ಮಹಾರಾಷ್ಟ್ರಕ್ಕೆ ಸಾಗಿಸುತ್ತಿದ್ದ ಪಡಿತರ ಅಕ್ಕಿ ಜಪ್ತಿ

ಉದಗೀರ್‌ ಮುಸಾನಗರ ನಿವಾಸಿ ಗಳಾದ ಸಂಗಮೇಶ ಭಗವಾನ ಬಿರಾದಾರ (23), ಶೇಖ್ ಇಸಾ ಯೂನುಸ್ (27) ಬಂಧಿತರು.

‘ಟೆಂಪೊದಲ್ಲಿ 14 ಕ್ವಿಂಟಲ್ ಮತ್ತು ಒಮಿನಿ ಕಾರ್‌ನಲ್ಲಿ 3.5 ಕ್ವಿಂಟಲ್ ಅಕ್ಕಿ ಸೇರಿ ಅಂದಾಜು ₹49 ಸಾವಿರ ಮೌಲ್ಯದ ಒಟ್ಟು 17.5 ಕ್ವಿಂಟಲ್ ಅಕ್ಕಿಯನ್ನು ಅಕ್ರಮವಾಗಿ ಮಹಾರಾಷ್ಟ್ರಕ್ಕೆ ಸಾಗಿಸಲಾಗುತ್ತಿತ್ತು. ಈ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ಚೆಕ್‌ಪೋಸ್ಟ್ ಹತ್ತಿರ ದಾಳಿ ನಡೆಸಿ ಜಪ್ತಿ ಮಾಡಲಾಗಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.

ಔರಾದ್ ತಾಲ್ಲೂಕಿನ ಆಹಾರ ಸಿರಸ್ತೇದಾರ ರವಿ ಅರ್ಜುನರಾವ ಸೂರ್ಯವಂಶಿ ಅವರ ದೂರಿನ ಮೇರೆಗೆ ಕಮಲನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.