<p><strong>ಬೆಂಗಳೂರು</strong>: ಆ ಬಾಲಕಿಯ ವಯಸ್ಸು 15 ವರ್ಷ. ನಿದ್ರೆಯಲ್ಲಿರುವಾಗ ಮೂತ್ರ ವಿಸರ್ಜಿಸುವ ಅಭ್ಯಾಸ ಇನ್ನೂ ನಿಂತಿಲ್ಲ. ಈ ಸಮಸ್ಯೆಯ ಕಾರಣ ಸಂಬಂಧಿಕರ ಮನೆಯಲ್ಲಿ ರಾತ್ರಿ ಉಳಿದುಕೊಳ್ಳುವುದಕ್ಕೂ ಮುಜುಗರ. ರಾತ್ರಿ ಪ್ರಯಾಣಕ್ಕೂ ನಿರ್ಬಂಧ. ಎದೆ ಎತ್ತರಕ್ಕೆ ಬೆಳೆದ ಮಗಳು ಇನ್ನೂ ಹಾಸಿಗೆಯಲ್ಲಿ ಮೂತ್ರ ಮಾಡಿಕೊಳ್ಳುತ್ತಾಳೆ ಎಂದು ಹೇಳಬೇಕಾದ ಸಂದರ್ಭ ಎದುರಾದಾಗ ಪೋಷಕರಿಗೂ ಕಸಿವಿಸಿ. ಇದು ಮುಗಿಯದ ಸಮಸ್ಯೆ ಎಂಬ ಚಿಂತೆಯಲ್ಲಿದ್ದಾರೆ ಆ ಬಾಲಕಿ ಮತ್ತು ಪೋಷಕರು.</p>.<p>***</p>.<p>ಅವನು ಐದನೇ ತರಗತಿ ಬಾಲಕ. ನಿದ್ರೆ ಸಮಯದಲ್ಲಿ ಹಾಸಿಗೆಯಲ್ಲೇ ಮೂತ್ರ ವಿಸರ್ಜನೆ ಅವನ ನಿತ್ಯ ಸಮಸ್ಯೆ. ದೆವ್ವ ಕಂಡು ಹೆದರಿರಬೇಕು ಎಂದು ಅವನ ಪೋಷಕರು ಮಾಟ–ಮಂತ್ರ ಮಾಡಿಸಿದ್ದಕ್ಕೆ ಲೆಕ್ಕ ಇಲ್ಲ. ಈಗ ಕೇವಲ ₹300 ಖರ್ಚಿನಲ್ಲಿ ಚಿಕಿತ್ಸೆ ಕೊಡಿಸಲಾಗಿದೆ. ’ಹಾಸಿಗೆಯಲ್ಲಿ ಉಚ್ಚೆ ಮಾಡಿಕೊಳ್ಳುತ್ತಾನೆ‘ ಎಂಬ ಗೆಳೆಯರ ಮೂದಲಿಕೆಯಿಂದ ಪಾರಾಗಿದ್ದಾನೆ ಬಾಲಕ.</p>.<p>***</p>.<p>ಈ ಸಮಸ್ಯೆಯಿಂದ ನೂರಾರು ಮಕ್ಕಳು ಬಳಲುತ್ತಿದ್ದಾರೆ. ಆದರೆ, ಸಕಾಲಕ್ಕೆ ಚಿಕಿತ್ಸೆ ದೊರೆತರೆ ಇದು ದೊಡ್ಡ ಸಮಸ್ಯೆಯೇ ಅಲ್ಲ ಎನ್ನುತ್ತಾರೆ ನಗರದ ರೈನ್ಬೊ ಆಸ್ಪತ್ರೆಯ ಮಕ್ಕಳ ನರವಿಜ್ಞಾನ (ಪೀಡಿಯಾಟ್ರಿಕ್ ನೆಫ್ರಾಲಜಿಸ್ಟ್) ತಜ್ಞ ಡಾ. ಸೌಮಿಲ್ ಗೌರ್.</p>.<p>’ಮಕ್ಕಳು ಹಾಸಿಗೆಯಲ್ಲಿ ಮೂತ್ರ ಮಾಡಿಕೊಳ್ಳುವುದನ್ನು ಮಾನಸಿಕ ಕಾಯಿಲೆ ಎಂಬಂತೆ ನೋಡಲಾಗುತ್ತಿದೆ. ಎಷ್ಟೋ ಜನರು ಮನೋವೈದ್ಯರ ಬಳಿ ಮಕ್ಕಳನ್ನು ಕರೆದೊಯ್ಯುತ್ತಾರೆ. ಇದು ತಪ್ಪು. ಇದು ದೇಹಕ್ಕೆ ಸಂಬಂಧಿಸಿದ ಸಮಸ್ಯೆ ಮತ್ತು ಇದನ್ನು ಸುಲಭವಾಗಿ ವಾಸಿ ಮಾಡಬಹುದು‘ ಎಂದು ಅವರು ಹೇಳುತ್ತಾರೆ.</p>.<p>ಮೂತ್ರಕೋಶ ಚಿಕ್ಕದಾಗಿದ್ದರೆ ಅಥವಾ ಮೂತ್ರಕೋಶ ಸಾಮಾನ್ಯಕ್ಕಿಂತ ಅತಿಹೆಚ್ಚು ಕ್ರಿಯಾಶೀಲವಾಗಿದ್ದರೆ, ಹಾರ್ಮೋನ್ಗಳಲ್ಲಿ ವ್ಯತ್ಯಾಸ ಕಂಡು ಬಂದರೆ ಮತ್ತು ಈ ಮೊದಲು ಮನೆಯಲ್ಲಿ ಯಾರಿಗಾದರೂ ಈ ಸಮಸ್ಯೆ ಇದ್ದರೆ (ಆನುವಂಶಿಕವಾಗಿ) ಅಂತಹ ಮಕ್ಕಳಲ್ಲಿ ಈ ತೊಂದರೆ ಕಾಣಿಸುತ್ತದೆ.</p>.<p>‘ಸದ್ಯ 250ಕ್ಕೂ ಹೆಚ್ಚು ಮಕ್ಕಳು ನನ್ನ ಬಳಿ ಚಿಕಿತ್ಸೆಗೆ ಬರುತ್ತಿದ್ದಾರೆ. ತಿಂಗಳ ಔಷಧಿಗೆ ₹200ರಿಂದ ₹300 ಖರ್ಚು ಮಾಡಿದರೆ ಸಾಕು, ಈ ಸಮಸ್ಯೆ ಗುಣಪಡಿಸಬಹುದು. ಮಗುವಿನ ಐದನೇ ವರ್ಷದ ಜನ್ಮದಿನದ ನಂತರ ಈ ಸಮಸ್ಯೆ ಕಾಣಿಸಬಾರದು. ಐದು ವರ್ಷಗಳ ನಂತರವೂ ಈ ತೊಂದರೆ ಮುಂದುವರಿದಿದ್ದರೆ ತಕ್ಷಣವೇ ಮಕ್ಕಳ ನರವಿಜ್ಞಾನ ತಜ್ಞರನ್ನು ಸಂಪರ್ಕಿಸುವುದು ಒಳ್ಳೆಯದು’ ಎಂದರು.</p>.<p>‘ಬೇರೆ ಜಿಲ್ಲೆಗಳಿಂದಲ ಹಾಗೂ ಬೇರೆ ರಾಜ್ಯಗಳಿಂದಲೂ ಮಕ್ಕಳು ಈ ಸಮಸ್ಯೆಯ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಬರುತ್ತಿದ್ದಾರೆ. ಪ್ರತಿ ನೂರು ಮಕ್ಕಳ ಪೈಕಿ ಒಬ್ಬರಲ್ಲಿ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ’ ಎಂದೂ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಆ ಬಾಲಕಿಯ ವಯಸ್ಸು 15 ವರ್ಷ. ನಿದ್ರೆಯಲ್ಲಿರುವಾಗ ಮೂತ್ರ ವಿಸರ್ಜಿಸುವ ಅಭ್ಯಾಸ ಇನ್ನೂ ನಿಂತಿಲ್ಲ. ಈ ಸಮಸ್ಯೆಯ ಕಾರಣ ಸಂಬಂಧಿಕರ ಮನೆಯಲ್ಲಿ ರಾತ್ರಿ ಉಳಿದುಕೊಳ್ಳುವುದಕ್ಕೂ ಮುಜುಗರ. ರಾತ್ರಿ ಪ್ರಯಾಣಕ್ಕೂ ನಿರ್ಬಂಧ. ಎದೆ ಎತ್ತರಕ್ಕೆ ಬೆಳೆದ ಮಗಳು ಇನ್ನೂ ಹಾಸಿಗೆಯಲ್ಲಿ ಮೂತ್ರ ಮಾಡಿಕೊಳ್ಳುತ್ತಾಳೆ ಎಂದು ಹೇಳಬೇಕಾದ ಸಂದರ್ಭ ಎದುರಾದಾಗ ಪೋಷಕರಿಗೂ ಕಸಿವಿಸಿ. ಇದು ಮುಗಿಯದ ಸಮಸ್ಯೆ ಎಂಬ ಚಿಂತೆಯಲ್ಲಿದ್ದಾರೆ ಆ ಬಾಲಕಿ ಮತ್ತು ಪೋಷಕರು.</p>.<p>***</p>.<p>ಅವನು ಐದನೇ ತರಗತಿ ಬಾಲಕ. ನಿದ್ರೆ ಸಮಯದಲ್ಲಿ ಹಾಸಿಗೆಯಲ್ಲೇ ಮೂತ್ರ ವಿಸರ್ಜನೆ ಅವನ ನಿತ್ಯ ಸಮಸ್ಯೆ. ದೆವ್ವ ಕಂಡು ಹೆದರಿರಬೇಕು ಎಂದು ಅವನ ಪೋಷಕರು ಮಾಟ–ಮಂತ್ರ ಮಾಡಿಸಿದ್ದಕ್ಕೆ ಲೆಕ್ಕ ಇಲ್ಲ. ಈಗ ಕೇವಲ ₹300 ಖರ್ಚಿನಲ್ಲಿ ಚಿಕಿತ್ಸೆ ಕೊಡಿಸಲಾಗಿದೆ. ’ಹಾಸಿಗೆಯಲ್ಲಿ ಉಚ್ಚೆ ಮಾಡಿಕೊಳ್ಳುತ್ತಾನೆ‘ ಎಂಬ ಗೆಳೆಯರ ಮೂದಲಿಕೆಯಿಂದ ಪಾರಾಗಿದ್ದಾನೆ ಬಾಲಕ.</p>.<p>***</p>.<p>ಈ ಸಮಸ್ಯೆಯಿಂದ ನೂರಾರು ಮಕ್ಕಳು ಬಳಲುತ್ತಿದ್ದಾರೆ. ಆದರೆ, ಸಕಾಲಕ್ಕೆ ಚಿಕಿತ್ಸೆ ದೊರೆತರೆ ಇದು ದೊಡ್ಡ ಸಮಸ್ಯೆಯೇ ಅಲ್ಲ ಎನ್ನುತ್ತಾರೆ ನಗರದ ರೈನ್ಬೊ ಆಸ್ಪತ್ರೆಯ ಮಕ್ಕಳ ನರವಿಜ್ಞಾನ (ಪೀಡಿಯಾಟ್ರಿಕ್ ನೆಫ್ರಾಲಜಿಸ್ಟ್) ತಜ್ಞ ಡಾ. ಸೌಮಿಲ್ ಗೌರ್.</p>.<p>’ಮಕ್ಕಳು ಹಾಸಿಗೆಯಲ್ಲಿ ಮೂತ್ರ ಮಾಡಿಕೊಳ್ಳುವುದನ್ನು ಮಾನಸಿಕ ಕಾಯಿಲೆ ಎಂಬಂತೆ ನೋಡಲಾಗುತ್ತಿದೆ. ಎಷ್ಟೋ ಜನರು ಮನೋವೈದ್ಯರ ಬಳಿ ಮಕ್ಕಳನ್ನು ಕರೆದೊಯ್ಯುತ್ತಾರೆ. ಇದು ತಪ್ಪು. ಇದು ದೇಹಕ್ಕೆ ಸಂಬಂಧಿಸಿದ ಸಮಸ್ಯೆ ಮತ್ತು ಇದನ್ನು ಸುಲಭವಾಗಿ ವಾಸಿ ಮಾಡಬಹುದು‘ ಎಂದು ಅವರು ಹೇಳುತ್ತಾರೆ.</p>.<p>ಮೂತ್ರಕೋಶ ಚಿಕ್ಕದಾಗಿದ್ದರೆ ಅಥವಾ ಮೂತ್ರಕೋಶ ಸಾಮಾನ್ಯಕ್ಕಿಂತ ಅತಿಹೆಚ್ಚು ಕ್ರಿಯಾಶೀಲವಾಗಿದ್ದರೆ, ಹಾರ್ಮೋನ್ಗಳಲ್ಲಿ ವ್ಯತ್ಯಾಸ ಕಂಡು ಬಂದರೆ ಮತ್ತು ಈ ಮೊದಲು ಮನೆಯಲ್ಲಿ ಯಾರಿಗಾದರೂ ಈ ಸಮಸ್ಯೆ ಇದ್ದರೆ (ಆನುವಂಶಿಕವಾಗಿ) ಅಂತಹ ಮಕ್ಕಳಲ್ಲಿ ಈ ತೊಂದರೆ ಕಾಣಿಸುತ್ತದೆ.</p>.<p>‘ಸದ್ಯ 250ಕ್ಕೂ ಹೆಚ್ಚು ಮಕ್ಕಳು ನನ್ನ ಬಳಿ ಚಿಕಿತ್ಸೆಗೆ ಬರುತ್ತಿದ್ದಾರೆ. ತಿಂಗಳ ಔಷಧಿಗೆ ₹200ರಿಂದ ₹300 ಖರ್ಚು ಮಾಡಿದರೆ ಸಾಕು, ಈ ಸಮಸ್ಯೆ ಗುಣಪಡಿಸಬಹುದು. ಮಗುವಿನ ಐದನೇ ವರ್ಷದ ಜನ್ಮದಿನದ ನಂತರ ಈ ಸಮಸ್ಯೆ ಕಾಣಿಸಬಾರದು. ಐದು ವರ್ಷಗಳ ನಂತರವೂ ಈ ತೊಂದರೆ ಮುಂದುವರಿದಿದ್ದರೆ ತಕ್ಷಣವೇ ಮಕ್ಕಳ ನರವಿಜ್ಞಾನ ತಜ್ಞರನ್ನು ಸಂಪರ್ಕಿಸುವುದು ಒಳ್ಳೆಯದು’ ಎಂದರು.</p>.<p>‘ಬೇರೆ ಜಿಲ್ಲೆಗಳಿಂದಲ ಹಾಗೂ ಬೇರೆ ರಾಜ್ಯಗಳಿಂದಲೂ ಮಕ್ಕಳು ಈ ಸಮಸ್ಯೆಯ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಬರುತ್ತಿದ್ದಾರೆ. ಪ್ರತಿ ನೂರು ಮಕ್ಕಳ ಪೈಕಿ ಒಬ್ಬರಲ್ಲಿ ಈ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ’ ಎಂದೂ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
