ಗೌರಿಬಿದನೂರು: ನಗರದ ಸಮೀಪ ಹಿರೇಬಿದನೂರು ರಸ್ತೆಯ ಬದಿಯಲ್ಲಿದ್ದ ದೊಡ್ಡ ಆಲದ ಮರಕ್ಕೆ ಶುಕ್ರವಾರ ಸಂಜೆ ಆಕಸ್ಮಿಕವಾಗಿ ಬೆಂಕಿ‌ಬಿದ್ದ ಪರಿಣಾಮವಾಗಿ ಮರವು ಹೊತ್ತಿ ಉರಿದಿದೆ.
ಸಮೀಪದಲ್ಲಿದ್ದ ಅಗ್ನಿಶಾಮಕ ದಳದ ಸಿಬ್ಬಂದಿ ಎಚ್ಚೆತ್ತು ನಗರ ಪೊಲೀಸರಿಗೆ ಮಾಹಿತಿ ನೀಡಿ ರಸ್ತೆಯ ಎರಡೂ ಬದಿಗಳಲ್ಲಿ ವಾಹನ ಸಂಚಾರವನ್ನು ಸ್ಥಗಿತಗೊಳಿಸಿ ಬೆಂಕಿ‌ನಂದಿಸಲು ಪ್ರಯತ್ನಿಸಿದ್ದಾರೆ. ಆದರೂ ಪ್ರಯತ್ನ ವಿಫಲವಾಗಿದ್ದು ಆಲದ ಮರವು ಪೂರ್ಣ ಹೊತ್ತಿ ಉರಿದಿದೆ. ಜನರನ್ನು ಚದುರಿಸಲು ಪೊಲೀಸರು ಸಾಕಷ್ಟು ಪ್ರಯಾಸಪಟ್ಟರು.
