ಬೊಳೆಗಾಂವದಲ್ಲಿ ಲಸಿಕಾಕರಣ, ಆರೋಗ್ಯ ತಪಾಸಣೆ ಇಂದು

ಡಾ. ವಿವೇಕ ನಿಂಬೂರ, ಡಾ. ಶ್ರೀಕಾಂತ ರೆಡ್ಡಿ, ಡಾ. ಸಂಗಮೇಶ ಕೆ, ಡಾ. ನಾಗೇಶ ಪಾಟೀಲ, ಡಾ. ಕಪಿಲ್ ಪಾಟೀಲ, ಡಾ. ಮಲ್ಲಿಕಾರ್ಜುನ ಚಟ್ನಳ್ಳಿ, ಡಾ. ಪ್ರವೀಣ ದೇಶಪಾಂಡೆ, ಡಾ. ಎನ್. ಅರುಣಕುಮಾರ, ಡಾ. ಸಂದೀಪ್ ಪಾಟೀಲ ಹಾಗೂ ಡಾ. ಶಿಲ್ಪಾ ಬುಳ್ಳಾ ಅವರನ್ನು ಒಳಗೊಂಡ ತಂಡ ಆರೋಗ್ಯ ತಪಾಸಣೆ ನಡೆಸಲಿದೆ. ಡಾ. ಶರಣ ಬುಳ್ಳಾ ಶಿಬಿರದ ಸಂಯೋಜಕರಾಗಿದ್ದಾರೆ.

ಕೋವಿಡ್‍ನಿಂದ ಸುರಕ್ಷತೆ ಹಾಗೂ ಸೋಂಕು ತಡೆಗೆ ಲಸಿಕೆ ಅಗತ್ಯವಾಗಿದೆ. ಹೀಗಾಗಿ ಬೊಳೆಗಾಂವ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ಜನ ಕೋವಿಡ್ ಲಸಿಕಾಕರಣ ಹಾಗೂ ಆರೋಗ್ಯ ತಪಾಸಣಾ ಶಿಬಿರದ ಸದುಪಯೋಗ ಪಡೆಯಬೇಕು ಎಂದು ರೋಟರಿ ಕ್ಲಬ್ ಆಫ್ ಬೀದರ್ ನ್ಯೂ ಸೆಂಚುರಿ ಅಧ್ಯಕ್ಷ ಡಾ. ನಿತೇಶಕುಮಾರ ಬಿರಾದಾರ ಹಾಗೂ ಕಾರ್ಯದರ್ಶಿ ಸುಧೀಂದ್ರ ಸಿಂದೋಲ್ ಮನವಿ ಮಾಡಿದ್ದಾರೆ.