<p><strong>ಚಿಕ್ಕಮಗಳೂರು: </strong>ಕೊರೊನಾ ವೈರಾಣು ಪತ್ತೆಗೆ ಮಾದರಿ (ಗಂಟಲು, ಮೂಗಿನ ದ್ರವ) ಪರೀಕ್ಷಿಸುವ ಪ್ರಯೋಗಾಲಯ ಸ್ಥಾಪನೆ ಪ್ರಕ್ರಿಯೆ ಮಂದಗತಿಯಲ್ಲಿ ಸಾಗಿದೆ. ಹಾಸನ, ಶಿವಮೊಗ್ಗ, ಬೆಂಗಳೂರಿಗೆ ಕಳಿಸಲಾಗುತ್ತಿದ್ದು, ಮಾದರಿ ಪರೀಕ್ಷೆ ಬಾಕಿ ಪಟ್ಟಿ ‘ಹನುಮಂತನ ಬಾಲ’ದಂತೆ ಬೆಳೆಯುತ್ತಿದೆ.</p>.<p>ನಗರದ ಕೋವಿಡ್ ಆಸ್ಪತ್ರೆಯಲ್ಲಿ (ಹೆರಿಗೆ ಆಸ್ಪತ್ರೆ) ಪ್ರಯೋಗಾಲಯ ನಿರ್ಮಾಣ ಕೈಗೆತ್ತಿಕೊಳ್ಳಲಾಗಿದೆ. ದಿನಕ್ಕೆ 540 ಮಾದರಿ ಪರೀಕ್ಷೆ ಸಾಮರ್ಥ್ಯದ ಪ್ರಯೋಗಾಲಯ ನಿರ್ಮಾಣ ಮಾಡಲಾಗುತ್ತಿದೆ. ಸಿವಿಲ್ ಕಾಮಗಾರಿ ಚಾಲ್ತಿಯಲ್ಲಿದೆ. ಯಂತ್ರೋಪಕರಣ ಅಳವಡಿಸಬೇಕಿದೆ.</p>.<p>ಜುಲೈ ಮೊದಲ ವಾರದ ಹೊತ್ತಿಗೆ ಪ್ರಯೋಗಾಲಯ ಕಾರ್ಯಾರಂಭಿಸಲಿದೆ ಎಂದು ಜಿಲ್ಲಾಡಳಿತ ಹೇಳಿತ್ತು. ಪ್ರಯೋಗಾಲಯದ ಕಾಮಗಾರಿ ಇನ್ನೂ ಮುಗಿದಿಲ್ಲ.</p>.<p>ಪ್ರಯೋಗಾಲಯ ಸ್ಥಾಪನೆಗೆ ₹1.48 ಕೋಟಿ ಅನುದಾನ ಮಂಜೂರಾಗಿದೆ. ಈ ಪೈಕಿ ಸಿವಿಲ್ ಕಾಮಗಾರಿ ₹ 25 ಲಕ್ಷ, ಯಂತ್ರೋಪಕರಣಕ್ಕೆ ₹1 ಕೋಟಿ, ಪರಿಕರಗಳಿಗೆ (ಕಿಟ್, ರಿಯಾಜೆಂಟ್...) ₹ 23 ಲಕ್ಷ ನಿಗದಿಪಡಿಸಲಾಗಿದೆ.</p>.<p>ಜಿಲ್ಲಾ ಆಸ್ಪತ್ರೆಯಲ್ಲಿ ಈಗ ‘ಟ್ರೂ–ನಾಟ್’ (ಟ್ರೂ–ನ್ಯೂಕ್ಲಿಕ್ ಆ್ಯಸಿಡ್ ಆ್ಯಂಪ್ಲಿಕೇಷನ್ ಟೆಸ್ಟ್) ಯಂತ್ರ ಇದೆ. ಅದರಲ್ಲಿ ನಿತ್ಯ 45 ಮಾದರಿಗಳನ್ನು ಮಾತ್ರ ಪರೀಕ್ಷಿಸಬಹುದಾಗಿದೆ.</p>.<p>‘ಆದಷ್ಟು ಬೇಗ ಕಾಮಗಾರಿ ಪೂರ್ಣ ಗೊಳಿಸಿ, ಪ್ರಯೋಗಾಲಯ ಸಜ್ಜುಗೊಳಿಸಬೇಕು. ಜಿಲ್ಲೆಯಲ್ಲೇ ಮಾದರಿ ಪರೀಕ್ಷೆಗೆ ವ್ಯವಸ್ಥೆ ಮಾಡಿದರೆ ಅನುಕೂಲವಾಗುತ್ತದೆ’ ಎಂದು ಐಎಂಎ ಚಿಕ್ಕಮಗಳೂರು ಘಟಕದ ಮಾಜಿ ಪದಾಧಿಕಾರಿಯೊಬ್ಬರು ಹೇಳುತ್ತಾರೆ.</p>.<p>ಕೋವಿಡ್ ಹಾವಳಿ ಹೆಚ್ಚುತ್ತಿದೆ. ಜಿಲ್ಲೆಯಲ್ಲಿ ಈವರೆಗೆ (ಜುಲೈ 7) ಒಟ್ಟು ಪ್ರಕರಣಗಳ ಸಂಖ್ಯೆ 100ಕ್ಕೆ ಏರಿದೆ. 1,724 ಮಾದರಿಗಳ ಪರೀಕ್ಷಾ ವರದಿ ಬರಬೇಕಿದೆ. ಮಾದರಿಗಳ ಸಂಗ್ರಹ ಪ್ರಮಾಣವೂ ಜಾಸ್ತಿಯಾಗಿದೆ. ಕೆಲ ದಿನ 500ಕ್ಕೂ ಹೆಚ್ಚು ಮಂದಿಯದ್ದು ಸಂಗ್ರಹಿಸಲಾಗಿದೆ.</p>.<p>ಪ್ರತಿ ದಿನ ಈ ಮಾದರಿಗಳನ್ನು ಹಾಸನ, ಶಿವಮೊಗ್ಗಕ್ಕೆ ಆಂಬುಲೆನ್ಸ್ನಲ್ಲಿ ರವಾನಿಸಬೇಕು. ಈ ಎರಡೂ ಕಡೆ ಮಾದರಿಗಳು ಜಾಸ್ತಿ ಇದ್ದರೆ, ಬೆಂಗಳೂರಿಗೆ ಒಯ್ಯಲು ವ್ಯವಸ್ಥೆ ಮಾಡಬೇಕಾದ ಅನಿವಾರ್ಯತೆ ಇದೆ.</p>.<p>‘ತಮ್ಮ ಜಿಲ್ಲೆಯ ಮಾದರಿಗಳ ಪರೀಕ್ಷೆ ಜೊತೆಗೆ ಬೇರೆ ಜಿಲ್ಲೆಗಳದ್ದನ್ನು ಮಾಡುತ್ತಾರೆ. ಅವರ ಜಿಲ್ಲೆ ಮಾದರಿಗಳಿಗೆ ಪ್ರಾಶಸ್ತ್ಯ ನೀಡಿ, ನಮ್ಮವನ್ನು ಕೊನೆಗೆ ಮಾಡುತ್ತಾರೆ. ಹೀಗಾಗಿ, ಮಾದರಿ ಪರೀಕ್ಷಾ ವರದಿಗಳು ಬಾಕಿ ಪಟ್ಟಿ ಉದ್ದ ಇದೆ’ ಎಂದು ಹೆಸರು ಹೇಳಲಿಚ್ಛಿಸದ ವೈದ್ಯಾಧಿಕಾರಿಯೊಬ್ಬರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚಿಕ್ಕಮಗಳೂರು: </strong>ಕೊರೊನಾ ವೈರಾಣು ಪತ್ತೆಗೆ ಮಾದರಿ (ಗಂಟಲು, ಮೂಗಿನ ದ್ರವ) ಪರೀಕ್ಷಿಸುವ ಪ್ರಯೋಗಾಲಯ ಸ್ಥಾಪನೆ ಪ್ರಕ್ರಿಯೆ ಮಂದಗತಿಯಲ್ಲಿ ಸಾಗಿದೆ. ಹಾಸನ, ಶಿವಮೊಗ್ಗ, ಬೆಂಗಳೂರಿಗೆ ಕಳಿಸಲಾಗುತ್ತಿದ್ದು, ಮಾದರಿ ಪರೀಕ್ಷೆ ಬಾಕಿ ಪಟ್ಟಿ ‘ಹನುಮಂತನ ಬಾಲ’ದಂತೆ ಬೆಳೆಯುತ್ತಿದೆ.</p>.<p>ನಗರದ ಕೋವಿಡ್ ಆಸ್ಪತ್ರೆಯಲ್ಲಿ (ಹೆರಿಗೆ ಆಸ್ಪತ್ರೆ) ಪ್ರಯೋಗಾಲಯ ನಿರ್ಮಾಣ ಕೈಗೆತ್ತಿಕೊಳ್ಳಲಾಗಿದೆ. ದಿನಕ್ಕೆ 540 ಮಾದರಿ ಪರೀಕ್ಷೆ ಸಾಮರ್ಥ್ಯದ ಪ್ರಯೋಗಾಲಯ ನಿರ್ಮಾಣ ಮಾಡಲಾಗುತ್ತಿದೆ. ಸಿವಿಲ್ ಕಾಮಗಾರಿ ಚಾಲ್ತಿಯಲ್ಲಿದೆ. ಯಂತ್ರೋಪಕರಣ ಅಳವಡಿಸಬೇಕಿದೆ.</p>.<p>ಜುಲೈ ಮೊದಲ ವಾರದ ಹೊತ್ತಿಗೆ ಪ್ರಯೋಗಾಲಯ ಕಾರ್ಯಾರಂಭಿಸಲಿದೆ ಎಂದು ಜಿಲ್ಲಾಡಳಿತ ಹೇಳಿತ್ತು. ಪ್ರಯೋಗಾಲಯದ ಕಾಮಗಾರಿ ಇನ್ನೂ ಮುಗಿದಿಲ್ಲ.</p>.<p>ಪ್ರಯೋಗಾಲಯ ಸ್ಥಾಪನೆಗೆ ₹1.48 ಕೋಟಿ ಅನುದಾನ ಮಂಜೂರಾಗಿದೆ. ಈ ಪೈಕಿ ಸಿವಿಲ್ ಕಾಮಗಾರಿ ₹ 25 ಲಕ್ಷ, ಯಂತ್ರೋಪಕರಣಕ್ಕೆ ₹1 ಕೋಟಿ, ಪರಿಕರಗಳಿಗೆ (ಕಿಟ್, ರಿಯಾಜೆಂಟ್...) ₹ 23 ಲಕ್ಷ ನಿಗದಿಪಡಿಸಲಾಗಿದೆ.</p>.<p>ಜಿಲ್ಲಾ ಆಸ್ಪತ್ರೆಯಲ್ಲಿ ಈಗ ‘ಟ್ರೂ–ನಾಟ್’ (ಟ್ರೂ–ನ್ಯೂಕ್ಲಿಕ್ ಆ್ಯಸಿಡ್ ಆ್ಯಂಪ್ಲಿಕೇಷನ್ ಟೆಸ್ಟ್) ಯಂತ್ರ ಇದೆ. ಅದರಲ್ಲಿ ನಿತ್ಯ 45 ಮಾದರಿಗಳನ್ನು ಮಾತ್ರ ಪರೀಕ್ಷಿಸಬಹುದಾಗಿದೆ.</p>.<p>‘ಆದಷ್ಟು ಬೇಗ ಕಾಮಗಾರಿ ಪೂರ್ಣ ಗೊಳಿಸಿ, ಪ್ರಯೋಗಾಲಯ ಸಜ್ಜುಗೊಳಿಸಬೇಕು. ಜಿಲ್ಲೆಯಲ್ಲೇ ಮಾದರಿ ಪರೀಕ್ಷೆಗೆ ವ್ಯವಸ್ಥೆ ಮಾಡಿದರೆ ಅನುಕೂಲವಾಗುತ್ತದೆ’ ಎಂದು ಐಎಂಎ ಚಿಕ್ಕಮಗಳೂರು ಘಟಕದ ಮಾಜಿ ಪದಾಧಿಕಾರಿಯೊಬ್ಬರು ಹೇಳುತ್ತಾರೆ.</p>.<p>ಕೋವಿಡ್ ಹಾವಳಿ ಹೆಚ್ಚುತ್ತಿದೆ. ಜಿಲ್ಲೆಯಲ್ಲಿ ಈವರೆಗೆ (ಜುಲೈ 7) ಒಟ್ಟು ಪ್ರಕರಣಗಳ ಸಂಖ್ಯೆ 100ಕ್ಕೆ ಏರಿದೆ. 1,724 ಮಾದರಿಗಳ ಪರೀಕ್ಷಾ ವರದಿ ಬರಬೇಕಿದೆ. ಮಾದರಿಗಳ ಸಂಗ್ರಹ ಪ್ರಮಾಣವೂ ಜಾಸ್ತಿಯಾಗಿದೆ. ಕೆಲ ದಿನ 500ಕ್ಕೂ ಹೆಚ್ಚು ಮಂದಿಯದ್ದು ಸಂಗ್ರಹಿಸಲಾಗಿದೆ.</p>.<p>ಪ್ರತಿ ದಿನ ಈ ಮಾದರಿಗಳನ್ನು ಹಾಸನ, ಶಿವಮೊಗ್ಗಕ್ಕೆ ಆಂಬುಲೆನ್ಸ್ನಲ್ಲಿ ರವಾನಿಸಬೇಕು. ಈ ಎರಡೂ ಕಡೆ ಮಾದರಿಗಳು ಜಾಸ್ತಿ ಇದ್ದರೆ, ಬೆಂಗಳೂರಿಗೆ ಒಯ್ಯಲು ವ್ಯವಸ್ಥೆ ಮಾಡಬೇಕಾದ ಅನಿವಾರ್ಯತೆ ಇದೆ.</p>.<p>‘ತಮ್ಮ ಜಿಲ್ಲೆಯ ಮಾದರಿಗಳ ಪರೀಕ್ಷೆ ಜೊತೆಗೆ ಬೇರೆ ಜಿಲ್ಲೆಗಳದ್ದನ್ನು ಮಾಡುತ್ತಾರೆ. ಅವರ ಜಿಲ್ಲೆ ಮಾದರಿಗಳಿಗೆ ಪ್ರಾಶಸ್ತ್ಯ ನೀಡಿ, ನಮ್ಮವನ್ನು ಕೊನೆಗೆ ಮಾಡುತ್ತಾರೆ. ಹೀಗಾಗಿ, ಮಾದರಿ ಪರೀಕ್ಷಾ ವರದಿಗಳು ಬಾಕಿ ಪಟ್ಟಿ ಉದ್ದ ಇದೆ’ ಎಂದು ಹೆಸರು ಹೇಳಲಿಚ್ಛಿಸದ ವೈದ್ಯಾಧಿಕಾರಿಯೊಬ್ಬರು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
