<p><strong>ಬೆಂಗಳೂರು: </strong>ಸಬ್ ಅರ್ಬನ್ ರೈಲು ಯೋಜನೆಯನ್ನು ₹18,618 ಕೋಟಿ ವೆಚ್ಚದಲ್ಲಿ ಅನುಷ್ಠಾನಗೊಳಿಸುವುದಾಗಿ 2020–21ನೇ ಸಾಲಿನ ಬಜೆಟ್ನಲ್ಲಿ ಪ್ರಕಟಿಸಿದ್ದ ಕೇಂದ್ರ ಸರ್ಕಾರ, ಪಿಂಕ್ ಬುಕ್ನಲ್ಲಿ ಈ ಯೋಜನೆಗೆ ಕೇವಲ ₹ 1 ಕೋಟಿ ಮೊತ್ತವನ್ನು ನಿಗದಿಪಡಿಸಿದೆ.</p>.<p>ಕೇಂದ್ರ ಸರ್ಕಾರದ ಈ ನಡೆ ರೈಲ್ವೆ ಪ್ರಯಾಣಿಕರಲ್ಲಿ ಮತ್ತೆ ನಿರಾಶೆ ಮೂಡಿಸಿದೆ. ರೈಲ್ವೆ ಕಾಮಗಾರಿಗಳ ಕುರಿತ ಪಿಂಕ್ ಬುಕ್ನಲ್ಲಿ ಈ ಯೋಜನೆಗೆ ಸಾಕಷ್ಟು ಅನುದಾನ ಒದಗಿಸದೇ ಇರುವುದರಿಂದ ಇದರ ಅನುಷ್ಠಾನ ಮತ್ತೆ ವಿಳಂಬವಾಗುವುದು ನಿಶ್ಚಿತ. ಕೇಂದ್ರ ಸರ್ಕಾರ ಮತ್ತೆ ಬೆಂಗಳೂರಿಗರನ್ನು ವಂಚಿಸಿದೆ ಎಂದು ರೈಲ್ವೆ ಹೋರಾಟಗಾರರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.</p>.<p>’ರಾಜ್ಯದಲ್ಲಿ ಹಾಗೂ ಕೇಂದ್ರದಲ್ಲಿ ಒಂದೇ ಪಕ್ಷದ ಸರ್ಕಾರ ಅಸ್ತಿತ್ವಲ್ಲಿರುವುದರಿಂದ ಈ ಬಾರಿಯಾದರೂ ಸಬ್ ಅರ್ಬನ್ ರೈಲು ಯೋಜನೆ ಸಾಕಾರಗೊಳ್ಳಲಿದೆ ಎಂಬ ಆಶಾವಾದ ಹೊಂದಿದ್ದೆವು. ಪಿಂಕ್ ಬುಕ್ನಲ್ಲಿ ₹ 200 ಕೋಟಿಯಿಂದ ₹ 500 ಕೋಟಿಯಷ್ಟು ಮೊತ್ತವನ್ನು ಯೋಜನೆಗೆ ಬಿಡುಗಡೆ ಮಾಡಲಾಗುತ್ತದೆ. ರಾಜ್ಯ ಸರ್ಕಾರವೂ 2020–21ನೇ ಸಾಲಿನಲ್ಲಿ ಇಷ್ಟೇ ಮೊತ್ತವನ್ನು ಬಿಡುಗಡೆ ಮಾಡಬಹುದು ಎಂಬ ನಿರೀಕ್ಷೆ ನಮ್ಮದಾಗಿತ್ತು. ಅನುದಾನ ಹಂಚಿಕೆ ಮಾಡದ ಕಾರಣ ಈ ಯೋಜನೆ ಇನ್ನೂ ಒಂದು ವರ್ಷ ತಡವಾಗಲಿದೆ’ ಎಂದು ‘ಪ್ರಜಾರಾಗ್’ ಸಂಘಟನೆಯ ಸಂಜೀವ ದ್ಯಾಮಣ್ಣವರ್ ತಿಳಿಸಿದರು.</p>.<p>‘ಕೇಂದ್ರದ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ (ಸಿಸಿಇಎ) ಈ ಯೋಜನೆಗೆ ಇನ್ನೂ ಒಪ್ಪಿಗೆ ಕೊಟ್ಟಿಲ್ಲ. ಈ ಬಗ್ಗೆ ಬೆಂಗಳೂರನ್ನು ಪ್ರತಿನಿಧಿಸುವ ಸಂಸದರು ಹಾಗೂ ರಾಜ್ಯ ಸರ್ಕಾರವು ಕೇಂದ್ರದ ಮೇಲೆ ಒತ್ತಡ ಹೇರಬೇಕು. ನಮ್ಮ ಜನಪ್ರತಿನಿಧಿಗಳು ಇಚ್ಛಾಶಕ್ತಿ ಪ್ರದರ್ಶಿಸದೇ ಹೋದರೆ ಇನ್ನೂ 20 ವರ್ಷ ಕಳೆದರೂ ಈ ಯೋಜನೆ ಅನುಷ್ಠಾನಗೊಳ್ಳದು’ ಎಂದರು.</p>.<p>‘ಉಪನಗರ ರೈಲು ಯೋಜನೆಯಲ್ಲಿ ತಲಾ ಶೇ 20ರಷ್ಟು ಪಾಲನ್ನು ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಭರಿಸಲಿವೆ. ಶೇ 60ರಷ್ಟು ಮೊತ್ತವನ್ನು ಅನ್ಯಮೂಲಗಳಿಂದ ಸಂಗ್ರಹಿಸುವುದಾಗಿ (ಸಾಂಸ್ಥಿಕ ಸಾಲ) ನಿರ್ಮಲಾ ಸಿತಾರಾಮನ್ ಬಜೆಟ್ ಭಾಷಣದಲ್ಲೇ ಉಲ್ಲೇಖಿಸಿದ್ದರು. ಬೆಂಗಳೂರಿನಿಂದ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾಗಿರುವ ಅವರು ಈ ನಗರದ ಜನತೆಯ ದಾರಿ ತಪ್ಪಿಸಿದ್ದಾರೆ. ಕೇಂದ್ರ ಭರಿಸುವ ಶೇ 20ರಷ್ಟು ಪಾಲಿನಲ್ಲಿ ಸ್ವಲ್ಪ ಮೊತ್ತವನ್ನಾದರೂ ಹಂಚಿಕೆ ಮಾಡುತ್ತಿದ್ದರೆ ಸಮಾಧಾನ ಪಡಬಹುದಿತ್ತು’ ಎಂದು ರೈಲ್ವೆ ಹೋರಾಟಗಾರ ಕೃಷ್ಣಪ್ರಸಾದ್ ಬೇಸರ ವ್ಯಕ್ತಪಡಿಸಿದರು.</p>.<p><strong>ಈ ವರ್ಷ ಜಾರಿಗೆ ತಂದೇ ಸಿದ್ಧ: ಪಿ.ಸಿ.ಮೋಹನ್</strong></p>.<p>‘ಸಬ್ಅರ್ಬನ್ ರೈಲು ಯೋಜನೆಗೆ ಪಿಂಕ್ ಬುಕ್ನಲ್ಲಿ ಸಾಕಷ್ಟು ಅನುದಾನ ನೀಡದೇ ಇರಬಹುದು. ಆದರೂ ಈ ಯೋಜನೆಯನ್ನು ಈ ವರ್ಷ ಜಾರಿಗೆ ತಂದೇ ಸಿದ್ಧ’ ಎಂದು ಸಂಸದ ಪಿ.ಸಿ.ಮೋಹನ್ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>‘ರಾಜ್ಯ ಬಜೆಟ್ನಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ಈ ಯೋಜನೆಗೆ ಕನಿಷ್ಠ ಪಕ್ಷ ₹ 1 ಸಾವಿರ ಕೋಟಿ ಅನುದಾನ ಕಾಯ್ದಿರಿಸಲಿದ್ದಾರೆ. ಅಷ್ಟೇ ಮೊತ್ತವನ್ನು ಕೇಂದ್ರ ಸರ್ಕಾರವೂ ಇದೇ ವರ್ಷ ಬಿಡುಗಡೆ ಮಾಡಲಿದೆ’ ಎಂದು ಅವರು ತಿಳಿಸಿದರು.</p>.<p><strong>ಬೆಂಗಳೂರಿಗೆ ಪಿಂಕ್ ಬುಕ್ನಲ್ಲಿ ತೋರಿಸಿರುವ ಅನುದಾನ</strong></p>.<p>₹100 ಕೋಟಿ – ವೈಟ್ಫೀಲ್ಡ್–ಬೆಂಗಳೂರುನಗರ– ಕೆ.ಆರ್.ಪುರ–ಮಾರ್ಗವನ್ನು (23.08 ಕಿ.ಮೀ) ನಾಲ್ಕು ಹಳಿಗಳನ್ನಾಗಿ ಪರಿವರ್ತಿಸಲು</p>.<p>₹ 5 ಕೋಟಿ – ಯಶವಂತಪುರ– ಚನ್ನಸಂದ್ರ (21.7 ಕಿ.ಮೀ) ಮಾರ್ಗವನ್ನು ಜೋಡಿಹಳಿಯನ್ನಾಗಿ ಪರಿವರ್ತಿಸಲು</p>.<p>₹ 5 ಕೋಟಿ – ಬೈಯಪ್ಪನಹಳ್ಳಿ– ಹೊಸೂರು (46 ಕಿ.ಮೀ) ಮಾರ್ಗವನ್ನು ಜೋಡಿಹಳಿಯನ್ನಾಗಿ ಪರಿವರ್ತಿಸಲು</p>.<p>₹ 30 ಕೋಟಿ – ಯಲಹಂಕ–ಚಿಕ್ಕಬಳ್ಳಾಪುರ– ಬಂಗಾರಪೇಟೆ ಮಾರ್ಗದ ವಿದ್ಯುದೀಕರಣ</p>.<p>***</p>.<p>ಬಿಬಿಎಂಪಿಯಿಂದ ಹಿಡಿದು ಕೇಂದ್ರದವರೆಗೆ ಬಿಜೆಪಿ ನೇತೃತ್ವದ ಸರ್ಕಾರಗಳಿದೆ. ಸಬ್ಅರ್ಬನ್ ರೈಲು ಯೋಜನೆ ವಿಳಂಬದ ಬಗ್ಗೆ ಬೇರೆಯವರ ಮೇಲೆ ಅವರೀಗ ಗೂಬೆ ಕೂರಿಸಲಾಗದು. ವಿಳಂಬಕ್ಕೆ ಅವರೇ ನೇರ ಹೊಣೆ</p>.<p><em><strong>– ಕೃಷ್ಣಪ್ರಸಾದ್, ರೈಲ್ವೆ ಹೋರಾಟಗಾರ</strong></em></p>.<p>ಸಬ್ಅರ್ಬನ್ ರೈಲು ಯೋಜನೆ ಬಗ್ಗೆ ಕೆಲವರು ದಾರಿ ತಪ್ಪಿಸುತ್ತಿದ್ದಾರೆ. ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಸಂಸತ್ತಿನಲ್ಲಿ ಭರವಸೆ ನೀಡಿದಂತೆ ಈ ಯೋಜನೆಯನ್ನು ಆದ್ಯತೆ ಮೇರೆಗೆ ಜಾರಿಗೊಳಿಸಲಿದ್ದೇವೆ</p>.<p><em><strong>- ಪಿ.ಸಿ.ಮೋಹನ್, ಸಂಸದ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಸಬ್ ಅರ್ಬನ್ ರೈಲು ಯೋಜನೆಯನ್ನು ₹18,618 ಕೋಟಿ ವೆಚ್ಚದಲ್ಲಿ ಅನುಷ್ಠಾನಗೊಳಿಸುವುದಾಗಿ 2020–21ನೇ ಸಾಲಿನ ಬಜೆಟ್ನಲ್ಲಿ ಪ್ರಕಟಿಸಿದ್ದ ಕೇಂದ್ರ ಸರ್ಕಾರ, ಪಿಂಕ್ ಬುಕ್ನಲ್ಲಿ ಈ ಯೋಜನೆಗೆ ಕೇವಲ ₹ 1 ಕೋಟಿ ಮೊತ್ತವನ್ನು ನಿಗದಿಪಡಿಸಿದೆ.</p>.<p>ಕೇಂದ್ರ ಸರ್ಕಾರದ ಈ ನಡೆ ರೈಲ್ವೆ ಪ್ರಯಾಣಿಕರಲ್ಲಿ ಮತ್ತೆ ನಿರಾಶೆ ಮೂಡಿಸಿದೆ. ರೈಲ್ವೆ ಕಾಮಗಾರಿಗಳ ಕುರಿತ ಪಿಂಕ್ ಬುಕ್ನಲ್ಲಿ ಈ ಯೋಜನೆಗೆ ಸಾಕಷ್ಟು ಅನುದಾನ ಒದಗಿಸದೇ ಇರುವುದರಿಂದ ಇದರ ಅನುಷ್ಠಾನ ಮತ್ತೆ ವಿಳಂಬವಾಗುವುದು ನಿಶ್ಚಿತ. ಕೇಂದ್ರ ಸರ್ಕಾರ ಮತ್ತೆ ಬೆಂಗಳೂರಿಗರನ್ನು ವಂಚಿಸಿದೆ ಎಂದು ರೈಲ್ವೆ ಹೋರಾಟಗಾರರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.</p>.<p>’ರಾಜ್ಯದಲ್ಲಿ ಹಾಗೂ ಕೇಂದ್ರದಲ್ಲಿ ಒಂದೇ ಪಕ್ಷದ ಸರ್ಕಾರ ಅಸ್ತಿತ್ವಲ್ಲಿರುವುದರಿಂದ ಈ ಬಾರಿಯಾದರೂ ಸಬ್ ಅರ್ಬನ್ ರೈಲು ಯೋಜನೆ ಸಾಕಾರಗೊಳ್ಳಲಿದೆ ಎಂಬ ಆಶಾವಾದ ಹೊಂದಿದ್ದೆವು. ಪಿಂಕ್ ಬುಕ್ನಲ್ಲಿ ₹ 200 ಕೋಟಿಯಿಂದ ₹ 500 ಕೋಟಿಯಷ್ಟು ಮೊತ್ತವನ್ನು ಯೋಜನೆಗೆ ಬಿಡುಗಡೆ ಮಾಡಲಾಗುತ್ತದೆ. ರಾಜ್ಯ ಸರ್ಕಾರವೂ 2020–21ನೇ ಸಾಲಿನಲ್ಲಿ ಇಷ್ಟೇ ಮೊತ್ತವನ್ನು ಬಿಡುಗಡೆ ಮಾಡಬಹುದು ಎಂಬ ನಿರೀಕ್ಷೆ ನಮ್ಮದಾಗಿತ್ತು. ಅನುದಾನ ಹಂಚಿಕೆ ಮಾಡದ ಕಾರಣ ಈ ಯೋಜನೆ ಇನ್ನೂ ಒಂದು ವರ್ಷ ತಡವಾಗಲಿದೆ’ ಎಂದು ‘ಪ್ರಜಾರಾಗ್’ ಸಂಘಟನೆಯ ಸಂಜೀವ ದ್ಯಾಮಣ್ಣವರ್ ತಿಳಿಸಿದರು.</p>.<p>‘ಕೇಂದ್ರದ ಆರ್ಥಿಕ ವ್ಯವಹಾರಗಳ ಸಂಪುಟ ಸಮಿತಿ (ಸಿಸಿಇಎ) ಈ ಯೋಜನೆಗೆ ಇನ್ನೂ ಒಪ್ಪಿಗೆ ಕೊಟ್ಟಿಲ್ಲ. ಈ ಬಗ್ಗೆ ಬೆಂಗಳೂರನ್ನು ಪ್ರತಿನಿಧಿಸುವ ಸಂಸದರು ಹಾಗೂ ರಾಜ್ಯ ಸರ್ಕಾರವು ಕೇಂದ್ರದ ಮೇಲೆ ಒತ್ತಡ ಹೇರಬೇಕು. ನಮ್ಮ ಜನಪ್ರತಿನಿಧಿಗಳು ಇಚ್ಛಾಶಕ್ತಿ ಪ್ರದರ್ಶಿಸದೇ ಹೋದರೆ ಇನ್ನೂ 20 ವರ್ಷ ಕಳೆದರೂ ಈ ಯೋಜನೆ ಅನುಷ್ಠಾನಗೊಳ್ಳದು’ ಎಂದರು.</p>.<p>‘ಉಪನಗರ ರೈಲು ಯೋಜನೆಯಲ್ಲಿ ತಲಾ ಶೇ 20ರಷ್ಟು ಪಾಲನ್ನು ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಭರಿಸಲಿವೆ. ಶೇ 60ರಷ್ಟು ಮೊತ್ತವನ್ನು ಅನ್ಯಮೂಲಗಳಿಂದ ಸಂಗ್ರಹಿಸುವುದಾಗಿ (ಸಾಂಸ್ಥಿಕ ಸಾಲ) ನಿರ್ಮಲಾ ಸಿತಾರಾಮನ್ ಬಜೆಟ್ ಭಾಷಣದಲ್ಲೇ ಉಲ್ಲೇಖಿಸಿದ್ದರು. ಬೆಂಗಳೂರಿನಿಂದ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾಗಿರುವ ಅವರು ಈ ನಗರದ ಜನತೆಯ ದಾರಿ ತಪ್ಪಿಸಿದ್ದಾರೆ. ಕೇಂದ್ರ ಭರಿಸುವ ಶೇ 20ರಷ್ಟು ಪಾಲಿನಲ್ಲಿ ಸ್ವಲ್ಪ ಮೊತ್ತವನ್ನಾದರೂ ಹಂಚಿಕೆ ಮಾಡುತ್ತಿದ್ದರೆ ಸಮಾಧಾನ ಪಡಬಹುದಿತ್ತು’ ಎಂದು ರೈಲ್ವೆ ಹೋರಾಟಗಾರ ಕೃಷ್ಣಪ್ರಸಾದ್ ಬೇಸರ ವ್ಯಕ್ತಪಡಿಸಿದರು.</p>.<p><strong>ಈ ವರ್ಷ ಜಾರಿಗೆ ತಂದೇ ಸಿದ್ಧ: ಪಿ.ಸಿ.ಮೋಹನ್</strong></p>.<p>‘ಸಬ್ಅರ್ಬನ್ ರೈಲು ಯೋಜನೆಗೆ ಪಿಂಕ್ ಬುಕ್ನಲ್ಲಿ ಸಾಕಷ್ಟು ಅನುದಾನ ನೀಡದೇ ಇರಬಹುದು. ಆದರೂ ಈ ಯೋಜನೆಯನ್ನು ಈ ವರ್ಷ ಜಾರಿಗೆ ತಂದೇ ಸಿದ್ಧ’ ಎಂದು ಸಂಸದ ಪಿ.ಸಿ.ಮೋಹನ್ ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.</p>.<p>‘ರಾಜ್ಯ ಬಜೆಟ್ನಲ್ಲಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ಈ ಯೋಜನೆಗೆ ಕನಿಷ್ಠ ಪಕ್ಷ ₹ 1 ಸಾವಿರ ಕೋಟಿ ಅನುದಾನ ಕಾಯ್ದಿರಿಸಲಿದ್ದಾರೆ. ಅಷ್ಟೇ ಮೊತ್ತವನ್ನು ಕೇಂದ್ರ ಸರ್ಕಾರವೂ ಇದೇ ವರ್ಷ ಬಿಡುಗಡೆ ಮಾಡಲಿದೆ’ ಎಂದು ಅವರು ತಿಳಿಸಿದರು.</p>.<p><strong>ಬೆಂಗಳೂರಿಗೆ ಪಿಂಕ್ ಬುಕ್ನಲ್ಲಿ ತೋರಿಸಿರುವ ಅನುದಾನ</strong></p>.<p>₹100 ಕೋಟಿ – ವೈಟ್ಫೀಲ್ಡ್–ಬೆಂಗಳೂರುನಗರ– ಕೆ.ಆರ್.ಪುರ–ಮಾರ್ಗವನ್ನು (23.08 ಕಿ.ಮೀ) ನಾಲ್ಕು ಹಳಿಗಳನ್ನಾಗಿ ಪರಿವರ್ತಿಸಲು</p>.<p>₹ 5 ಕೋಟಿ – ಯಶವಂತಪುರ– ಚನ್ನಸಂದ್ರ (21.7 ಕಿ.ಮೀ) ಮಾರ್ಗವನ್ನು ಜೋಡಿಹಳಿಯನ್ನಾಗಿ ಪರಿವರ್ತಿಸಲು</p>.<p>₹ 5 ಕೋಟಿ – ಬೈಯಪ್ಪನಹಳ್ಳಿ– ಹೊಸೂರು (46 ಕಿ.ಮೀ) ಮಾರ್ಗವನ್ನು ಜೋಡಿಹಳಿಯನ್ನಾಗಿ ಪರಿವರ್ತಿಸಲು</p>.<p>₹ 30 ಕೋಟಿ – ಯಲಹಂಕ–ಚಿಕ್ಕಬಳ್ಳಾಪುರ– ಬಂಗಾರಪೇಟೆ ಮಾರ್ಗದ ವಿದ್ಯುದೀಕರಣ</p>.<p>***</p>.<p>ಬಿಬಿಎಂಪಿಯಿಂದ ಹಿಡಿದು ಕೇಂದ್ರದವರೆಗೆ ಬಿಜೆಪಿ ನೇತೃತ್ವದ ಸರ್ಕಾರಗಳಿದೆ. ಸಬ್ಅರ್ಬನ್ ರೈಲು ಯೋಜನೆ ವಿಳಂಬದ ಬಗ್ಗೆ ಬೇರೆಯವರ ಮೇಲೆ ಅವರೀಗ ಗೂಬೆ ಕೂರಿಸಲಾಗದು. ವಿಳಂಬಕ್ಕೆ ಅವರೇ ನೇರ ಹೊಣೆ</p>.<p><em><strong>– ಕೃಷ್ಣಪ್ರಸಾದ್, ರೈಲ್ವೆ ಹೋರಾಟಗಾರ</strong></em></p>.<p>ಸಬ್ಅರ್ಬನ್ ರೈಲು ಯೋಜನೆ ಬಗ್ಗೆ ಕೆಲವರು ದಾರಿ ತಪ್ಪಿಸುತ್ತಿದ್ದಾರೆ. ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಸಂಸತ್ತಿನಲ್ಲಿ ಭರವಸೆ ನೀಡಿದಂತೆ ಈ ಯೋಜನೆಯನ್ನು ಆದ್ಯತೆ ಮೇರೆಗೆ ಜಾರಿಗೊಳಿಸಲಿದ್ದೇವೆ</p>.<p><em><strong>- ಪಿ.ಸಿ.ಮೋಹನ್, ಸಂಸದ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
