ಕಡೂರಿನಲ್ಲಿ ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ಲತಾ ಅವರು ಮೂರ್ನಾಲ್ಕು ದಿನಗಳ ಹಿಂದೆ ನನ್ನ ಮನೆಗೆ ಬಂದು ಏರಿದ ಧ್ವನಿಯಲ್ಲಿ ನನ್ನ ವರ್ಗಾವಣೆ ಏಕೆ ಆಗಿದೆ ಎಂದು ಕೇಳಿದ್ದರು. ನಿಮ್ಮ ಇಲಾಖೆಯ ನಿಯಮಗಳ ಪ್ರಕಾರ ವರ್ಗಾವಣೆಯಾಗಿದೆ. ಅದರಲ್ಲಿ ನನ್ನ ಪಾತ್ರವಿಲ್ಲ. ನಿಮ್ಮ ಎಸ್ಪಿ ಬಳಿ ಮಾತನಾಡಿ ಎಂದು ಸೌಜನ್ಯಯುತವಾಗಿಯೇ ಹೇಳಿ ಕಳುಹಿಸಿದ್ದೆ. ಆದರೂ ನನ್ನ ವಿರುದ್ಧ ವಾಟ್ಸ್ಆ್ಯಪ್ ಸ್ಟೇಟಸ್ ಹಾಕಿಕೊಂಡಿದ್ದರು’ ಎಂದು ಹೇಳಿದರು.