ಔರಾದ್: ಅಪರೂಪದ ಬೆಂಗಾಲ್ ಫಾಕ್ಸ್ ಪತ್ತೆ

ಅವಸಾನದ ಅಂಚಿನಲ್ಲಿರುವ ಈ ತಳಿಯ ನಾಲ್ಕು ಮರಿಗಳು ಹಾಗೂ ಒಂದು ಹೆಣ್ಣು ಸೇರಿ ಒಟ್ಟು ಐದು ನರಿಗಳು ಪತ್ತೆಯಾಗಿವೆ.

ಉಪ ವಲಯ ಅರಣ್ಯಾಧಿಕಾರಿ ಅಂಕುಶ ಮಚಕುರಿ ಅವರು ಈ ವಿಶೇಷ ತಳಿಯ ನರಿಗಳನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ.

‘ನಮ್ಮ ಭಾಗದಲ್ಲಿ ‌ಈ ನರಿಗಳು ಸಿಗುವುದು ಅಪರೂಪ. ಕಾಡು‌ ನಾಶ, ಕಾಡಿಗೆ ಬೆಂಕಿ ಬೀಳುವಂತಹ ಘಟನೆಯಿಂದ ಈ ನರಿಗಳ‌ ಸಂತತಿ ಅಳಿವಿನ ಅಂಚಿನಲ್ಲಿವೆ. ಭೂಮಿಯಲ್ಲಿ ರಂಧ್ರ ಕೊರೆದು ಮನೆ ಮಾಡಿಕೊಂಡು ವಾಸಿಸುವ ಈ ನರಿಗಳು ವಿಚಿತ್ರ ಧ್ವನಿಯಿಂದ ಕೂಗು ಹಾಕುತ್ತವೆ’ ಎಂದು ವಲಯ ಅರಣ್ಯಾಧಿಕಾರಿ ಪ್ರೇಮಶೇಖರ್ ಚಾಂದೋರಿ ತಿಳಿಸಿದ್ದಾರೆ.