ಚೇಳೂರು: ಗ್ರಾ.ಪಂ.ಚುನಾವಣೆಗೆ ನಾಮಪತ್ರ ಸಲ್ಲಿಸಲು ಚೇಳೂರಿನ ಕೇಂದ್ರ ಸ್ಥಾನದಲ್ಲಿ ನೂಕುನುಗ್ಗಲು ಉಂಟಾಗಿತ್ತು. ಅಭ್ಯರ್ಥಿಗಳು ಕೋವಿಡ್‌–19 ನಿಯಮಗಳನ್ನು ಮರೆತು, ಅಂತರ ಕಾಯ್ದುಕೊಳ್ಳದೆ, ಮಾಸ್ಕ್ ಧರಿಸದೆ ಸಾಲಿನಲ್ಲಿ ನಿಂತಿದ್ದರು.
ಚೇಳೂರುಗ್ರಾ.ಪಂಯಲ್ಲಿ 75 ನಾಮಪತ್ರ; ಪಾಳ್ಯಕೆರೆಯಲ್ಲಿ 73; ನಲ್ಲಗುಟ್ಲಪಲ್ಲಿಯಲ್ಲಿ 43; ಪುಲಗಲ್ಲು 58; ಚಾಕವೇಲು 50; ರಾಶ್ಚೇರುವುನಲ್ಲಿ 45 ನಾಮಪತ್ರ ಸೇರಿದಂತೆ ಚೇಳೂರು ಹೋಬಳಿಯ ಒಟ್ಟು ಆರು ಗ್ರಾಪಂನಲ್ಲಿ 344 ನಾಮಪತ್ರಗಳು ಸಲ್ಲಿಕೆಯಾಗಿವೆ.
ನಾಮಪತ್ರ ಸಲ್ಲಿಸಲು ಶುಕ್ರವಾರ ಕೊನೆಯ ದಿನವಾದ್ದರಿಂದ ಅಭ್ಯರ್ಥಿಗಳು, ಅಂತರ ಕಾಯ್ದುಕೊಳ್ಳದೆ, ಮಾಸ್ಕ್ ಧರಸದೇ ಕೇಂದ್ರದಲ್ಲಿ ಸೇರಿದ್ದರು. ಚೇಳೂರು ಪೋಲಿಸ್ ಠಾಣೆವ್ಯಾಪ್ತಿಯ 7 ಗ್ರಾ.ಪಂ.ಗಳಲ್ಲಿ ಪೊಲೀಸ್‌ ಬಂದೋಬಸ್ತ್‌ ಏರ್ಪಡಿಸಲಾಗಿತ್ತು.
