ಶನಿವಾರ ಸೋಂಕು ದೃಢಪಟ್ಟವರಲ್ಲಿ 43 ಮಂದಿ ಚೆಂಗಳ ಪಂಚಾಯತ್ನ ನಾಲ್ಕನೇ ವಾರ್ಡ್ನಲ್ಲಿ ಇತ್ತೀಚೆಗೆ ಮದುವೆ ನಡೆದ ಸಮಾರಂಭದಲ್ಲಿ ಪಾಲ್ಗೊಂಡಿದ್ದರು. ಕುಂಬಳೆಯ 20, ಮಂಗಲ್ಪಾಡಿಯ 11, ಕಾಞಂಗಾಡ್ನ ಏಳು, ಬದಿಯಡ್ಕ, ಉದುಮ ಮತ್ತು ಬೆಳ್ಳೂರು ಪ್ರದೇಶದ ತಲಾ ಆರು ಜನರಲ್ಲಿ ಶನಿವಾರ ಸೋಂಕು ದೃಢಪಟ್ಟಿದೆ. ಸೋಂಕಿತರ ಪ್ರಾಥಮಿಕ ಸಂಪರ್ಕದಲ್ಲಿದ್ದ 88 ಮಂದಿ, ವಿದೇಶಗಳಿಂದ ವಾಪಸಾಗಿದ್ದ 10 ಹಾಗೂ ಹೊರ ರಾಜ್ಯಗಳಿಂದ ಬಂದಿರುವ ಏಳು ಜನರಲ್ಲಿ ಶನಿವಾರ ಸೋಂಕು ದೃಢಪಟ್ಟಿದೆ ಎಂದು ಕಾಸರಗೋಡು ಜಿಲ್ಲಾಧಿಕಾರಿ ಡಾ.ಡಿ.ಸಜಿತ್ ಬಾಬು ತಿಳಿಸಿದ್ದಾರೆ.