ಬುಧವಾರ, ಸೆಪ್ಟೆಂಬರ್ 30, 2020
26 °C
ತಂದೆ, ತಾಯಿಗೂ ಸೋಂಕು, 10 ದಿನಗಳಲ್ಲಿ ಸೋಂಕು ಮುಕ್ತ

ಕೊಳ್ಳೇಗಾಲ: ಕೋವಿಡ್‌ ಗೆದ್ದ 15 ದಿನಗಳ ಮಗು

ಅವಿನ್ ಪ್ರಕಾಶ್ ವಿ. Updated:

ಅಕ್ಷರ ಗಾತ್ರ : | |

ಕೊಳ್ಳೇಗಾಲ: ತಾಲ್ಲೂಕಿನ ಮಧುವನಹಳ್ಳಿ ಗ್ರಾಮದ 15 ದಿನಗಳ ಗಂಡು ಮಗುವೊಂದು ಕೋವಿಡ್‌–19ನಿಂದ ಗುಣಮುಖವಾಗಿದೆ. 

ಮಗುವಿನ ತಂದೆ ಹಾಗೂ ತಾಯಿ ಆಗಿರುವ ತಿಲಕ್‌ರಾಜ್‌ ಹಾಗೂ ದೀಪು ಅವರು ಕೂಡ ಸೋಂಕಿಗೆ ತುತ್ತಾಗಿ ಈಗ ಗುಣಮುಖರಾಗಿ ಮೂರು ದಿನಗಳ ಹಿಂದೆ ಮನೆಗೆ ಮರಳಿದ್ದಾರೆ. 

ತಿಲಕ್‍ರಾಜ್ ಮೈಸೂರಿನ ಅರಮನೆಯಲ್ಲಿ ಉದ್ಯೋಗಿಯಾಗಿದ್ದಾರೆ. 12 ದಿನಗಳ ಹಿಂದೆ ಸಣ್ಣ ಪ್ರಮಾಣದಲ್ಲಿ ಕೆಮ್ಮು, ನೆಗಡಿ ಬಂದಿತ್ತು. ಜೊತೆಗೆ ಆಹಾರದ ರುಚಿ ಗೊತ್ತಾಗುತ್ತಿರಲಿಲ್ಲ. ತಕ್ಷಣ ಅವರು ನಗರದ ಸರ್ಕಾರಿ ಉಪವಿಭಾಗ ಆಸ್ಪತ್ರೆಯಲ್ಲಿ ಸ್ವಯಂಪ್ರೇರಿತವಾಗಿ ಕೋವಿಡ್‌ ಪರೀಕ್ಷೆ ಮಾಡಿಸಿಕೊಂಡಿದ್ದರು. ಎರಡು ದಿನಗಳ ಬಳಿಕ ಸೋಂಕು ಧೃಡಪಟ್ಟಿತ್ತು.

ಪರೀಕ್ಷೆ ಮಾಡಿಸಿಕೊಳ್ಳುವ ಮೊದಲು ತಿಲಕ್‍ರಾಜ್ ಅವರು ಕೆಲವು ದಿನಗಳ ಹಿಂದೆಯಷ್ಟೇ ಮಗುವಿಗೆ ಜನ್ಮ ನೀಡಿದ್ದ ತಮ್ಮ ಪತ್ನಿ ಹಾಗೂ ಮತ್ತು ಮಗುವಿನ ಯೋಗಕ್ಷೇಮ ವಿಚಾರಿಸಲು ಮಧುವನಹಳ್ಳಿ ಗ್ರಾಮಕ್ಕೆ ಭೇಟಿ ನೀಡಿ ಅಲ್ಲಿಯೇ ಉಳಿದಿದ್ದರು.

ತಿಲಕ್‍ರಾಜ್ ಅವರಿಗೆ ಕೋವಿಡ್‌ ಇರುವುದು ದೃಢಪಟ್ಟ ಬಳಿಕ ತಾಲ್ಲೂಕಿನ ಆರೋಗ್ಯಾಧಿಕಾರಿಗಳು ತಿಲಕ್‍ರಾಜ್ ಅವರ ಪ್ರಾಥಮಿಕ ಸಂಪರ್ಕದಲ್ಲಿದ್ದ ಪತ್ನಿ ದೀಪು ಹಾಗೂ ಮಗುವಿನ ತಪಾಸಣೆ ನಡೆಸಿದರು. ಇಬ್ಬರಲ್ಲೂ ಕೋವಿಡ್‌–19 ಇರುವುದು ದೃಢಪಟ್ಟಿತ್ತು. 

ಮಗು ಹುಟ್ಟಿ 15 ದಿನಗಳಾಗಿದ್ದರಿಂದ ಪತ್ನಿಗೆ ತುಂಬಾ ಭಯವಾಯಿತು. ನಾನೂ ಗಾಬರಿಗೊಳಗಾದೆ. ಮೂವರೂ ಕೋವಿಡ್‌ ಆಸ್ಪತ್ರೆಗೆ ದಾಖಲಾದೆವು. ಅಲ್ಲಿನ ವಾತಾವಾರಣ ಮತ್ತು ಸೋಂಕು ಇರುವ ಮಕ್ಕಳನ್ನು ನೋಡಿ ಸ್ವಲ್ಪ ಮಟ್ಟಿಗೆ ನೆಮ್ಮದಿ ಸಿಕ್ಕಿತು. ಈ ಕಾಯಿಲೆ ಗುಣವಾಗಬಹುದು ಎಂಬ ವಿಶ್ವಾಸ ಮೂಡಿತು. ಏಳು ದಿನಗಳ ಕಾಲ ಇಲ್ಲಿನ ವೈದ್ಯರು ಉತ್ತಮವಾಗಿ ಚಿಕಿತ್ಸೆ ನೀಡಿದರು. ವೈದ್ಯರು ಗುಣವಾಗಿದ್ದೀರಿ ಎಂದಾಗ ಮನಸ್ಸಿನಲ್ಲಿದ್ದ ಚಿಂತೆ ದೂರವಾಯಿತು. ಮನೆಯಲ್ಲಿ 10 ದಿನಗಳ ಕಾಲ ಕ್ವಾರಂಟೈನ್‌ನಲ್ಲಿ ಇರುವಂತೆ ವೈದ್ಯರು ಸೂಚಿಸಿದ್ದಾರೆ. ಮಗು ಸೇರಿದಂತೆ ಎಲ್ಲರೂ ಆರೋಗ್ಯದಿಂದ ಇದ್ದೇವೆ. ಕೋವಿಡ್‌–19 ಬಗ್ಗೆ ಯಾರೂ ಭಯ ಪಡುವ ಅಗತ್ಯವಿಲ್ಲ’ ಎಂದು ತಿಲಕ್‌ರಾಜ್‌ ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು