×
ADVERTISEMENT
ಮಂಗಳೂರು: ಕ್ರಿಸ್ಮಸ್ ಸಂಭ್ರಮಕ್ಕೆ ಸಜ್ಜುಗೊಂಡ ಕರಾವಳಿ
ಮಂಗಳೂರಿನ ಮಿಲಾಗ್ರಿಸ್‌ ಚರ್ಚ್‌ ಸಮೀಪದ ಮಳಿಗೆಯಲ್ಲಿ ನಕ್ಷತ್ರ ಕ್ರಿಸ್ಮಸ್ ಅಲಂಕಾರಿಕ ವಸ್ತುಗಳನ್ನು ಮಾರಾಟಕ್ಕಿಟ್ಟಿರುವುದು
ಮನೆಯ ಮುಂದೆ ತೂಗು ಹಾಕಿದ ನಕ್ಷತ್ರವು ಯೇಸು ಕ್ರಿಸ್ತನ ಜನನ ಸಂಭ್ರಮವನ್ನು ಸೂಚಿಸುತ್ತದೆ ಮತ್ತೊಬ್ಬರ ಬದುಕಿನಲ್ಲಿ ಬೆಳಕು ಹರಡಲು ಕ್ರಿಸ್ಮಸ್ ಶಕ್ತಿ ನೀಡಲಿಮಾ. ಲಾರೆನ್ಸ್‌ ಮುಕ್ಕುಯಿ ಧರ್ಮಾಧ್ಯಕ್ಷರು ಬೆಳ್ತಂಗಡಿ ಧರ್ಮಪ್ರಾಂತ್ಯ
ಡಿಸೆಂಬರ್ ಎರಡನೆಯ ವಾರದಿಂದ ಕುಸ್ವಾರ್ ತಯಾರಿಕೆ ಆರಂಭವಾಗುತ್ತದೆ. ಇದರಲ್ಲಿ ಕುಟುಂಬದ ಎಲ್ಲ ಸದಸ್ಯರು ಜತೆಗೂಡುತ್ತಾರೆ. ಕುಟುಂಬದ ಪ್ರೀತಿ ಮತ್ತು ಐಕ್ಯತೆಯ ಸಂಕೇತ ಇದು– ಸ್ಟೆಲ್ಲಾ ಡಿಸೋಜ ಮಂಗಳೂರು
ನಿಕೊಲೊಸ್‌ ಸ್ಮರಣೆ
ಕ್ರಿಸ್ಮಸ್ ಆಚರಣೆಯಲ್ಲಿ ಎಲ್ಲರ ಗಮನ ಸೆಳೆಯುವ ವ್ಯಕ್ತಿ ಸಾಂತಾಕ್ಲಾಸ್. ರೋಮನ್‌ ಸಾಮ್ರಾಜ್ಯದಲ್ಲಿ ನಾಲ್ಕನೆಯ ಶತಮಾನದಲ್ಲಿ ಬದುಕಿದ್ದ ಸಂತ ನಿಕೊಲೊಸ್‌ನನ್ನು ಸಾಂತಾಕ್ಲಾಸ್ ರೂಪದಲ್ಲಿ ಕ್ರಿಸ್ಮಸ್ ಸಂದರ್ಭದಲ್ಲಿ ಸ್ಮರಿಸಲಾಗುತ್ತದೆ. ನಿಕೊಲಸ್‌ ಬಡವರಿಗೆ ಮಕ್ಕಳಿಗೆ ಸಹಾಯ ಮಾಡುತ್ತಾ ಅವರ ಅರಿವಿಗೆ ಬಾರದಂತೆ ಅವರಿಗೆ ಪಾರಿತೋಷಕ ಕೊಡುವ ವ್ಯಕ್ತಿಯಾಗಿದ್ದರು. ಕ್ರಿಸ್ಮಸ್ ಸಂದರ್ಭದಲ್ಲಿ ಕಷ್ಟದಲ್ಲಿರುವವರಿಗೆ ನೆರವು ನೀಡುವ ಮಕ್ಕಳಿಗೆ ಪಾರಿತೋಷಕ ಕೊಡುವ ಮೂಲಕ ಕ್ರಿಸ್ತನನ್ನು ಸ್ವಾಗತಿಸಬೇಕು ಎಂಬ ಸಂದೇಶವನ್ನು ಸಾಂತಾಕ್ಲಾಸ್ ಸಾರುತ್ತಾನೆ.
ವರ್ಷಾಂತ್ಯದ ಮಹಾ ವ್ಯಾಪಾರ ಮೇಳ
ಇತ್ತೀಚಿನ ವರ್ಷಗಳಲ್ಲಿ ಕ್ರಿಸ್ಮಸ್ ಆಚರಣೆ ಗೋದಲಿ ನಿರ್ಮಾಣ (ಕ್ರಿಬ್‌) ಗೀತಗಾಯನ (ಕ್ಯಾರೆಲ್ಸ್‌) ಕ್ರಿಸ್ಮಸ್ ತಾತ (ಸಾಂತಾಕ್ಲಾಸ್) ಕ್ರೀಸ್‌ಮಸ್‌ ಮರ (ಕ್ರಿಸ್ಮಸ್ ಟ್ರೀ) ಮತ್ತು ಕ್ರಿಸ್ಮಸ್ ಅಲಂಕಾರ (ಡೆಕೊರೇಷನ್ಸ್‌) ಒಳಗೊಂಡು ವಾಣಿಜ್ಯ ಸ್ವರೂಪ ಪಡೆದುಕೊಂಡಿದೆ. ಕ್ರಿಸ್ಮಸ್ ಹೆಸರಿನಲ್ಲಿ ಡಿಸೆಂಬರ್ ತಿಂಗಳಿಡೀ ವ್ಯಾಪಾರ ವಹಿವಾಟು ಪ್ರವಾಸೋದ್ಯಮ ಚಟುವಟಿಕೆ ಗರಿಗೆದರುತ್ತದೆ. ಜನರು ವರ್ಷವಿಡೀ ಆಸೆಪಟ್ಟ ವಸ್ತುಗಳ ಖರೀದಿ ನಡೆಯುವುದೇ ಕ್ರಿಸ್ಮಸ್ ವಾರದಲ್ಲಿ. ವ್ಯಾಪಾರಿಗಳ ದೃಷ್ಟಿಯಲ್ಲಿ ಕ್ರಿಸ್ಮಸ್ ಎನ್ನುವುದು ವರ್ಷಾಂತ್ಯದಲ್ಲಿ ನಡೆಯುವ ಮಹಾ ವ್ಯಾಪಾರ ಜಾತ್ರೆಯಂತೆ. ಮಂಗಳೂರಿನಲ್ಲಿ ಕೂಡ ಕ್ರಿಸ್ಮಸ್ ಹಬ್ಬವನ್ನು ಬಳಸಿಕೊಂಡು ಆತಿಥ್ಯ ಉದ್ಯಮ ಬೆಳೆಯುತ್ತಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.