ಚಾಮರಾಜನಗರ: ಬಿಸಿಲ ಝಳ; ಎಳನೀರಿಗೆ ಮೊರೆ

ಚಾಮರಾಜನಗರ : ಜಿಲ್ಲೆಯಲ್ಲಿ ಬಿಸಿಲಿನ ಝಳ ದಿನೇದಿನೇ ಹೆಚ್ಚುತ್ತಿದ್ದು, ತಾಪಮಾನ ಏರಿಕೆಯಿಂದ ಉಂಟಾಗುವ ಆಯಾಸವನ್ನು ದೂರ ಮಾಡಲು ಎಳನೀರಿಗೆ ಮೊರೆ ಹೋಗುತ್ತಿದ್ದಾರೆ.

. ಎರಡು ಮೂರು ವಾರಗಳಿಂದ ವಾತಾವರಣದ ಗರಿಷ್ಠ ಉಷ್ಣಾಂಶ 37–38 ಡಿಗ್ರಿ ಸೆಲ್ಸಿಯಸ್ ಆಸುಪಾಸಿನಲ್ಲಿದೆ. ಕನಿಷ್ಠ ಉಷ್ಣಾಂಶ 18–20 ಡಿಗ್ರಿ ಸೆಲ್ಸಿಯಸ್ಗಳಿಷ್ಟಿದೆ. ಹೀಗಾಗಿಜಿಲ್ಲೆಯಾದ್ಯಂತ ಎಳನೀರಿಗೆ ಹೆಚ್ಚು ಬೇಡಿಕೆ ಬಂದಿದೆ. ಬೆಳಿಗ್ಗೆ 10 ಗಂಟೆ ದಾಟುತ್ತಲೇ, ಎಳನೀರು ಮಾರಾಟಗಾರರ ಬಳಿ ಗ್ರಾಹಕರು ಕಾಣಿಸಿಕೊಳ್ಳುತ್ತಿದ್ದಾರೆ.

. ಒಂದು ಎಳನೀರಿಗೆ ₹ 25ರಿಂದ ₹ 35ರವರೆಗೆ ಬೆಲೆ ಇದೆ. ನಗರ ಮತ್ತು ಪಟ್ಟಣ ಪ್ರದೇಶಗಳಲ್ಲಿ ಬಹುತೇಕ ಎಲ್ಲ ವ್ಯಾಪಾರಿಗಳು ₹ 30ರಿಂದ ₹ 35ಕ್ಕೆ ಮಾರಾಟ ಮಾಡುತ್ತಿದ್ದಾರೆ. ಗ್ರಾಮೀಣ ಭಾಗಗಳಲ್ಲಿ ₹ 25 ಇದೆ. ಗಾತ್ರದಲ್ಲಿ ಚಿಕ್ಕದಾದ ಎಳನೀರನ್ನು ₹ 20ಕ್ಕೆ ಮಾರಾಟ ಮಾಡುವ ವ್ಯಾಪಾರಿಗಳೂ ಇದ್ದಾರೆ.

. ಎರಡು ಮೂರು ವಾರಗಳಿಂದ ಎಳನೀರಿಗೆ ಬೇಡಿಕೆ ಹೆಚ್ಚಾಗಿದ್ದು, ಕೆಲವು ವ್ಯಾಪಾರಿಗಳು ದಿನಕ್ಕೆ 350ರಿಂದ 500ರವೆಗೂ ಮಾರಾಟ ಮಾಡುತ್ತಿದ್ದಾರೆ.

. ಸಣ್ಣ ವ್ಯಾಪಾರಿಗಳು ರೈತರ ತೋಟದಿಂದ ನೇರವಾಗಿ ಎಳನೀರು ಖರೀದಿಸಿ ಸೈಕಲ್, ದ್ವಿಚಕ್ರ ವಾಹನಗಳಲ್ಲಿ ತುಂಬಿ ತಂದು ನಗರ, ಪಟ್ಟಣ ಪ್ರದೇಶಗಳಲ್ಲಿ ಮಾರಾಟ ಮಾಡುತ್ತಿದ್ದಾರೆ.

. ಸ್ಥಳೀಯ ತೋಟಗಳಿಂದ ಪೂರೈಕೆ: ಜಿಲ್ಲೆಯ ವ್ಯಾಪಾರಿಗಳು ಸ್ಥಳೀಯವಾಗಿಯೇ ರೈತರಿಂದ ಎಳನೀರು ಖರೀದಿ ಮಾಡುತ್ತಾರೆ. ಒಂದು ಎಳನೀರಿಗೆ ₹ 18ರಿಂದ ₹ 20ರವರೆಗೆ ರೈತರಿಗೆ ನೀಡುತ್ತಿದ್ದಾರೆ.

. ಜಿಲ್ಲೆಯ ಎಳನೀರಿಗೆ ಹೊರ ಜಿಲ್ಲೆ, ಹೊರ ರಾಜ್ಯಗಳಲ್ಲೂ ಬೇಡಿಕೆ ಇದ್ದು, ಇಲ್ಲಿ ಎಳನೀರು ಖರೀದಿಸಿ ಹೊರಗಡೆ ಪೂರೈಕೆ ಮಾಡುವವರು ಇದ್ದಾರೆ.

. 'ತಮ್ಮಡಹಳ್ಳಿ, ಬೇಡರಪುರ ಸೇರಿದಂತೆ ಸುತ್ತಮುತ್ತಲಿನ ರೈತರಿಂದ ಎಳನೀರು ಖರೀದಿಸುತ್ತೇನೆ. ಎರಡು ವಾರಗಳಿಂದ ಹೆಚ್ಚು ಗ್ರಾಹಕರು ಬರುತ್ತಿದ್ದಾರೆ. ಬಿಸಿಲಿನ ವಾತಾವರಣ ಇರುವವರೆಗೆ ಬೇಡಿಕೆ ಇರಲಿದೆ' ಎಂದು ನಗರದ ಎಳನೀರು ವ್ಯಾಪಾರಿ ಮಹದೇವ ಅವರು 'ಪ್ರಜಾವಾಣಿ'ಗೆ ತಿಳಿಸಿದರು.

. 'ಬಿಸಿಲು ಈಗ ಹೆಚ್ಚಿದ್ದು, ಜನರು ಬಾಯಾರಿಕೆ ನೀಗಿಸಲು ಎಳನೀರು ಕುಡಿಯುತ್ತಿದ್ದಾರೆ. ಬೇಡಿಕೆ ಹೆಚ್ಚಿರುವುದರಿಂದ ಬೇಗ ಖಾಲಿಯಾಗುತ್ತಿದೆ. ಎರಡು ಮೂರು ದಿನಗಳೊಮ್ಮೆ ತರಿಸುತ್ತಿದ್ದೇನೆ. ಸ್ಥಳೀಯವಾಗಿಯೇ ಸಾಕಷ್ಟು ಪ್ರಮಾಣದಲ್ಲಿ ಎಳನೀರು ಲಭ್ಯವಾಗುತ್ತಿದೆ' ಎಂದು ವ್ಯಾಪಾರಿ ಮಹೇಶ್ ಅವರು ತಿಳಿಸಿದರು.

. ಮಾರುಕಟ್ಟೆ ಧಾರಣೆ ಯಥಾಸ್ಥಿತಿ ಈ ಮಧ್ಯೆ, ನಗರದ ಮಾರುಕಟ್ಟೆಗಳಲ್ಲಿ ತರಕಾರಿ, ಹಣ್ಣುಗಳು, ಮಾಂಸದ ಧಾರಣೆ ಯಥಾಸ್ಥಿತಿ ಮುಂದುವರಿದಿದೆ. ಹೂವಿನ ಬೆಲೆಯಲ್ಲಿ ಮಾತ್ರ ಕೊಂಚ ಏರಿಳಿತ ಕಂಡು ಬಂದಿದೆ.

. ಬಿಡಿ ಹೂವಿನ ಮಾರುಕಟ್ಟೆಯಲ್ಲಿ ಮಲ್ಲಿಗೆ ಹಾಗೂ ಕಾಕಡ ಹೂವಿನ ಬೆಲೆ ಕೆಜಿಗೆ ₹ 40ನಷ್ಟು ಜಾಸ್ತಿಯಾಗಿದೆ. ಕಳೆದ ವಾರ ಕೆಜಿಗೆ ₹ 200 ಇತ್ತು. ಅದೀಗ ₹ 240ಕ್ಕೆ ಏರಿದೆ. ಕನಕಾಂಬರ ಕೆಜಿಗೆ ₹ 400, ಸೇವಂತಿಗೆ ₹ 80ರಿಂದ ₹ 100, ಬಟನ್ ಗುಲಾಬಿ ₹ 100ರಿಂದ ₹ 120 ರವರೆಗೆ ಬೆಲೆ ಇದೆ. ಬೇಡಿಕೆ ಕುಸಿದಿರುವ ಚೆಂಡು ಹೂವಿಗೆ ₹ 10 ಬೆಲೆ ಇದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಾಮರಾಜನಗರ: ಬಿಸಿಲ ಝಳ; ಎಳನೀರಿಗೆ ಮೊರೆ

ಚಿನಕುರುಳಿ | ಸೋಮವಾರ, 23 ಫೆಬ್ರುವರಿ ‌2026

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಪತಿಯೊಂದಿಗೆ ಜಪಾನ್‌ಗೆ ತೆರಳಿದ ಮಾಧುರಿ ದೀಕ್ಷಿತ್: ಕಿಮೋನೊ ಉಟ್ಟು ಗಮನಸೆಳೆದ ನಟಿ

ದ.ಆಫ್ರಿಕಾ ವಿರುದ್ಧ ಭಾರತಕ್ಕೆ ಸೋಲು; ತಂಡದ ನಿರ್ಧಾರಕ್ಕೆ ಅಶ್ವಿನ್ ಆಕ್ರೋಶ

T20 World Cup| ಅಹಂಕಾರ ಬಿಟ್ಟು ಆಟವಾಡಿ: ಟೀಂ ಇಂಡಿಯಾಕ್ಕೆ ಗವಾಸ್ಕರ್ ಸಲಹೆ

T20 World Cup| ನಮ್ಮ ಸೋಲಿಗೆ ಆ ವಿಭಾಗದ ವೈಫಲ್ಯವೇ ಕಾರಣ: ನಾಯಕ ಸೂರ್ಯಕುಮಾರ್

ಹುಬ್ಬಳ್ಳಿಯಲ್ಲಿ ರಣಜಿ ಟ್ರೋಫಿ ಫೈನಲ್‌ ಪಂದ್ಯ: ಟಿಕೆಟ್‌ ದರ ಎಷ್ಟು ಗೊತ್ತಾ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಚಿನಕುರುಳಿ | ಸೋಮವಾರ, 23 ಫೆಬ್ರುವರಿ ‌2026

ಚಿನಕುರುಳಿ: ಭಾನುವಾರ 22 ಫೆಬ್ರುವರಿ 2026

ರಾಕ್ಷಸನಂತೆ ನೀರು ಕುಡಿಯುತ್ತಿರುವ ಗೂಗಲ್ ಡೇಟಾ ಸೆಂಟರ್‌ಗಳು..

ಪತಿಯೊಂದಿಗೆ ಜಪಾನ್‌ಗೆ ತೆರಳಿದ ಮಾಧುರಿ ದೀಕ್ಷಿತ್: ಕಿಮೋನೊ ಉಟ್ಟು ಗಮನಸೆಳೆದ ನಟಿ