ಸ್ವಾಮೀಜಿಗಳು ದೇಶ ಆಳಿದರೆ ತಪ್ಪೇನು?

ಚಿತ್ರದುರ್ಗ: ‘ದೇಶದ ಪ್ರಜೆಗಳನ್ನು ಖಾದಿಧಾರಿಗಳು ಈವರೆಗೂ ಉದ್ಧಾರ ಮಾಡಿಲ್ಲ. ಸ್ವಾಮೀಜಿಗಳಿಗೂ ಒಮ್ಮೆ ಅವಕಾಶ ಕೊಟ್ಟು ನೋಡೋಣ. ಅವರಿಂದಲಾದರೂ ಬದಲಾವಣೆ ಆಗಬಹುದೇ’ ಎಂದು ಕಾದಂಬರಿಕಾರ ಡಾ.ಬಿ.ಎಲ್. ವೇಣು ಹೇಳಿದರು.

. ಐಶ್ವರ್ಯ ಫೋರ್ಟ್ ಸಭಾಂಗಣದಲ್ಲಿ ನಾಟಿ ವೈದ್ಯ ಎಚ್.ಎನ್. ತಿಪ್ಪೇರುದ್ರಸ್ವಾಮಿ ಅವರ ‘ಹುಚ್ಚು ಹಿಡಿಯಿತು ಮತ್ತು ಕೆಲವು ಕಥೆಗಳು’ ಎಂಬ ಪುಸ್ತಕವನ್ನು ಭಾನುವಾರ ಬಿಡುಗಡೆಗೊಳಿಸಿ ಅವರು ಮಾತನಾಡಿದರು.

. ‘ಭಕ್ತರಿಗೆ ಆಶೀರ್ವದಿಸಿ ದಾರಿ ತೋರಬೇಕಾದ ಸ್ವಾಮೀಜಿಗಳೇ ಬೇಡುವಂಥ ಪರಿಸ್ಥಿತಿ ಬಂದಿದೆ. ಮನಸ್ಸು ಬದಲಿಸಿ ಚುನಾವಣೆ ನಿಂತರೂ ಅಚ್ಚರಿಯಿಲ್ಲ. ಸ್ವಾಮೀಜಿಗಳು ದೇಶ ಆಳಿದರೆ ತಪ್ಪಿಲ್ಲ. ದೇಗುಲ ಬದಲು ಶಾಲೆಗಳ ನಿರ್ಮಾಣ, ಬೆಲೆ ಏರಿಕೆ ನಿಯಂತ್ರಣ, ಅತ್ಯಾಚಾರಕ್ಕೆ ಕಡಿವಾಣ, ಧರ್ಮ–ಜಾತಿಗಳ ನಡುವಿನ ಸಂಘರ್ಷಕ್ಕೆ ಸ್ವಾಮೀಜಿಗಳಿಂದಾದರೂ ಮುಕ್ತಿ ದೊರೆಯಬಹುದೇ ಎಂದು ಕಾದು ನೋಡೋಣ’ ಎಂದು ಹೇಳಿದರು.

. ಬರವಣಿಗೆ ಎಂಬುದು ಸೃಜನಶೀಲತೆ. ಭಾವನೆ, ಅಂತರಂಗದ ಅಭಿವ್ಯಕ್ತಿಯನ್ನು ಹಾಳೆಯ ಮೇಲೆ ಮೂಡಿಸುವುದು ಕಷ್ಟದ ಕೆಲಸ. ಕಥೆ, ಕಾದಂಬರಿ, ಕವನ ರಚಿಸುವುದು ಸುಲಭದ ಮಾತಲ್ಲ. ಜನರ ನಾಡಿಮಿಡಿತ ಅರಿಯಬಲ್ಲವರು ಮಾತ್ರ ಸಾಹಿತಿ ಆಗಬಲ್ಲರು. ಯಾವ ಕೃತಿಯನ್ನೇ ರಚಿಸಲಿ ಸಮಾಜದ ವ್ಯವಸ್ಥೆ ತಿದ್ದುವ, ನಿರ್ಗತಿಕರ ನೋವಿಗೆ ಸ್ಪಂದಿಸುವ ಹಾಗೂ ಶೋಷಿತರ ದನಿಯಾಗಿ ನಿಲ್ಲುವ ಸಂಕಲ್ಪ ಕೃತಿಕಾರರಲ್ಲಿ ಇರಬೇಕು ಎಂದು ಸಲಹೆ ನೀಡಿದರು.

. ಬೆಂಗಳೂರು ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಸಚಿವ ಡಾ.ಬಿ.ಕೆ. ರವಿ, ‘ಜನರಲ್ಲಿ ವೈಜ್ಞಾನಿಕ ಮನೋಭಾವ ಬಿತ್ತುವ ಶಕ್ತಿ ಮಾಧ್ಯಮ ಮತ್ತು ಬರಹಗಾರರಿಗೆ ಇದೆ. ಕೋವಿಡ್ ಪರಿಣಾಮ ದೇಶದ ಮಾಧ್ಯಮ ಕ್ಷೇತ್ರದಲ್ಲಿ ಶೇ 40ರಷ್ಟು ಪತ್ರಕರ್ತರು ಉದ್ಯೋಗ ಕಳೆದುಕೊಳ್ಳುವಂತಾಗಿದೆ’ ಎಂದು ವಿಷಾದಿಸಿದರು.

. ರಾಜ್ಯ ಹೋಮಿಯೊ ಮಂಡಳಿ ಅಧ್ಯಕ್ಷ ಡಾ.ಬಿ.ಟಿ. ರುದ್ರೇಶ್, ಕೃತಿಕಾರ ಎಚ್.ಎನ್. ತಿಪ್ಪೇರುದ್ರಸ್ವಾಮಿ ಇದ್ದರು.

. ***

. ಸುಪ್ರೀಂ ಕೋರ್ಟ್ ಆದೇಶವೆಂದು ಸರ್ಕಾರ ದೇಗುಲಗಳನ್ನು ನೆಲಸಮಗೊಳಿಸುತ್ತಿದೆ. ಮತ್ತೊಂದೆಡೆ ಹಿಂಬಾಲಕರಿಂದ ವಿರೋಧಿಸಿ ಹೋರಾಟ ಮಾಡಿಸುತ್ತಿದೆ. ಮಸೀದಿಗಳನ್ನು ಕೆಡವುತ್ತಿಲ್ಲ ಎಂದು ಪ್ರಶ್ನಿಸುತ್ತಿದೆ. –ಡಾ.ಬಿ.ಎಲ್. ವೇಣು, ಕಾದಂಬರಿಕಾರ

. ದೇಶ ಎಷ್ಟೇ ಅಭಿವೃದ್ಧಿ ಹೊಂದಿದರು, ಪ್ರಜೆಗಳು ಆರ್ಥಿಕವಾಗಿ ಸಬಲರಾದರೂ ಮಾನವೀಯತೆ ಇಲ್ಲದಿದ್ದರೆ, ನೊಂದವರ ಕಣ್ಣೀರು ಒರೆಸಲಾಗದು. ಆರೋಗ್ಯವಂಥ ಸಮಾಜ ನಿರ್ಮಿಸಲು ಮಿಡಿಯುವ ಹೃದಯಗಳು ಬೇಕು. –ಪ್ರೊ.ಹೊನಗಾನಹಳ್ಳಿ ಕರಿಯಣ್ಣ, ತುಮಕೂರು ವಿಶ್ವವಿದ್ಯಾಲಯ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸ್ವಾಮೀಜಿಗಳು ದೇಶ ಆಳಿದರೆ ತಪ್ಪೇನು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ