‘ಈ ಪರೀಕ್ಷೆ ಮಾಡುವಾಗ ಕಂಪ್ಯೂಟರ್ ಅಥವಾ ಮೊಬೈಲ್ ಫೋನ್ ಅನ್ನು ಆರು ಅಡಿ ದೂರದಲ್ಲಿ ಇಟ್ಟು ಕುಳಿತುಕೊಳ್ಳಬೇಕು. ನಿಶ್ಯಬ್ದ ಸ್ಥಳವೇ ಬೇಕು ಎಂದೇನೂ ಇಲ್ಲ. ಆದರೆ, ಇಬ್ಬರು ಕುಳಿತುಕೊಳ್ಳಬೇಕು. 20 ರೀತಿಯ ತರಂಗ ಶಬ್ದಗಳಲ್ಲಿ 16ರಿಂದ 17 ಶಬ್ದಗಳು ಕೇಳಿಸಿದರೆ ತೊಂದರೆ ಇಲ್ಲ. ಆದರೆ, 10ಕ್ಕೂ ಕಡಿಮೆ ಶಬ್ದಗಳು ಕೇಳಿಸಿದರೆ ಶ್ರವಣದೋಷ ಇದೆ ಎಂದೇ ಅರ್ಥ. ಅದೇ ರೀತಿ 40 ಜೋಡಿ ಪದಗಳನ್ನು ಅಪ್ಲೋಡ್ ಮಾಡಲಾಗಿದ್ದು, ಅವುಗಳಲ್ಲಿ ಕನಿಷ್ಠ 20 ಪದಗಳು ಸ್ಪಷ್ಟವಾಗಿ ಕೇಳಬೇಕು. ಇಬ್ಬರಲ್ಲಿ ಒಬ್ಬರಿಗೆ ಕೇಳಿಸಿ, ಇನ್ನೊಬ್ಬರಿಗೆ ಕೇಳಿಸದೇ ಇದ್ದರೆ ದೋಷ ಇದೆ ಎಂದು ಅರ್ಥ’ ಎಂದು ಹೇಳಿದರು.