ಬಸ್‌ ಚಾಲಕನ ಮೇಲೆ ಹಲ್ಲೆ

ಔರಾದ್: ಸಾರಿಗೆ ಸಂಸ್ಥೆಯ ಇಲ್ಲಿನ ಘಟಕದ ಚಾಲಕ ಬಾಪುರಾವ್ ಅವರ ಮೇಲೆ ಪ್ರಯಾಣಿಕನೊಬ್ಬ ಮಾರಣಾಂತಿಕ ಹಲ್ಲೆ ನಡೆಸಿದ್ದಾನೆ.
ಮುರ್ಕಿ ತಾಂಡಾದ ಸಂದೀಪ್ ರಾಠೋಡ್ ಹಲ್ಲೆ ನಡೆಸಿದ ಪ್ರಯಾಣಿಕ. ಉದಗೀರನಿಂದ ಔರಾದ್ ಕಡೆ ಬರುತ್ತಿರುವ ಬಸ್‌ಗೆ ಪ್ರಯಾಣಿಕ ಸಂದೀಪ್ ಮುರ್ಕಿ ಗ್ರಾಮದಲ್ಲಿ ಹತ್ತಿದ್ದಾನೆ. ಇನ್ನು ‌ಮಾಳೆಗಾಂವ್ ಮುಂದೆ ಇರುವಾಗ ಬಸ್ ನಿಲ್ಲಿಸಲು ಹೇಳಿದ್ದಾನೆ. ನಡುವೆ ಬಸ್ ನಿಲ್ಲಸಲಾಗದು. ಮಾಳೆಗಾಂವ್ ನಿಲ್ದಾಣದ ಹತ್ತಿರ ಇಳಿದುಕೊಳ್ಳಿ ಎಂದು ಚಾಲಕ ಬಾಪುರಾವ ಹೇಳಿದ್ದಾರೆ. ಇದರಿಂದ ಸಿಟ್ಟಿಗೆದ್ದು ಚಾಲಕನ ಮೇಲೆ ಹಲ್ಲೆ ನಡೆಸಲಾಗಿದೆ.