ಬೀದರ್‌: ವರ್ಷದಿಂದ ‘ಸಖಿ’ಗಿಲ್ಲ ಆಡಳಿತಾಧಿಕಾರಿ

ಕಳೆದ ನಾಲ್ಕು ತಿಂಗಳ ಅವಧಿಯಲ್ಲಿ ‘ಸಖಿ’ ಕೇಂದ್ರಕ್ಕೆ 31 ಮಹಿಳೆಯರು ದಾಖಲಾಗಿದ್ದರು. ಇತರೆ ಜಿಲ್ಲೆಗಳಿಗೆ ಹೋಲಿಸಿದರೆ ಈ ಸಂಖ್ಯೆ ತೀರ ಕಡಿಮೆ ಇದೆ. ಏಪ್ರಿಲ್‌ನಲ್ಲಿ ನಾಲ್ವರು ಮೇನಲ್ಲಿ10 ಜೂನ್‌ನಲ್ಲಿ 5 ಹಾಗೂ ಜುಲೈನಲ್ಲಿ 12 ಜನ ‘ಸಖಿ’ ಕೇಂದ್ರದಲ್ಲಿ ದಾಖಲಾಗಿ ಇದರ ನೆರವು ಪಡೆದುಕೊಂಡಿದ್ದಾರೆ.  ನಗರದ ‘ಸಖಿ’ ಕೇಂದ್ರದಲ್ಲಿ ಒಟ್ಟು ಐದು ಹಾಸಿಗೆಗಳಿಗೆ ವ್ಯವಸ್ಥೆ ಇದೆ. ಯಾವುದೇ ಘಟನೆ ನಡೆದು ಸಂತ್ರಸ್ತ ಮಹಿಳೆ ಬಂದರೆ ತುರ್ತು ಸೇವೆಗಳನ್ನು ನೀಡಬೇಕು. ವೈದ್ಯಕೀಯ ಚಿಕಿತ್ಸೆ ಕೊಡಬೇಕು. ಪೊಲೀಸರು ವಕೀಲರು ಸ್ಥಳಕ್ಕೆ ಬಂದು ಕಾನೂನು ನೆರವು ನೀಡಬೇಕು. ಆಘಾತಕ್ಕೆ ಒಳಗಾದರೆ ಮನಃಶಾಸ್ತ್ರಜ್ಞರನ್ನು ಕರೆಸಿ ಆಪ್ತ ಸಮಾಲೋಚನೆ ನಡೆಸಬೇಕು.ವಿಡಿಯೊ ಕಾನ್ಪರೆನ್ಸ್‌ ಸವಲತ್ತು ಕೂಡ ಕಲ್ಪಿಸಿಕೊಡಬೇಕು. ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಇದರ ಮೇಲುಸ್ತುವಾರಿ ನೋಡಿಕೊಳ್ಳುತ್ತದೆ.