ಬುಧವಾರ, ಮೇ 27, 2020
27 °C

ಮಹಿಳೆಗೆ ₹4.6 ಲಕ್ಷ ವಂಚನೆ: ದೂರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ವಧು– ವರಾನ್ವೇಷಣೆ ಜಾಲತಾಣದಲ್ಲಿ ಪರಿಚಿತನಾದ ಇಂಗ್ಲೆಂಡ್‌ನ ಅನಿವಾಸಿ ಭಾರತೀಯನೊಬ್ಬ ನಗರದ 36 ವರ್ಷದ ಮಹಿಳೆಗೆ ₹ 4.6 ಲಕ್ಷ ವಂಚಿಸಿರುವ ಕುರಿತು ಆರ್‌.ಟಿ. ನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಕಳೆದ ನವೆಂಬರ್‌ನಲ್ಲಿ ವೈವಾಹಿಕ ಜಾಲತಾಣದಲ್ಲಿ ಮಹಿಳೆಗೆ ಪರಿಚಿಯವಾದ ಆ್ಯಂಡಿ ಮೈಕಲ್‌ ಎಂಬಾತ, ’ತಾನು ಲಂಡನ್‌ ನಿವಾಸಿ
ಯಾಗಿದ್ದು, ವ್ಯಾಪಾರ ಮಾಡುತ್ತಿದ್ದೇನೆ. ತನ್ನ ವ್ಯಾಪಾರವನ್ನು ಭಾರತಕ್ಕೆ ಸ್ಥಳಾಂತರಿಸಲು ಉದ್ದೇಶಿಸಿದ್ದೇನೆ. ಆನಂತರ ನಿಮ್ಮನ್ನು ಮದುವೆ ಆಗುತ್ತೇನೆ‘ ಎಂದು ನಂಬಿಸಿದ್ದ ಎಂದು ದೂರಿನಲ್ಲಿ ವಿವರಿಸಲಾಗಿದೆ.

ಮಾರ್ಚ್‌ 28ರಂದು ಮಹಿಳೆಗೆ ಕರೆ ಮಾಡಿದ್ದ ಅನಿವಾಸಿ ಭಾರತೀಯ, ನಿಮಗಾಗಿ ಉಡುಗೊರೆ ತರುತ್ತಿದ್ದ ತನ್ನನ್ನು ವಿಮಾನ ನಿಲ್ದಾಣದ ಕಸ್ಟಮ್ಸ್‌ ಅಧಿಕಾರಿಗಳು ಹಿಡಿದುಕೊಂಡಿದ್ದಾರೆ.

ಈ ಉಡುಗೊರೆ ಬಿಡಿಸಿಕೊಳ್ಳಲು ಹಣ ಬೇಕಿದೆ. ಹಣವನ್ನು ತನ್ನ ಬ್ಯಾಂಕ್‌ ಖಾತೆಗೆ ಜಮಾ ಮಾಡಿದರೆ ಕೂಡಲೇ ಹಿಂತಿರುಗಿಸುವುದಾಗಿ ನಂಬಿಸಿದ. ಈತನ ಮಾತನ್ನು ನಂಬಿದ ಮಹಿಳೆ ಆತನ ಮೂರು ಬ್ಯಾಂಕ್‌ ಖಾತೆಗಳಿಗೆ ₹ 4.6 ಲಕ್ಷ ಜಮಾ ಮಾಡಿದರು. ಇದಾದ ಬಳಿಕ ಆ್ಯಂಡಿ ಮೊಬೈಲ್‌ ಸ್ವಿಚ್ ಆಫ್‌ ಆಗಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು