ಸೋಮವಾರ, 20 ಮೇ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೀದರ್‌ನಲ್ಲಿ ತುಂತುರು ಮಳೆ

Published 8 ಏಪ್ರಿಲ್ 2024, 14:41 IST
Last Updated 8 ಏಪ್ರಿಲ್ 2024, 14:41 IST
ಅಕ್ಷರ ಗಾತ್ರ

ಬೀದರ್: ನಗರ ಹಾಗೂ ಸುತ್ತಮುತ್ತಲಿನ ಭಾಗಗಳಲ್ಲಿ ಸೋಮವಾರ ರಾತ್ರಿ ತುಂತುರು ಮಳೆಯಾಗಿದೆ.

ರಾತ್ರಿ 7.50ಕ್ಕೆ ದಿಢೀರನೆ ಆರಂಭವಾದ ತುಂತುರು ಮಳೆ ಕೆಲಕಾಲ ಸುರಿಯಿತು. ಆರಂಭದಲ್ಲಿ ಮಳೆ ಬಿರುಸಾಗಿ ಸುರಿಯಲು ಆರಂಭಿಸಿತು. ಆದರೆ, ಕೆಲವೇ ನಿಮಿಷಗಳಲ್ಲಿ ನಿಂತು ಆನಂತರ ತುಂತುರು ಹನಿಗಳು ಉದುರಿದವು.

ಬಿಸಿಲಿನಿಂದ ನೆಲ ಕಾದು ಕಾವಲಿಯಂತಾಗಿದ್ದು, ಮಳೆ ಆರಂಭವಾಗುತ್ತಿದ್ದಂತೆ ಜನ ಖುಷಿಪಟ್ಟಿದ್ದರು. ಆದರೆ, ಕೆಲ ನಿಮಿಷಗಳಲ್ಲಿಯೇ ಮಳೆ ನಿಂತಿದ್ದರಿಂದ ನಿರಾಸೆಯಾದರು. ಆದರೆ, ಜೋರಾಗಿ ತಂಗಾಳಿ ಬೀಸುತ್ತಿದ್ದು, ಬಿಸಿಲ ಝಳ ನಿಂತಿದೆ. ಎರಡು ದಿನಗಳ ಹಿಂದೆ ಜಿಲ್ಲೆಯ ಗರಿಷ್ಠ ತಾಪಮಾನ 40 ಡಿಗ್ರಿ ಸೆಲ್ಸಿಯಸ್‌ ಗಡಿ ದಾಟಿತ್ತು. ಸೋಮವಾರ ತಗ್ಗಿದೆ. ಸೋಮವಾರ ಜಿಲ್ಲೆಯಲ್ಲಿ ಗರಿಷ್ಠ 38 ಡಿಗ್ರಿ ಸೆಲ್ಸಿಯಸ್‌, ಕನಿಷ್ಠ ತಾಪಮಾನ 24 ಡಿಗ್ರಿ ಸೆಲ್ಸಿಯಸ್‌ ದಾಖಲಾಗಿದೆ. ಮುಂದಿನ ನಾಲ್ಕು ದಿನ ಜಿಲ್ಲೆಯ ಹಲವು ಭಾಗಗಳಲ್ಲಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT