ಶುಕ್ರವಾರ, ಜನವರಿ 15, 2021
21 °C

ಜೈನರ ಬಗ್ಗೆ ಅವಹೇಳನಕಾರಿ ಪೋಸ್ಟ್: ದೂರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮೂಡುಬಿದಿರೆ: ಜೈನ ಮುನಿ ಹಾಗೂ ಜೈನರ ಬಗ್ಗೆ ಫೇಸ್‌ಬುಕ್‌ನಲ್ಲಿ ಅವಹೇಳನಕಾರಿ ಹೇಳಿಕೆ ಪೋಸ್ಟ್ ಮಾಡಿದ ವ್ಯಕ್ತಿಯ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಕಲ್ಲಬೆಟ್ಟುನ ಅಕ್ಷಯ ಜೈನ್ ಎಂಬುವವರು ಮೂಡುಬಿದಿರೆ ಪೊಲೀಸರಿಗೆ ಬುಧವಾರ ದೂರು ನೀಡಿದ್ದು, ಈ ಸಂಬಂಧ ಪ್ರಕರಣ ದಾಖಲಾಗಿದೆ.

‘ಹುಡುಗಿ ನಮಸ್ಕರಿಸಲು ಬರುವಾಗ ಮುನಿ ವರ್ತನೆ ಬದಲಾಗುತ್ತೆ. ಹಿಂದುತ್ವ ಎಷ್ಟು ಗ್ರೇಟ್. ಲಿಂಗಾಯತ ಮತ ಪ್ರಾರಂಭವಾದದ್ದು ಬ್ರಾಹ್ಮಣನಿಂದ, ಜೈನ ಮತ ಪ್ರಾರಂಭವಾದದ್ದು ಕೂಡ ಬ್ರಾಹ್ಮಣನಿಂದ. ಬ್ರಾಹ್ಮಣ, ಕ್ಷತ್ರೀಯ, ವೈಶ್ಯ, ಶೂದ್ರ ಎಲ್ಲರೂ ನೆಮ್ಮದಿಯಿಂದ ಇರಲಿ. ಲಿಂಗಾಯತ, ಜೈನ, ಬೌದ್ಧರು ಮಣ್ಣುಮುಕ್ಕಿ ಹೋಗಲಿ. ಲಿಂಗಾಯತ, ಜೈನ ಮತ್ತು ಬೌದ್ಧರು ಹಿಂದೂಗಳಾಗಿಯೂ ಹಿಂದುತ್ವವನ್ನು ಒಡೆದವರು' ಎಂದು ವಾಣಿಶ್ರೀ ಎಂ. ಎಂಬ ಖಾತೆಯಿಂದ ಫೇಸ್‌ಬುಕ್‌ನಲ್ಲಿ, ಜೈನ ಬಳಗ ಫೇಸ್‌ಬುಕ್ ಗ್ರೂಪ್‌ನಲ್ಲಿ ಪೋಸ್ಟ್‌ ಆಗಿದೆ.

ಈ ಹೇಳಿಕೆ ಧರ್ಮ, ಜಾತಿಗಳ ಮಧ್ಯೆ ವೈಷಮ್ಯ ಸೃಷ್ಟಿಗೆ ಕಾರಣವಾಗುತ್ತದೆ. ಜೈನರ ಧಾರ್ಮಿಕ ಭಾವನೆಗೆ ಧಕ್ಕೆ ತರುವ ಈ ಪೋಸ್ಟ್ ಹಾಕಿದವರ ಮೇಲೆ ಕ್ರಮ ಕೈಗೊಳ್ಳಬೇಕು ಎಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು