ಶುಕ್ರವಾರ, ಜೂನ್ 18, 2021
23 °C

ಚಿಪ್ಪುಹಂದಿ ಮಾರಾಟ: 10 ಮಂದಿ ಬಂಧನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಚಿಕ್ಕಮಗಳೂರು: ಚಿಪ್ಪುಹಂದಿ ಬೇಟೆ, ಮಾರಾಟ ಜಾಲ ಭೇದಿಸಿ 10 ಮಂದಿ ಬಂಧಿಸಿ, 6 ಕೆ.ಜಿ ಮಾಲನ್ನು ವಶಪಡಿಸಿಕೊಂಡಿದ್ದಾರೆ.

ಅರಣ್ಯ ಸಂಚಾರಿ ದಳ, ಅರಣ್ಯ ಸಿಬ್ಬಂದಿ ಸೋಮವಾರ ಮತ್ತು ಮಂಗಳವಾರ ಕಾರ್ಯಾಚರಣೆ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ. ಖರೀದಿದಾರರಂತೆ ಖಾಸಗಿ ವಾಹನಗಳಲ್ಲಿ ತೆರಳಿ ನಗರದ ಉಪ್ಪಳ್ಳಿ, ಇತರೆಡೆಗಳಲ್ಲಿ ಆರೋಪಿಗಳನ್ನು ಬಂಧಿಸಿದ್ದಾರೆ.

‘ಆರೋಪಿಗಳು ಮುತ್ತೋಡಿ ಪ್ರಾದೇಶಿಕ ಅರಣ್ಯ ವ್ಯಾಪ್ತಿಯಲ್ಲಿ ಚಿಪ್ಪು ಹಂದಿಗಳನ್ನು ಬೇಟೆಯಾಡಿ ತಂದು ಮಾರಾಟ ಮಾಡುತ್ತಿದ್ದರು. ಆರೋಪಿಗಳು ಸಖರಾಯಪಟ್ಟಣ, ಜಾವಗಲ್‌, ಕಳಾಸಪುರ ಇತರ ಊರಿನವರು. ಆರೋಪಿಗಳ ಫೋನ್‌ ಕಾಲ್‌ ಡಿಟೇಲ್ಸ್‌ನಿಂದ ಜಾಲವನ್ನು ಪತ್ತೆ ಹೆಚ್ಚಿದೆವು. 6 ಕೆ.ಜಿ ಮಾಲು ವಶಪಡಿಸಿಕೊಂಡಿದ್ದೇವೆ.’ ಎಂದು ಉಪ ಅರಣ್ಯ ಸಂರಕ್ಷಣಾಧಿಕಾರಿ ಎನ್‌.ಎಚ್‌.ಜಗನ್ನಾಥ್‌ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಈ ಜಾಲವು ಬೆಂಗಳೂರು ಇತರೆಡೆಗಳಲ್ಲೂ ಲಿಂಕ್‌ ಇದೆ. ಈ ನಿಟ್ಟಿನಲ್ಲೂ ತಲಾಶ್‌ ಶುರು ಮಾಡಿದ್ದೇವೆ. ಜಾಲವು ವಿದೇಶಗಳಲ್ಲೂ ಸಂಪರ್ಕ ಹೊಂದಿರುವ ಗುಮಾನಿ ಇದೆ. ವಿಚಾರಣೆಯಲ್ಲಿ ತೊಡಗಿದ್ದೇವೆ’ ಎಂದು ತಿಳಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.