ಸಂಸತ್ತಿನ ಮೇಲೆ ಉಗ್ರರ ದಾಳಿಗೆ ಬೀದರ್‌ ಸಂಸದರ ಲೆಟರ್‌ ಹೆಡ್‌!

ಬೀದರ್: ಡಿಸೆಂಬರ್ 13ರಂದು ದೇಶದ ಹೊಸ ಸಂಸತ್ ಭವನದೊಳಗೆ ನಡೆದ ಭದ್ರತಾ ಲೋಪ ಘಟನೆಯು ಬರೋಬ್ಬರಿ 22 ವರ್ಷಗಳ ಹಿಂದೆ ಭಯೋತ್ಪಾದಕರು ನಡೆಸಿದ ದಾಳಿಯ ಕಹಿ ನೆನಪನ್ನು ಬಿಚ್ಚಿಟ್ಟಿದೆ. ಆದರೆ, ಅದಕ್ಕೆ ಅಂದಿನ ಬೀದರ್ ಸಂಸದರ ಹೆಸರು ತಳಕು ಹಾಕಿಕೊಂಡಿತ್ತು ಎನ್ನುವುದು ಬಹುತೇಕರಿಗೆ ತಿಳಿದಿಲ್ಲ.

. ಬುಧವಾರ (ಡಿ.13) ಹೊಸ ಸಂಸತ್ ಭವನದಲ್ಲಿ ಉಂಟಾದ ಭದ್ರತಾ ಲೋಪಕ್ಕೆ ಮೈಸೂರು ಸಂಸದ ಪ್ರತಾಪ ಸಿಂಹ ಅವರ ಶಿಫಾರಸ್ಸಿನ ಮೂಲಕ ಪಾಸ್ ಪಡೆದ ಇಬ್ಬರು ಯುವಕರು ಕೃತ್ಯ ಎಸಗಿದ್ದಾರೆ. ಇದಕ್ಕೆ ವ್ಯಾಪಕ ಟೀಕೆ ವ್ಯಕ್ತವಾಗಿದೆ. ಆದರೆ, 2001ರ ಡಿಸೆಂಬರ್ 13ರಂದು ಉಗ್ರರು ಸಂಸತ್ತಿನ ಮೇಲೆ ದಾಳಿ ನಡೆಸಿದಾಗ ಅಂದಿನ ಬೀದರ್ ಸಂಸದ ರಾಮಚಂದ್ರ ವೀರಪ್ಪ ಅವರ ಕಚೇರಿಯಿಂದ ಉಗ್ರರು ಪಾಸ್ ಪಡೆದುಕೊಂಡಿದ್ದರು.

. ಭಯೋತ್ಪಾದಕರು ರಾಮಚಂದ್ರ ವೀರಪ್ಪನವರ ಲೆಟರ್ ಹೆಡ್ ಮತ್ತು ನಕಲಿ ಸಹಿ ಬಳಸಿ, ಅವರ ಕಚೇರಿಯ ಸಹಾಯಕರಿಗೆ ತೋರಿಸಿ ಕಾರಿನ ಪಾಸ್ ಪಡೆದುಕೊಂಡಿದ್ದರು. ಆ ಕಾರಿನ ಪಾಸ್ ಮೂಲಕ ಅವರು ಸಂಸತ್ ಭವನದ ಆವರಣದೊಳಗೆ ಪ್ರವೇಶಿಸಿದ್ದರು.

. ಸಂಸದರ ಪಾಸ್ ಹಾಗೂ ಗೃಹ ಸಚಿವಾಲಯದ ಸ್ಟಿಕ್ಕರ್ ಅಂಟಿಸಿದ್ದ ಕೆಂಪು ಗೂಟದ ಅಂಬಾಸಿಡರ್ ಕಾರಿನೊಳಗೆ ಸಂಸತ್ ಭವನದ ಆವರಣದೊಳಗೆ ಪ್ರವೇಶ ಮಾಡಿದ್ದರು. 2001ರ ಡಿ.13ರ ಬೆಳಿಗ್ಗೆ 11.40ಕ್ಕೆ ಸಂಸತ್ ಭವನದ ಗೇಟ್ ನಂಬರ್ 12ರ ಮೂಲಕ ಒಳಗೆ ಹೋಗಿದ್ದರು. ಆದರೆ, ಭದ್ರತಾ ಸಿಬ್ಬಂದಿ ಅನುಮಾನಗೊಂಡು ಅವರನ್ನು ತಡೆಯಲೆತ್ನಿಸಿದಾಗ ಕಾರು ಅಪಘಾತಕ್ಕೀಡಾಗಿತ್ತು. ಬಳಿಕ ಅದರಲ್ಲಿದ್ದ ಭಯೋತ್ಪಾದಕರು ಹೊರಬಂದು ಮನಬಂದಂತೆ ಗುಂಡಿನ ದಾಳಿ ನಡೆಸಿದ್ದರು. ಸುಮಾರು 30 ನಿಮಿಷಗಳವರೆಗೆ ನಡೆದ ಗುಂಡಿನ ಕಾಳಗದಲ್ಲಿ ಎಂಟು ಜನ ಭದ್ರತಾ ಸಿಬ್ಬಂದಿ ಸಾವನ್ನಪ್ಪಿದ್ದರು. ಐದು ಜನ ಉಗ್ರರನ್ನು ಹತ್ಯೆ ಮಾಡಲಾಗಿತ್ತು. ದಾಳಿಯ ಸಂದರ್ಭದಲ್ಲಿ ಸಂಸತ್ ಭವನದೊಳಗೆ ನೂರಕ್ಕೂ ಅಧಿಕ ಜನ ಸದಸ್ಯರಿದ್ದರು. ಅಂದಿನ ಘಟನೆ ಇಡೀ ವಿಶ್ವವನ್ನೇ ಬೆಚ್ಚಿ ಬೀಳಿಸಿತ್ತು. ಭಾರತದ ಹೃದಯವನ್ನು ಕಲಕಿತ್ತು. ಬಳಿಕ ಸಂಸತ್ತಿಗೆ ಭಾರಿ ಭದ್ರತೆ ಕಲ್ಪಿಸಲಾಗಿತ್ತು. ಕೆಲ ತಿಂಗಳ ಹಿಂದೆ ಉದ್ಘಾಟನೆಗೊಂಡಿರುವ ಹೊಸ ಸಂಸತ್ತಿಗೆ ಅಂದಿಗಿಂತಲೂ ಹೆಚ್ಚು ಭದ್ರತೆಯ ವ್ಯವಸ್ಥೆ ಮಾಡಲಾಗಿತ್ತು. ಆದರೆ, ಇಬ್ಬರು ಯುವಕರು ಸಂದರ್ಶಕರ ಗ್ಯಾಲರಿಯಿಂದ ಸದನದೊಳಗೆ ಜಿಗಿದು ಘೋಷಣೆಗಳನ್ನು ಕೂಗುತ್ತಾ ‘ಸ್ಮೋಕ್ ಕ್ಯಾನ್’ (ಹಳದಿ ವರ್ಣದ ಬಣ್ಣ ಉಗುಳುವ ಕ್ಯಾನ್) ಹಾರಿಸಿ ದಾಂದಲೆ ಮಾಡಿದ್ದಾರೆ. ಇದರಿಂದ ಆತಂಕ ಸೃಷ್ಟಿಯಾಗಿತ್ತು. 2001ರಲ್ಲಿ ನಡೆದ ಘಟನೆಗೆ ಹೋಲಿಸಿದರೆ ಬುಧವಾರದ ಕೃತ್ಯ ಏನೂ ಇಲ್ಲ. ಆದರೆ, ಭಾರಿ ಭದ್ರತಾ ಲೋಪ ಆಗಿರುವುದನ್ನು ಬಹಿರಂಗಪಡಿಸಿದೆ. ಹಳೆಯ ಘಟನೆಗಳಿಂದ ನಾವೇಕೆ ಪಾಠ ಕಲಿಯುತ್ತಿಲ್ಲ ಎಂದು ಸಾರ್ವಜನಿಕರು ಪ್ರಶ್ನಿಸಿದ್ದಾರೆ.

. ‘ಯಾರು ರಾಜಕೀಯ ಮಾಡಬಾರದು’

‘ಕ್ಷೇತ್ರದ ಮತದಾರರು ಎಂದು ಸಂಸದರು ಅಥವಾ ಅವರ ಕಚೇರಿಯ ಸಹಾಯಕರು ಪಾಸ್ ಕೊಡುತ್ತಾರೆ. ಈ ರೀತಿ ಮಾಡುತ್ತಾರೆ ಎಂದು ಯಾವುದೇ ಸಂಸದರಿಗೆ ಗೊತ್ತಿರುವುದಿಲ್ಲ. ಇಂದಿನ ಯುವ ಪೀಳಿಗೆ ಈ ಕೆಲಸ ಮಾಡಿದ್ದರಿಂದ ಇಡೀ ದೇಶ ತಲೆತಗ್ಗಿಸುವಂತಾಗಿದೆ. ಭಾರಿ ಭದ್ರತೆಯಿರುವ ಸಂಸತ್ತಿನೊಳಗೆ ಯುವಕರು ಪ್ರವೇಶಿಸಿದ್ದಾರೆ. ಇದು ಖಂಡನಾರ್ಹ. 2001ರಲ್ಲಿ ಭಯೋತ್ಪಾದಕರು ನಮ್ಮ ತಂದೆಯವರ ನಕಲಿ ಸಹಿ ಲೆಟರ್ ಬಳಸಿ ಹೋದಾಗ ಅಂದು ಸಂಸತ್ತಿನ ಹೊರಗೆ ಭದ್ರತಾ ಸಿಬ್ಬಂದಿ ಅವರನ್ನು ತಡೆದು ದೊಡ್ಡ ಅನಾಹುತ ತಪ್ಪಿಸಿದ್ದರು. ಅದಕ್ಕಾಗಿ ಯೋಧರು ಬಲಿದಾನ ಕೊಟ್ಟಿದ್ದರು. ಹೊಸ ಸಂಸತ್ತಿನೊಳಗೆ ಪ್ರವೇಶಿಸಿರುವುದು ಖಂಡನಾರ್ಹ. ಈ ವಿಷಯದಲ್ಲಿ ಯಾರು ರಾಜಕೀಯ ಮಾಡಬಾರದು’ ಎಂದು ಮಾಜಿಸಂಸದ ರಾಮಚಂದ್ರ ವೀರಪ್ಪ ಅವರ ಮಗ ಬಸವರಾಜ ಆರ್ಯ ಮನವಿ ಮಾಡಿದ್ದಾರೆ. ಅನಾರೋಗ್ಯದಿಂದ 2004ರಲ್ಲಿ ತಮ್ಮ 96ನೇ ವಯಸ್ಸಿನಲ್ಲಿ ರಾಮಚಂದ್ರ ವೀರಪ್ಪ ಹೈದರಾಬಾದಿನ ಆಸ್ಪತ್ರೆಯಲ್ಲಿ ನಿಧನರಾಗಿದ್ದರು.

.ಲೋಕಸಭೆಯಲ್ಲಿ ಭದ್ರತಾ ಲೋಪ: ವೀಕ್ಷಕರ ಗ್ಯಾಲರಿಯಿಂದ ನುಗ್ಗಿದ ಆಗಂತುಕರು. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಸತ್ತಿನ ಮೇಲೆ ಉಗ್ರರ ದಾಳಿಗೆ ಬೀದರ್‌ ಸಂಸದರ ಲೆಟರ್‌ ಹೆಡ್‌!

ಲೋಕಸಭೆಯಲ್ಲಿ ಭದ್ರತಾ ಲೋಪ: ವೀಕ್ಷಕರ ಗ್ಯಾಲರಿಯಿಂದ ನುಗ್ಗಿದ ಆಗಂತುಕರು

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ