‘ಬ್ಯಾರಿ ಲಿಪಿ ಹೆಚ್ಚು ಜನರನ್ನು ತಲುಪಲು ಅನುವಾಗುವಂತೆ, ಬೋರ್ಡ್ಗಳ ಮೇಲೆ ಪದಗಳು, ವಾಕ್ಯ ರಚನೆ ಮಾಡಿ, ಅವುಗಳ ವಿಡಿಯೊ ಚಿತ್ರೀಕರಣ ನಡೆಸಿ, ಯೂಟ್ಯೂಬ್, ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸುವ ಯೋಚನೆಯಿದೆ. ಆಸಕ್ತರಿಗೆ 15 ದಿನಗಳ ಲಿಪಿ ಕಲಿಕೆ ಕೋರ್ಸ್ ನಡೆಸುವ, ವಿದ್ಯಾರ್ಥಿಗಳಿಗೆ ವಿಶೇಷ ತರಬೇತಿ ನೀಡುವ ಕಾರ್ಯಕ್ರಮ ರೂಪಿಸಲಾಗಿದೆ. 2021ನೇ ಇಸವಿಯ ಕ್ಯಾಲೆಂಡರ್ ಅನ್ನು ಸಂಪೂರ್ಣ ಬ್ಯಾರಿ ಲಿಪಿಯಲ್ಲೇ ಹೊರ ತರಲು ತಯಾರಿ ನಡೆದಿದೆ. ಅದರಲ್ಲಿ ಸುರುಮಾದ(ಜನೆವರಿ)ದಿಂದ ಕಡೇಮಾದ(ಡಿಸೆಂಬರ್)ವರೆಗೆ, ಎಲ್ಲ ಅಂಕಿ–ಸಂಖ್ಯೆಗಳು, ವಾರಗಳು ಬ್ಯಾರಿ ಲಿಪಿಯಲ್ಲೇ ಇರುತ್ತವೆ’ ಎಂದು ಅವರು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದರು.