ಚಿಕ್ಕಬಳ್ಳಾಪುರ: ಬಹು ದಿನಗಳ ನಂತರ ಚಿಕ್ಕಬಳ್ಳಾಪುರದಲ್ಲಿ ಮಳೆ ಅಬ್ಬರಿಸಿತು. ಭಾನುವಾರ ಸಂಜೆ 6.30ರಿಂದ ಆರಂಭವಾದ ಮಳೆ 7.30ರವರೆಗೆ ಅಬ್ಬರಿಸಿತು. ಬಿಸಿಲಿನಿಂದ ದಣಿದಿದ್ದ ಚಿಕ್ಕಬಳ್ಳಾಪುರ ಮಳೆಯಲ್ಲಿ ತೊಯ್ಯಿತು.
ಹೀಗೆ ನಿರಂತವಾಗಿ ಜೋರು ಮಳೆ ಇತ್ತೀಚಿನ ದಿನಗಳಲ್ಲಿ ಚಿಕ್ಕಬಳ್ಳಾಪುರದಲ್ಲಿ ಸುರಿದಿರಲಿಲ್ಲ. ಸಂಜೆ ಮೋಡ ಕಟ್ಟಿದ್ದು ಮಳೆಯ ವಾತಾವರಣವಿತ್ತು. ಕತ್ತಲು ಆವರಿಸುತ್ತಿದ್ದಂತೆ ಜೋರು ಮಳೆ ಸುರಿಯಿತು.
ನಗರದ ಬಿಬಿ ರಸ್ತೆ, ಎಂ.ಜಿ ರಸ್ತೆ ಸೇರಿದಂತೆ ಪ್ರಮುಖ ರಸ್ತೆಗಳಲ್ಲಿ ಮಳೆಯ ನೀರು ತುಂಬಿತ್ತು. ಚರಂಡಿಗಳು ಸಹ ತುಂಬಿ ಹರಿದವು. ತಾಲ್ಲೂಕಿನ ಗ್ರಾಮೀಣ ಪ್ರದೇಶಗಳಲ್ಲಿಯೂ ಉತ್ತಮವಾಗಿ ಮಳೆ ಸುರಿಯಿತು.
