ಬರ್ಗಲ್ ಕಾಲೊನಿ, ಸಿಡ್ಲಾರ್ ಮಕ್ಕಿ, ಹಡ್ಲುಮನೆ, ಸುಕನ ಕೊಳಲು, ಮಾಟ್ರಳ್ಳಿ, ಭದ್ರಕಾಳಿ, ಮಳಲಿಕೆರೆ, ನರ್ಗಲ್, ನಾಗಸಂಪಿಗೆಮಕ್ಕಿ, ರಾಮನಕುಡಿಗೆ, ಕಟ್ಟಿನಗುಂಡಿ, ಕೋಟೆಮಕ್ಕಿ ಗ್ರಾಮಸ್ಥರು ಮೂಲ ಸೌಲಭ್ಯಗಳು ಇಲ್ಲದೆ ಪರದಾಡುತ್ತಿದ್ದಾರೆ. ಈ ಗ್ರಾಮಗಳ ನಿವಾಸಿಗಳು ನ್ಯಾಯಬೆಲೆ ಅಂಗಡಿಗಾಗಿ ದೂರದ ಹಿರೇಬೈಲಿಗೆ ಹೋಗಬೇಕಿದೆ. ಹೆಮ್ಮಕ್ಕಿಯಲ್ಲಿ ನ್ಯಾಯಬೆಲೆ ಅಂಗಡಿ ಸ್ಥಾಪಿಸಬೇಕು. ಅನಾರೋಗ್ಯ ಸಮಸ್ಯೆಯ ಸಂದರ್ಭದಲ್ಲಿ ದೂರದ ಹಿರೇಬೈಲ್ ಅಥವಾ ಕಳಸಕ್ಕೆ ಹೋಗಬೇಕಿದೆ. ಇದನ್ನು ತಪ್ಪಿಸಲು ಹೆಮ್ಮಕ್ಕಿಯಲ್ಲಿ ಆರೋಗ್ಯ ಉಪಕೇಂದ್ರ ಸ್ಥಾಪಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಲಾಗಿದೆ.