<p><strong>ಚಾಮರಾಜನಗರ</strong>: ಗಣೇಶ ಹಬ್ಬದ ಬಳಿಕ ಮಾರುಕಟ್ಟೆಯಲ್ಲಿ ಹೂವಿನ ಬೇಡಿಕೆ ಕುಸಿದಿದ್ದು, ಧಾರಣೆ ಕಡಿಮೆಯಾಗಿದೆ. ತರಕಾರಿಗಳ ಪೈಕಿ ಬೀನ್ಸ್ ಮತ್ತೆ ತುಟ್ಟಿಯಾಗಿದೆ. ಹಣ್ಣು, ಮಾಂಸಗಳ ದರ ಸ್ಥಿರವಾಗಿದೆ.</p>.<p>ಗೌರಿ–ಗಣೇಶ ಹಬ್ಬದ ಸಂದರ್ಭದಲ್ಲಿ ವಿವಿಧ ಹೂವುಗಳಿಗೆ ಬೇಡಿಕೆ ಹೆಚ್ಚಾಗಿದ್ದರಿಂದ ಬೆಲೆಯಲ್ಲೂ ಕೊಂಚ ಹೆಚ್ಚಳವಾಗಿತ್ತು. ಹಬ್ಬ ಕಳೆಯುತ್ತಿದ್ದಂತೆಯೇ ಬೇಡಿಕೆಯೂ ಕಡಿಮೆಯಾಗಿದ್ದು, ಬೆಲೆಯೂ ಇಳಿದಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಕಡಿಮೆಯಾಗಲಿದ್ದು, ದಸರಾ ಹಬ್ಬದವರೆಗೂ ಇದೇ ಸ್ಥಿತಿ ಮುಂದುವರಿಯಲಿದೆ ಎಂದು ಹೇಳುತ್ತಾರೆ ವ್ಯಾಪಾರಿಗಳು.</p>.<p>ಕಡಿಮೆ ಪ್ರಮಾಣದಲ್ಲಿ ಪೂರೈಕೆಯಾಗುತ್ತಿರುವ ಮಲ್ಲಿಗೆಯನ್ನು ಬಿಟ್ಟರೆ, ಉಳಿದ ಹೂವುಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ. ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ 1 ಕೆ.ಜಿ. ಮಲ್ಲಿಗೆ ಬೆಲೆ ಸೋಮವಾರ ₹ 360 ಇತ್ತು. ಉಳಿದಂತೆ, ಕನಕಾಂಬರ ₹ 600, ಕಾಕಡ ₹ 60ರಿಂದ ₹ 80, ಸುಗಂಧರಾಜ 1 ಕೆ.ಜಿ.ಗೆ ₹ 80 ಇತ್ತು.</p>.<p>‘ಮೂರು ದಿನಗಳಿಂದ ಹೂವುಗಳಿಗೆ ಬೇಡಿಕೆ ಕಡಿಮೆಯಾಗಿದೆ. ದಸರಾದವರೆಗೂ ಇದೇ ಪರಿಸ್ಥಿತಿ ಇರಲಿದೆ’ ಎಂದು ಬಿಡಿ ಹೂವಿನ ವ್ಯಾಪಾರಿ ರವಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ತರಕಾರಿ ಮಾರುಕಟ್ಟೆಯಲ್ಲಿ ಎರಡು ವಾರಗಳಿಂದ ಬೀನ್ಸ್ ಬೆಲೆ ಹೆಚ್ಚಾಗಿದ್ದು, ಈ ವಾರವೂ ಮತ್ತೆ ₹ 10 ತುಟ್ಟಿಯಾಗಿದೆ. ಹಾಪ್ಕಾಮ್ಸ್ನಲ್ಲಿ 1 ಕೆ.ಜಿ.ಗೆ ₹ 50 ಇದ್ದ ಬೀನ್ಸ್ ಈ ವಾರ ₹ 60 ಆಗಿದೆ. ಹೊರಗಡೆ ಇನ್ನೂ ಹೆಚ್ಚಿನ ಬೆಲೆ ಇದೆ.</p>.<p>‘ಮಳೆಯ ವಾತಾವರಣ ಇರುವುದರಿಂದ ಬೀನ್ಸ್ ಕಡಿಮೆ ಪ್ರಮಾಣದಲ್ಲಿ ಆವಕವಾಗುತ್ತಿದೆ. ಪೂರೈಕೆ ಕಡಿಮೆಯಾಗಿ ಬೇಡಿಕೆ ಹೆಚ್ಚಾಗಿರುವುದರಿಂದ ಬೆಲೆಯಲ್ಲಿ ಹೆಚ್ಚಳವಾಗಿದೆ’ ಎಂದು ಹಾಪ್ಕಾಮ್ಸ್ ವ್ಯಾಪಾರಿ ಮಧು ತಿಳಿಸಿದರು.</p>.<p>ಹಲವು ತಿಂಗಳುಗಳಿಂದ ಸ್ಥಿರವಾಗಿದ್ದ ಶುಂಠಿಯ ಬೆಲೆ 1 ಕೆ.ಜಿ.ಗೆ ₹ 20ರಷ್ಟು ಇಳಿದಿದೆ. ಕಳೆದ ವಾರದವರೆಗೂ ಹಾಪ್ಕಾಮ್ಸ್ನಲ್ಲಿ 1 ಕೆ.ಜಿ. ಶುಂಠಿ ಬೆಲೆ ₹ 60 ಇತ್ತು. ಅದೀಗ ₹ 40ಕ್ಕೆ ಇಳಿದಿದೆ.</p>.<p>ಉಳಿದಂತೆ ಟೊಮೆಟೊ (₹ 20), ಈರುಳ್ಳಿ (₹ 30), ಮೂಲಂಗಿ (₹ 20), ಕ್ಯಾರೆಟ್ (₹ 40) ಸೇರಿ ಇತರ ತರಕಾರಿಗಳ ಬೆಲೆಯಲ್ಲಿ ವ್ಯತ್ಯಾಸವಾಗಿಲ್ಲ.</p>.<p>ಹಣ್ಣುಗಳ ಪೈಕಿ ಸೇಬಿನ ಬೆಲೆ 1 ಕೆ.ಜಿ.ಗೆ ₹ 100 ಆಗಿದೆ. ದ್ರಾಕ್ಷಿ (₹ 120), ದಾಳಿಂಬೆ (₹ 100–₹ 120), ಮೂಸಂಬಿ (₹ 60), ಕಿತ್ತಳೆ (₹ 80) ಬೆಲೆ ಯಥಾಸ್ಥಿತಿ ಮುಂದುವರೆದಿದೆ.</p>.<p>ಮಾಂಸದ ಚಿಲ್ಲರೆ ಮಾರುಕಟ್ಟೆಯಲ್ಲಿ ಮಾಂಸದ ದರಗಳಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ. ಮಟನ್ ಕೆ.ಜಿ.ಗೆ ₹ 560 ಇದ್ದರೆ, ಚಿಕನ್ ₹ 200–₹ 220ರವರೆಗೆ ಧಾರಣೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಾಮರಾಜನಗರ</strong>: ಗಣೇಶ ಹಬ್ಬದ ಬಳಿಕ ಮಾರುಕಟ್ಟೆಯಲ್ಲಿ ಹೂವಿನ ಬೇಡಿಕೆ ಕುಸಿದಿದ್ದು, ಧಾರಣೆ ಕಡಿಮೆಯಾಗಿದೆ. ತರಕಾರಿಗಳ ಪೈಕಿ ಬೀನ್ಸ್ ಮತ್ತೆ ತುಟ್ಟಿಯಾಗಿದೆ. ಹಣ್ಣು, ಮಾಂಸಗಳ ದರ ಸ್ಥಿರವಾಗಿದೆ.</p>.<p>ಗೌರಿ–ಗಣೇಶ ಹಬ್ಬದ ಸಂದರ್ಭದಲ್ಲಿ ವಿವಿಧ ಹೂವುಗಳಿಗೆ ಬೇಡಿಕೆ ಹೆಚ್ಚಾಗಿದ್ದರಿಂದ ಬೆಲೆಯಲ್ಲೂ ಕೊಂಚ ಹೆಚ್ಚಳವಾಗಿತ್ತು. ಹಬ್ಬ ಕಳೆಯುತ್ತಿದ್ದಂತೆಯೇ ಬೇಡಿಕೆಯೂ ಕಡಿಮೆಯಾಗಿದ್ದು, ಬೆಲೆಯೂ ಇಳಿದಿದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಕಡಿಮೆಯಾಗಲಿದ್ದು, ದಸರಾ ಹಬ್ಬದವರೆಗೂ ಇದೇ ಸ್ಥಿತಿ ಮುಂದುವರಿಯಲಿದೆ ಎಂದು ಹೇಳುತ್ತಾರೆ ವ್ಯಾಪಾರಿಗಳು.</p>.<p>ಕಡಿಮೆ ಪ್ರಮಾಣದಲ್ಲಿ ಪೂರೈಕೆಯಾಗುತ್ತಿರುವ ಮಲ್ಲಿಗೆಯನ್ನು ಬಿಟ್ಟರೆ, ಉಳಿದ ಹೂವುಗಳ ಬೆಲೆಯಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ. ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ 1 ಕೆ.ಜಿ. ಮಲ್ಲಿಗೆ ಬೆಲೆ ಸೋಮವಾರ ₹ 360 ಇತ್ತು. ಉಳಿದಂತೆ, ಕನಕಾಂಬರ ₹ 600, ಕಾಕಡ ₹ 60ರಿಂದ ₹ 80, ಸುಗಂಧರಾಜ 1 ಕೆ.ಜಿ.ಗೆ ₹ 80 ಇತ್ತು.</p>.<p>‘ಮೂರು ದಿನಗಳಿಂದ ಹೂವುಗಳಿಗೆ ಬೇಡಿಕೆ ಕಡಿಮೆಯಾಗಿದೆ. ದಸರಾದವರೆಗೂ ಇದೇ ಪರಿಸ್ಥಿತಿ ಇರಲಿದೆ’ ಎಂದು ಬಿಡಿ ಹೂವಿನ ವ್ಯಾಪಾರಿ ರವಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>ತರಕಾರಿ ಮಾರುಕಟ್ಟೆಯಲ್ಲಿ ಎರಡು ವಾರಗಳಿಂದ ಬೀನ್ಸ್ ಬೆಲೆ ಹೆಚ್ಚಾಗಿದ್ದು, ಈ ವಾರವೂ ಮತ್ತೆ ₹ 10 ತುಟ್ಟಿಯಾಗಿದೆ. ಹಾಪ್ಕಾಮ್ಸ್ನಲ್ಲಿ 1 ಕೆ.ಜಿ.ಗೆ ₹ 50 ಇದ್ದ ಬೀನ್ಸ್ ಈ ವಾರ ₹ 60 ಆಗಿದೆ. ಹೊರಗಡೆ ಇನ್ನೂ ಹೆಚ್ಚಿನ ಬೆಲೆ ಇದೆ.</p>.<p>‘ಮಳೆಯ ವಾತಾವರಣ ಇರುವುದರಿಂದ ಬೀನ್ಸ್ ಕಡಿಮೆ ಪ್ರಮಾಣದಲ್ಲಿ ಆವಕವಾಗುತ್ತಿದೆ. ಪೂರೈಕೆ ಕಡಿಮೆಯಾಗಿ ಬೇಡಿಕೆ ಹೆಚ್ಚಾಗಿರುವುದರಿಂದ ಬೆಲೆಯಲ್ಲಿ ಹೆಚ್ಚಳವಾಗಿದೆ’ ಎಂದು ಹಾಪ್ಕಾಮ್ಸ್ ವ್ಯಾಪಾರಿ ಮಧು ತಿಳಿಸಿದರು.</p>.<p>ಹಲವು ತಿಂಗಳುಗಳಿಂದ ಸ್ಥಿರವಾಗಿದ್ದ ಶುಂಠಿಯ ಬೆಲೆ 1 ಕೆ.ಜಿ.ಗೆ ₹ 20ರಷ್ಟು ಇಳಿದಿದೆ. ಕಳೆದ ವಾರದವರೆಗೂ ಹಾಪ್ಕಾಮ್ಸ್ನಲ್ಲಿ 1 ಕೆ.ಜಿ. ಶುಂಠಿ ಬೆಲೆ ₹ 60 ಇತ್ತು. ಅದೀಗ ₹ 40ಕ್ಕೆ ಇಳಿದಿದೆ.</p>.<p>ಉಳಿದಂತೆ ಟೊಮೆಟೊ (₹ 20), ಈರುಳ್ಳಿ (₹ 30), ಮೂಲಂಗಿ (₹ 20), ಕ್ಯಾರೆಟ್ (₹ 40) ಸೇರಿ ಇತರ ತರಕಾರಿಗಳ ಬೆಲೆಯಲ್ಲಿ ವ್ಯತ್ಯಾಸವಾಗಿಲ್ಲ.</p>.<p>ಹಣ್ಣುಗಳ ಪೈಕಿ ಸೇಬಿನ ಬೆಲೆ 1 ಕೆ.ಜಿ.ಗೆ ₹ 100 ಆಗಿದೆ. ದ್ರಾಕ್ಷಿ (₹ 120), ದಾಳಿಂಬೆ (₹ 100–₹ 120), ಮೂಸಂಬಿ (₹ 60), ಕಿತ್ತಳೆ (₹ 80) ಬೆಲೆ ಯಥಾಸ್ಥಿತಿ ಮುಂದುವರೆದಿದೆ.</p>.<p>ಮಾಂಸದ ಚಿಲ್ಲರೆ ಮಾರುಕಟ್ಟೆಯಲ್ಲಿ ಮಾಂಸದ ದರಗಳಲ್ಲಿ ಹೆಚ್ಚಿನ ವ್ಯತ್ಯಾಸವಾಗಿಲ್ಲ. ಮಟನ್ ಕೆ.ಜಿ.ಗೆ ₹ 560 ಇದ್ದರೆ, ಚಿಕನ್ ₹ 200–₹ 220ರವರೆಗೆ ಧಾರಣೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>