೆ ತ್ಯಾಜ್ಯವನ್ನೇ ಗೊಬ್ಬರವಾಗಿ ಇದಕ್ಕೆ ಬಳಸಬಹುದು. ನಿತ್ಯ ಮನೆಯಲ್ಲಿ ಬಳಸುವ ನೀರನ್ನೇ ಈ ಉದ್ಯಾನಕ್ಕೆ ಹರಿಸುವ ವ್ಯವಸ್ಥೆ ಮಾಡಲಾಗುತ್ತದೆ. ‘ಜೀವವೈವಿಧ್ಯ ಉದ್ಯಾನ ಅಭಿವೃದ್ಧಿಗೆ ಒಂದು ಚದರ ಅಡಿಗೆ ₹1,200 ಶುಲ್ಕ ತೆಗೆದುಕೊಳ್ಳುತ್ತೇವೆ. ನಾಲ್ಕು ಜನ ಸದಸ್ಯರಿರುವ ಕುಟುಂಬಕ್ಕೆ ತರಕಾರಿ ಬೆಳೆಯಲು 150 ಚದರ ಅಡಿ ಜಾಗ ಬೇಕಾಗುತ್ತದೆ’ ಎಂದು ಸರವಣ ಕುಮಾರ್ ಹೇಳಿದರು.

. ಸಸಿಗಳನ್ನು ಬೆಳೆಯುವ ಪ್ಲಾಂಟರ್ ಪೆಟ್ಟಿಗೆಗಳನ್ನು, ಸಸಿ, ಬೀಜಗಳು, ಪೋಷಕಾಂಶಗಳನ್ನು ಸಂಸ್ಥೆಯೇ ಒದಗಿಸಲಿದೆ. ಎಂಟು ಸಲ ಉದ್ಯಾನ ನಿರ್ವಾಹಕರನ್ನು (ಗಾರ್ಡನರ್) ಉಚಿತವಾಗಿ ಕಳುಹಿಸಲಾಗುತ್ತದೆ.

. 20 ದಿನಕ್ಕೊಮ್ಮೆ ಉದ್ಯಾನಕ್ಕೆ ಭೇಟಿ ನೀಡುವ ಈ ನಿರ್ವಾಹಕರು ಸಸಿಗಳಿಗೆ ನೀರು ಸಿಂಪಡಣೆ, ಬಳ್ಳಿ ಕಟ್ಟುವುದು, ಗೊಬ್ಬರ ಹಾಕುವುದು ಮತ್ತು ಕಳೆ ಕೀಳುವ ಕೆಲಸ ಮಾಡುತ್ತಾರೆ. ಅಡುಗೆ ಮನೆ ತ್ಯಾಜ್ಯದಿಂದ ಗೊಬ್ಬರ ತಯಾರಿಸುವ ಆಸಕ್ತಿ ಗ್ರಾಹಕರಿಗೆ ಇದ್ದರೆ, ಈ ಕುರಿತು ತರಬೇತಿಯನ್ನೂ ನೀಡುತ್ತಾರೆ ಎಂದು ತಿಳಿಸಿದರು.

. ಆಸಕ್ತರು ತಾರಸಿಯಲ್ಲಿ ಉದ್ಯಾನ ಕೃಷಿ ಅಭಿವೃದ್ಧಿ ಕುರಿತ ಮಾಹಿತಿಗಳಿಗೆ 73491–81777 ಅಥವಾ www.mydreamgarden.in ಸಂಪರ್ಕಿಸಬಹುದು.

. * ಜೀವವೈವಿಧ್ಯ ಉದ್ಯಾನದಲ್ಲಿ ಅಡುಗೆ ಮನೆ ತ್ಯಾಜ್ಯದ ಸಮರ್ಪಕ ಬಳಕೆಯಾಗುತ್ತದೆ. ಪಕ್ಷಿಗಳ ಬೆಳವಣಿಗೆಗೆ ಪೂರಕ ವಾತಾವರಣ ಲಭ್ಯವಾಗಲಿದೆ. –ಸರವಣಕುಮಾರ್, ಮೈ ಡ್ರೀಮ್ ಗಾರ್ಡನ್ ಸಂಸ್ಥೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತಾರಸಿಯಲ್ಲಿ ಜೀವವೈವಿಧ್ಯ ಉದ್ಯಾನ!

ಚಿನಕುರುಳಿ: ಬುಧವಾರ, 17 ಸೆಪ್ಟೆಂಬರ್ 2025

ಧರ್ಮಸ್ಥಳ ಪ್ರಕರಣ: ಮತ್ತಷ್ಟು ಮೃತದೇಹಗಳ ಅವಶೇಷ ಪತ್ತೆ; SIT ಮರುಶೋಧ

ಚುರುಮುರಿ: ಪ್ರಜಾ ಫಜೀತಿ

ಅಂತರ್ಜಾತಿ ವಿವಾಹ ಆಗುವವರಿಗೆ ಸರ್ಕಾರದಿಂದ ಏನೆಲ್ಲಾ ಸೌಲಭ್ಯ: ಇಲ್ಲಿದೆ ಮಾಹಿತಿ

Asia Cup: ಯುಎಇ ಎದುರು ಗೆದ್ದು 'ಸೂಪರ್‌ ಫೋರ್‌' ಹಂತಕ್ಕೇರಿದ ಪಾಕಿಸ್ತಾನ

ವಾಲಿಬಾಲ್‌: ಎಎಲ್‌ವಿ ತಂಡಕ್ಕೆ ಜಯ

ಆಸ್ಟ್ರೇಲಿಯಾ ಎದುರು ಏಕದಿನ ಸರಣಿ: ಸ್ಮತಿ ಮಂದಾನ ಬಿರುಸಿನ ಶತಕ, ಭಾರತಕ್ಕೆ ಜಯ

ಜಾವೆಲಿನ್ ಥ್ರೋ: ವಿಶ್ವ ವೇದಿಕೆಯಲ್ಲಿ ಭಾರತದ ನೀರಜ್, ಪಾಕಿಸ್ತಾನದ ನದೀಂ ಪೈಪೋಟಿ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ: ಬುಧವಾರ, 17 ಸೆಪ್ಟೆಂಬರ್ 2025

ಧರ್ಮಸ್ಥಳ ಪ್ರಕರಣ: ಮತ್ತಷ್ಟು ಮೃತದೇಹಗಳ ಅವಶೇಷ ಪತ್ತೆ; SIT ಮರುಶೋಧ

ಚುರುಮುರಿ: ಪ್ರಜಾ ಫಜೀತಿ

ಅಂತರ್ಜಾತಿ ವಿವಾಹ ಆಗುವವರಿಗೆ ಸರ್ಕಾರದಿಂದ ಏನೆಲ್ಲಾ ಸೌಲಭ್ಯ: ಇಲ್ಲಿದೆ ಮಾಹಿತಿ