ಸೈನಿಕರಿಗೆ ನಿತ್ಯ ಉಚಿತ ಊಟ; ಸಂಕಷ್ಟದ ನಡುವೆಯೂ ರವಿಕುಮಾರ್ ಸೇವೆ

ಬೆಂಗಳೂರು: ಜೀವನ ನಿರ್ವಹಣೆಗೆ ಫಾಸ್ಟ್ಫುಡ್ ನಡೆಸುವ ರವಿಕುಮಾರ್ ಅವರು ದಿನದಲ್ಲಿ ಎರಡು ಹೊತ್ತು ಯೋಧರಿಗೆ ಉಚಿತವಾಗಿ ತಿಂಡಿ ಹಾಗೂ ಊಟ ನೀಡುವ ಮೂಲಕ ಸಾಮಾಜಿಕ ಕಳಕಳಿಯ ಕಾರ್ಯ ನಡೆಸುತ್ತಿದ್ದಾರೆ.

. ದೇವನಹಳ್ಳಿ ರಸ್ತೆಯ ಬೇಗೂರು ಹಾಗೂ ಯಲಹಂಕದಲ್ಲಿ ‘ಧನ್ವಿತ್ ಫಾಸ್ಟ್ ಫುಡ್’ ನಡೆಸುತ್ತಿರುವ ರವಿಕುಮಾರ್, ಯೋಧರಿಗೆ ಅನ್ನದಾಸೋಹ ನಡೆಸುತ್ತಿದ್ದಾರೆ. ವಾಹನದ ಮೇಲೂ ದೊಡ್ಡದಾಗಿ ದೇಶ ಕಾಯುವ ಯೋಧರಿಗೆ ಉಚಿತ ಊಟ ಎಂದೇ ಬರೆಸಿಕೊಂಡಿದ್ದಾರೆ.

. ರವಿಕುಮಾರ್ ಅವರದ್ದು ದೊಡ್ಡಬಳ್ಳಾಪುರದ ಚಿಕ್ಕಮಧುರೆ ಗ್ರಾಮ. ಬದುಕು ಅರಸಿ ರಾಜಧಾನಿಗೆ ಬಂದಿದ್ದ ಅವರು, ಆರಂಭದಲ್ಲಿ ಹೂವಿನ ವ್ಯಾಪಾರ ನಡೆಸುತ್ತಿದ್ದರು. ಅದು ಕೈಹಿಡಿಯಲಿಲ್ಲ; ನಷ್ಟ ಅನುಭವಿಸಿದ್ದರು. ಬಳಿಕ ಆಯ್ಕೆ ಮಾಡಿಕೊಂಡಿದ್ದು ಫಾಸ್ಟ್ಫುಡ್ ವ್ಯಾಪಾರ.

. ಬೆಂಗಳೂರಿನಲ್ಲಿ ಸೇನೆಗೆ ಸಂಬಂಧಿಸಿದಂತೆ ಸಾಕಷ್ಟು ತರಬೇತಿ ಕೇಂದ್ರಗಳಿವೆ. ಅಲ್ಲಿ ಹೊರ ರಾಜ್ಯ ಹಾಗೂ ಜಿಲ್ಲೆಗಳ ಯೋಧರು ಕೆಲಸ ಮಾಡುತ್ತಿದ್ದಾರೆ. ಕಚೇರಿ ಕೆಲಸಕ್ಕೆ ಸಂಬಂಧಿಸಿದಂತೆಯೂ ಸೈನಿಕರು ನಗರಕ್ಕೆ ಬರುತ್ತಾರೆ. ಅವರು ನಮ್ಮ ಹೋಟೆಲ್ ಹಾಗೂ ವಾಹನದ ಬಳಿಗೆ ಬಂದರೆ ಬೆಳಿಗ್ಗೆ ಸಮಯದಲ್ಲಿ ಇಡ್ಲಿ, ಪುಲಾವ್, ಚಿತ್ರಾನ್ನ, ಪೂರಿ ಹಾಗೂ ಮಧ್ಯಾಹ್ನ ಅನ್ನ–ಸಾಂಬಾರ್, ಹಪ್ಪಳ ಉಚಿತವಾಗಿ ಸಿಗಲಿದೆ. ಊಟ ಮಾಡಿದ ಯೋಧರು ಹಣ ತೆಗೆದುಕೊಳ್ಳುವಂತೆ ಬಲವಂತ ಮಾಡುತ್ತಾರೆ. ಅವರಿಗೆ ಕೈಮುಗಿದು ಹಣ ಪಡೆಯದೇ ಕಳುಹಿಸುತ್ತೇನೆ. ಸೈನಿಕರು ಜೀವ, ಜೀವನ ಎರಡನ್ನೂ ಲೆಕ್ಕಿಸದೇ ಗಡಿ ಕಾಯುತ್ತಾರೆ. ಅವರಿಗಾಗಿ ಇದು ಪುಟ್ಟ ಸೇವೆ’ ಎಂದು ರವಿಕುಮಾರ್ ‘ಪ್ರಜಾವಾಣಿ’ಗೆ ಹೇಳಿದರು.

. ಸೈನಿಕರ ಮೇಲೆ ಕಳಕಳಿ: ‘ಚಿಕ್ಕಂದಿನಿಂದಲೂ ಯೋಧರ ಮೇಲೆ ನನಗೆ ಅತೀವ ಪ್ರೀತಿ. ಕುಟುಂಬ ತೊರೆದು ವರ್ಷಗಟ್ಟಲೇ ಚಳಿ, ಬಿಸಿಲು ಲೆಕ್ಕಿಸದೆ ಮಾಡುವ ಸೇವೆಯ ಬಗ್ಗೆಯೂ ಅರಿವಿದೆ. ನಾನೂ 1999ರಲ್ಲಿ ಸೇನೆಗೆ ಆಯ್ಕೆಯಾಗಿದ್ದೆ. ಆದರೆ, ಅಜ್ಜಿ ನನ್ನನ್ನು ಜಮ್ಮು–ಕಾಶ್ಮೀರಕ್ಕೆ ತೆರಳಲು ಬಿಡಲಿಲ್ಲ. ಈಗ ಪ್ರತಿನಿತ್ಯ ಎಷ್ಟು ಸೈನಿಕರು ಬಂದರೂ ಊಟದ ವ್ಯವಸ್ಥೆ ಮಾಡುತ್ತೇನೆ’ ಎಂದರು.

. ಬೇಗೂರು ಬಳಿ ನಡೆಸುತ್ತಿರುವ ಹೋಟೆಲ್ಗೆ ನಿತ್ಯ ₹ 700 ಬಾಡಿಗೆ ಪಾವತಿಸುತ್ತಿರುವ ಅವರು, ₹ 3.80 ಲಕ್ಷದಲ್ಲಿ ವಾಹನ ಖರೀದಿಸಿದ್ದಾರೆ.

. ****

. ತಿಂಗಳಿಗೆ ಒಮ್ಮೆಯಾದರೂ ಬಿಎಂಟಿಸಿ ಬಸ್ ಚಾಲಕರಿಗೂ ಉಚಿತ ಊಟ, ತಿಂಡಿ ನೀಡುವ ಇಚ್ಛೆಯಿದೆ. ಅದರೆ, ಆರ್ಥಿಕ ಸಂಕಷ್ಟದಿಂದ ಅದು ಸದ್ಯಕ್ಕೆ ಸಾಧ್ಯವಾಗಿಲ್ಲ.

-ರವಿಕುಮಾರ್, ಫಾಸ್ಟ್ಫುಡ್ ವ್ಯಾಪಾರಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸೈನಿಕರಿಗೆ ನಿತ್ಯ ಉಚಿತ ಊಟ; ಸಂಕಷ್ಟದ ನಡುವೆಯೂ ರವಿಕುಮಾರ್ ಸೇವೆ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು