ಬಸವಕಲ್ಯಾಣ: ‘ಶರಣು’ ಆಗಿ ಕಲ್ಯಾಣದವರ ಮನಗೆದ್ದರು

ಬಸವಕಲ್ಯಾಣ: ಶರಣು ಸಲಗರ ಅವರ ದಾಖಲೆಗಳಲ್ಲಿನ ಹೆಸರು ಶರಣಬಸಪ್ಪ ಇದ್ದರೂ ‘ಶರಣು’ ಆಗಿ ಬಸವಣ್ಣನವರ ಕಾರ್ಯಕ್ಷೇತ್ರ ಕಲ್ಯಾಣಕ್ಕೆ ಬಂದು ಕೋವಿಡ್ ಲಾಕ್ಡೌನ್ನಲ್ಲಿನ ಸೇವಾ ಕೈಂಕರ್ಯದಿಂದ ಮತದಾರರ ಮನಗೆದ್ದು ಶಾಸಕರಾಗಿ ಆಯ್ಕೆಗೊಂಡಿದ್ದಾರೆ. ಈ ಕ್ಷೇತ್ರದ 15ನೇ ಶಾಸಕರಾಗಿದ್ದಾರೆ.

. ಇವರ ಹುಟ್ಟೂರು ಈ ವಿಧಾನಸಭಾ ಕ್ಷೇತ್ರದ ಗಡಿ ಗ್ರಾಮ ಕೊಹಿನೂರನಿಂದ ಕೇವಲ 2 ಕಿ.ಮೀ. ಅಂತರದಲ್ಲಿರುವ ಕಲಬುರ್ಗಿ ಜಿಲ್ಲೆಯ ಕಮಲಾಪುರ ತಾಲ್ಲೂಕಿನ ವಿ.ಕೆ.ಸಲಗರ. ಆ ಊರಿನ ಹೆಸರನ್ನು ಅಡ್ಡ ಹೆಸರಾಗಿ ಇಟ್ಟುಕೊಂಡು ‘ಶರಣು ಸಲಗರ’ ಆಗಿದ್ದಾರೆ. ಆದರೆ, ಸಲಗರದಲ್ಲಿ ಯಾರಿಗೆ ವಿಚಾರಿಸಿದರೂ ‘ಹಿರೇನಾಗಾಂವ’ ಮನೆತನದವರು ಎಂದೇ ಇವರನ್ನು ಗುರುತಿಸುತ್ತಾರೆ.

. ಹಿರೇನಾಗಾಂವ ಗ್ರಾಮವು ಬಸವಕಲ್ಯಾಣ ತಾಲ್ಲೂಕಿನ ಮುಡಬಿ ಹೋಬಳಿಯಲ್ಲಿದೆ. ಇವರ ಪೂರ್ವಜರು ವ್ಯಾಪಾರ ನಿಮಿತ್ತ ಇಲ್ಲಿಂದ ಸಲಗರಗೆ ವಲಸೆ ಹೋಗಿದ್ದರಿಂದ ಅಲ್ಲಿ ಈ ಊರಿನ ಹೆಸರು ಮನೆತನದ ಹೆಸರಾಗಿ ಚಾಲ್ತಿಗೆ ಬಂದಿದೆ. ಆದರೂ, ಹಿರೇನಾಗಾಂವ ಎಂಬ ಅಡ್ಡ ಹೆಸರು ಬಳಸದೆ ಸಲಗರ ಎಂದು ಇಟ್ಟುಕೊಂಡಿದಕ್ಕೆ ಚುನಾವಣೆಯಲ್ಲಿ ಇವರು ಹೊರಗಿನವರು ಎಂಬ ನೆಪ ಮುಂದೆ ಮಾಡಿ ಕೆಲವರು ವ್ಯಕ್ತಪಡಿಸಿದ ಪ್ರಬಲ ವಿರೋಧವನ್ನು ಎದುರಿಸಬೇಕಾಯಿತು.

. ಇವರ ಆಯ್ಕೆಯಿಂದ ಮೂರು ಶಾಸಕರನ್ನು ನೀಡಿದ ನೆಲ ಎಂದೇ ಗುರುತಿಸಿಕೊಳ್ಳುವ ಕೊಹಿನೂರ ಮತ್ತು ಸಲಗರ ಹೋಬಳಿಗಳ ಸರಹದ್ದು ಈಗ ನಾಲ್ವರು ಶಾಸಕರ ನೆಲ ಎಂದೇ ಗುರುತಿಸಿಕೊಳ್ಳಲಿದೆ. ಸಲಗರದಿಂದ ಕೇವಲ 3 ಕಿ.ಮೀ ಅಂತರದಲ್ಲಿನ ಅಟ್ಟೂರ್ ಗ್ರಾಮವು ಈ ಕ್ಷೇತ್ರದಲ್ಲಿ ಐದು ಸಲ ಶಾಸಕರಾಗಿದ್ದ ಬಸವರಾಜ ಪಾಟೀಲ ಅಟ್ಟೂರ್ ಅವರ ಊರು. ಅಲ್ಲಿಂದ 2 ಕಿ.ಮೀ ದೂರದ ಬೆಳಮಗಿ ತಾಂಡಾ ಮಾಜಿ ಸಚಿವ ರೇವುನಾಯಕ ಬೆಳಮಗಿ ಅವರ ಸ್ವಂತ ಗ್ರಾಮ. ಅಲ್ಲಿಂದ ಮುಂದೆ 4 ಕಿ.ಮೀ ದಾಟಿದರೆ ಬರುವ ತಡಕಲ್ ಗ್ರಾಮವು ಮಾಜಿ ಸಚಿವ ಸುಭಾಷ ಗುತ್ತೇದಾರ್ ಅವರ ಊರಾಗಿದೆ.

. ಇವರ ಪತ್ನಿ ಸಾವಿತ್ರಿ ಸಲಗರ ಅವರು 2016ರಲ್ಲಿ ಕೆಎಎಸ್ ಉತ್ತೀರ್ಣರಾಗಿ ಬಸವಕಲ್ಯಾಣದ ತಹಶೀಲ್ದಾರ್ ಹುದ್ದೆಗೆ ನೇಮಕಗೊಂಡಿದ್ದರಿಂದ ಸಹಜವಾಗಿಯೇ ಈ ಕ್ಷೇತ್ರದ ಜತೆ ಸಂಪರ್ಕ ಇಟ್ಟುಕೊಂಡು ಸಮಾಜಸೇವೆ ಆರಂಭಿಸಿದರು. 2020ರ ಕೋವಿಡ್ ಲಾಕ್ಡೌನ್ ಕಾಲದಲ್ಲಿ ತಾಲ್ಲೂಕಿನ ಹಳ್ಳಿಗಳಿಗೆ ಹೋಗಿ 50 ಸಾವಿರಕ್ಕಿಂತ ಹೆಚ್ಚಿನ ಜನರಿಗೆ ಆಹಾರಧಾನ್ಯ ವಿತರಿಸಿದರಲ್ಲದೆ ಇತರೆ ರೂಪದಲ್ಲಿಯೂ ಸಹಾಯ ಸಹಕಾರ ನೀಡಿದರು.

. ಇದೇ ಸಮಯದಲ್ಲಿ ಶಾಸಕ ಬಿ.ನಾರಾಯಣರಾವ್ ಅವರ ನಿಧನ ಆಗಿದ್ದರಿಂದ ತೆರವಾದ ಸ್ಥಾನಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಬಿಜೆಪಿಯ ಹತ್ತಾರು ಆಕಾಂಕ್ಷಿಗಳನ್ನು ಹಿಂದಿಕ್ಕಿ ಟಿಕೆಟ್ ಪಡೆದರಲ್ಲದೆ ಚುನಾವಣೆಯಲ್ಲಿ ವಿಜೇತರಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಸವಕಲ್ಯಾಣ: ‘ಶರಣು’ ಆಗಿ ಕಲ್ಯಾಣದವರ ಮನಗೆದ್ದರು

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’