ಚಳ್ಳಕೆರೆ: ಸಾಮಾನ್ಯ ವರ್ಗಕ್ಕಿಲ್ಲ ನಾಮಪತ್ರ

ಚಳ್ಳಕೆರೆ: ತಾಲ್ಲೂಕಿನ ಬುಡ್ನಹಟ್ಟಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ವೀರದಿಮ್ಮನಹಳ್ಳಿ ಮತ್ತು ನೆಲಗೇತನಹಟ್ಟಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ರಾಮದುರ್ಗ ಗ್ರಾಮದಲ್ಲಿ ಸಾಮಾನ್ಯ ವರ್ಗದ ಸ್ಥಾನಗಳಿಗೆ ನಾಮಪತ್ರ ಸಲ್ಲಿಕೆಯಾಗಿಲ್ಲ.

ರಾಮದುರ್ಗದಲ್ಲಿ  ಎಸ್ಟಿ–1, ಎಸ್ಟಿ ಮಹಿಳೆ–1 ಮತ್ತು  ಸಾಮಾನ್ಯ–1 ಸೇರಿ ಮೂರು ಸ್ಥಾನಗಳಿವೆ.
ಇಲ್ಲಿ ಎಸ್ಟಿ ಸಮುದಾಯವನ್ನು ಹೊರತುಪಡಿಸಿದರೆ ಬೇರೆ ಯಾವ ಸಮುದಾಯವೂ ಗ್ರಾಮದಲ್ಲಿ
ನೆಲೆಸಿಲ್ಲ. ಹೀಗಾಗಿ ಸಾಮಾನ್ಯ ಮೀಸಲು ವರ್ಗಕ್ಕೆ ನಾಮಪತ್ರ ಸಲ್ಲಿಕೆಯಾಗಿಲ್ಲ.

ವೀರದಿಮ್ಮನಹಳ್ಳಿ ಗ್ರಾಮದಲ್ಲಿ ಎಸ್ಸಿ–1, ಎಸ್ಸಿ ಮಹಿಳೆ–2 ಮತ್ತು ಸಾಮಾನ್ಯ–1 ಸೇರಿ ನಾಲ್ಕು ಸ್ಥಾನಗಳಲ್ಲಿ 3ಕ್ಕೆ ನಾಮಪತ್ರ ಸಲ್ಲಿಕೆಯಾಗಿದ್ದು, ಇನ್ನುಳಿದ ಸಾಮಾನ್ಯ ಮೀಸಲು ಸ್ಥಾನಕ್ಕೆ ನಾಮಪತ್ರ ಸಲ್ಲಿಕೆಯಾಗಿಲ್ಲ.