<p><strong>ಮಂಗಳೂರು</strong>: ಬಿಜೆಪಿ ಅಭ್ಯರ್ಥಿ ಬೃಜೇಶ್ ಚೌಟ (42 ವರ್ಷ) ಅವರು ಸ್ಥಿರಾಸ್ತಿ ಹಾಗೂ ಚರಾಸ್ತಿ ಸೇರಿ ಒಟ್ಟು ₹ 71.81 ಲಕ್ಷ ಆಸ್ತಿಯ ಒಡೆಯ. ಅವರ ಬಳಿ ಟೊಯೋಟಾ ಇನೋವಾ ಕ್ರಿಸ್ಟ ಕಾರು ಇದ್ದು, ಅದಕ್ಕೆ ₹ 9.62 ಲಕ್ಷ ಸಾಲವನ್ನು ಹೊಂದಿದ್ದಾರೆ.</p><p>ದಕ್ಷಿಣ ಕನ್ನಡ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಗುರುವಾರ ನಾಮಪತ್ರದ ಜೊತೆ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ಈ ಕುರಿತ ವಿವರಗಳಿವೆ.</p><p>ನಗರದ ಸೇಂಟ್ ಅಲೋಶಿಯಸ್ ಕಾಲೇಜಿನಲ್ಲಿ 2002ರಲ್ಲಿ ಬಿಎಸ್ಸಿ ಪದವಿ ಪಡೆದಿರುವ ಚೌಟ, 2010ರಲ್ಲಿ ಇಂದೋರ್ನ ಐಐಎಂನಲ್ಲಿ ಬಿಜಿನೆಸ್ ಮ್ಯಾನೇಜ್ಮೆಂಟ್ ಸರ್ಟಿಫಿಕೇಟ್ ಕೋರ್ಸ್ ಪಡೆದಿದ್ದಾರೆ.</p><p>ಬೃಜೇಶ್ ವಿರುದ್ಧ ನಂಜನಗೂಡು ಪೊಲೀಸ್ ಠಾಣೆಯಲ್ಲಿ 2017ರಲ್ಲಿ 1951ರ ಪ್ರಜಾಪ್ರತಿನಿಧಿ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ. ಅದರ ಮರುಪರಿಶೀಲನಾ ಅರ್ಜಿಯ ವಿಚಾರಣೆ ಹೈಕೋರ್ಟ್ನಲ್ಲಿ ಬಾಕಿ ಇದೆ.</p><p>ಚರಾಸ್ತಿ: ಚೌಟ ಅವರ ಬಳಿ ಒಟ್ಟು ₹ 27.31 ಲಕ್ಷ ಚರಾಸ್ತಿ ಇದೆ. ₹ 80 ಸಾವಿರ ನಗದು ಇದೆ. ನಗರದ ಮೂರು ಬ್ಯಾಂಕ್ಗಳಲ್ಲಿ ಒಟ್ಟು 1,15,939 ಠೇವಣಇ ಇದೆ. ಚುನಾವಣೆ ಸಲುವಾಗಿ ಹೊಸತಾಗಿ ಆರಂಭಿಸಿರುವ ಬ್ಯಾಂಕ್ ಖಾತೆಯಲ್ಲಿ ₹ 1 ಲಕ್ಷ ಠೇವಣಿ ಇದೆ. ಮೆ.ಆಲಿವ್ ಸ್ಟೀಲ್ ಸಲ್ಯೂಷನ್ಸ್ ಸಂಸ್ಥೆಯಲ್ಲಿ ₹ 7.20 ಲಕ್ಷ ಹೂಡಿಕೆ ಮಾಡಿದ್ದಾರೆ. ಅವರ ಟೊಯೋಟಾ ಇನೋವಾ ಕ್ರಿಸ್ಟ ಕಾರಿನ ಮೌಲ್ಯ ₹ 8.15 ಲಕ್ಷ. ಅವರ ಬಳಿ 137 ಗ್ರಾಂ ಚಿನ್ನಾಭರಣಗಳಿದ್ದು, ಅವುಗಳ ಮೌಲ್ಯ ಅಂದಾಜು ₹ 9 ಲಕ್ಷ.</p><p>ಸ್ಥಿರಾಸ್ತಿ:ಚೌಟ ಅವರು ತಲಪಾಡಿ ಬಳಿ ಹಿರಿಯರಿಂದ ಬಳುವಳಿಯಾಗಿ ಪಡೆದಿರುವ ಐದು ನಿವೇಶನಗಳಲ್ಲಿ (18 ಸೆಂಟ್ಸ್, 32 ಸೆಂಟ್ಸ್, 35 ಸೆಂಟ್ಸ್, 45 ಸೆಂಟ್ಸ್, 12 ಸೆಂಟ್ಸ್ ವಿಸ್ತೀರ್ಣದ್ದು) ಶೇ 25ರಷ್ಟು ಪಾಲನ್ನು ಹೊಂದಿದ್ದಾರೆ. ಈ ನಿವೇಶನಗಳ ಒಟ್ಟು ಮೌಲ್ಯ ₹ 1.74 ಕೋಟಿ ಇದ್ದು, ಅದರಲ್ಲಿ ಚೌಟ ಅವರ ಪಾಲಿನ ಆಸ್ತಿ ಮೌಲ್ಯ ಅಂದಾಜು ₹43.5 ಲಕ್ಷ.</p><p>ಚೌಟ ಅವರು ತಮ್ಮ ಹೆಸರಿನಲ್ಲಿ ವೆಬ್ಸೈಟ್ (https://captainbrijesh.in), ಎಕ್ಸ್ (ಟ್ವಿಟರ್) ಖಾತೆ (https://x.com/captbrijesh),ಇನ್ಸ್ಟಾಗ್ರಾಂ (https://www.instagram.com/captbrijeshchowta/), ಫೇಸ್ಬುಕ್ (https://www.facebook.com/captbrijeshchowta/) ಹಾಗೂ ಯೂಟ್ಯೂಬ್ (@CaptainBrijeshChowta) ಖಾತೆಗಳನ್ನು ಹೊಂದಿದ್ದಾರೆ.</p><p>ಸರ್ಕಾರಕ್ಕೆ ಯಾವುದೇ ಬಾಕಿ ಉಳಿಸಿಕೊಂಡಿಲ್ಲ. ಇನ್ನೂ ಮದುವೆಯಾಗಿಲ್ಲ. ಅವಲಂಬಿತರು ಯಾರೂ ಇಲ್ಲ. 2022–23ನೇ ನೇ ಸಾಲಿನಲ್ಲಿ ಆದಾಯ ತೆರಿಗೆ ಇಲಾಖೆಗೆ ಸಲ್ಲಿಸಿದ ವಿವರದಲ್ಲಿ ಅವರು ತಮಗೆ ವಾರ್ಷಿಕ ₹6,51,590 ಆದಾಯವಿದೆ. ಆದಾಯದ ಮೂಲ ಉದ್ದಿಮೆ ಎಂದು ಹೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಂಗಳೂರು</strong>: ಬಿಜೆಪಿ ಅಭ್ಯರ್ಥಿ ಬೃಜೇಶ್ ಚೌಟ (42 ವರ್ಷ) ಅವರು ಸ್ಥಿರಾಸ್ತಿ ಹಾಗೂ ಚರಾಸ್ತಿ ಸೇರಿ ಒಟ್ಟು ₹ 71.81 ಲಕ್ಷ ಆಸ್ತಿಯ ಒಡೆಯ. ಅವರ ಬಳಿ ಟೊಯೋಟಾ ಇನೋವಾ ಕ್ರಿಸ್ಟ ಕಾರು ಇದ್ದು, ಅದಕ್ಕೆ ₹ 9.62 ಲಕ್ಷ ಸಾಲವನ್ನು ಹೊಂದಿದ್ದಾರೆ.</p><p>ದಕ್ಷಿಣ ಕನ್ನಡ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಗುರುವಾರ ನಾಮಪತ್ರದ ಜೊತೆ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ಈ ಕುರಿತ ವಿವರಗಳಿವೆ.</p><p>ನಗರದ ಸೇಂಟ್ ಅಲೋಶಿಯಸ್ ಕಾಲೇಜಿನಲ್ಲಿ 2002ರಲ್ಲಿ ಬಿಎಸ್ಸಿ ಪದವಿ ಪಡೆದಿರುವ ಚೌಟ, 2010ರಲ್ಲಿ ಇಂದೋರ್ನ ಐಐಎಂನಲ್ಲಿ ಬಿಜಿನೆಸ್ ಮ್ಯಾನೇಜ್ಮೆಂಟ್ ಸರ್ಟಿಫಿಕೇಟ್ ಕೋರ್ಸ್ ಪಡೆದಿದ್ದಾರೆ.</p><p>ಬೃಜೇಶ್ ವಿರುದ್ಧ ನಂಜನಗೂಡು ಪೊಲೀಸ್ ಠಾಣೆಯಲ್ಲಿ 2017ರಲ್ಲಿ 1951ರ ಪ್ರಜಾಪ್ರತಿನಿಧಿ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ. ಅದರ ಮರುಪರಿಶೀಲನಾ ಅರ್ಜಿಯ ವಿಚಾರಣೆ ಹೈಕೋರ್ಟ್ನಲ್ಲಿ ಬಾಕಿ ಇದೆ.</p><p>ಚರಾಸ್ತಿ: ಚೌಟ ಅವರ ಬಳಿ ಒಟ್ಟು ₹ 27.31 ಲಕ್ಷ ಚರಾಸ್ತಿ ಇದೆ. ₹ 80 ಸಾವಿರ ನಗದು ಇದೆ. ನಗರದ ಮೂರು ಬ್ಯಾಂಕ್ಗಳಲ್ಲಿ ಒಟ್ಟು 1,15,939 ಠೇವಣಇ ಇದೆ. ಚುನಾವಣೆ ಸಲುವಾಗಿ ಹೊಸತಾಗಿ ಆರಂಭಿಸಿರುವ ಬ್ಯಾಂಕ್ ಖಾತೆಯಲ್ಲಿ ₹ 1 ಲಕ್ಷ ಠೇವಣಿ ಇದೆ. ಮೆ.ಆಲಿವ್ ಸ್ಟೀಲ್ ಸಲ್ಯೂಷನ್ಸ್ ಸಂಸ್ಥೆಯಲ್ಲಿ ₹ 7.20 ಲಕ್ಷ ಹೂಡಿಕೆ ಮಾಡಿದ್ದಾರೆ. ಅವರ ಟೊಯೋಟಾ ಇನೋವಾ ಕ್ರಿಸ್ಟ ಕಾರಿನ ಮೌಲ್ಯ ₹ 8.15 ಲಕ್ಷ. ಅವರ ಬಳಿ 137 ಗ್ರಾಂ ಚಿನ್ನಾಭರಣಗಳಿದ್ದು, ಅವುಗಳ ಮೌಲ್ಯ ಅಂದಾಜು ₹ 9 ಲಕ್ಷ.</p><p>ಸ್ಥಿರಾಸ್ತಿ:ಚೌಟ ಅವರು ತಲಪಾಡಿ ಬಳಿ ಹಿರಿಯರಿಂದ ಬಳುವಳಿಯಾಗಿ ಪಡೆದಿರುವ ಐದು ನಿವೇಶನಗಳಲ್ಲಿ (18 ಸೆಂಟ್ಸ್, 32 ಸೆಂಟ್ಸ್, 35 ಸೆಂಟ್ಸ್, 45 ಸೆಂಟ್ಸ್, 12 ಸೆಂಟ್ಸ್ ವಿಸ್ತೀರ್ಣದ್ದು) ಶೇ 25ರಷ್ಟು ಪಾಲನ್ನು ಹೊಂದಿದ್ದಾರೆ. ಈ ನಿವೇಶನಗಳ ಒಟ್ಟು ಮೌಲ್ಯ ₹ 1.74 ಕೋಟಿ ಇದ್ದು, ಅದರಲ್ಲಿ ಚೌಟ ಅವರ ಪಾಲಿನ ಆಸ್ತಿ ಮೌಲ್ಯ ಅಂದಾಜು ₹43.5 ಲಕ್ಷ.</p><p>ಚೌಟ ಅವರು ತಮ್ಮ ಹೆಸರಿನಲ್ಲಿ ವೆಬ್ಸೈಟ್ (https://captainbrijesh.in), ಎಕ್ಸ್ (ಟ್ವಿಟರ್) ಖಾತೆ (https://x.com/captbrijesh),ಇನ್ಸ್ಟಾಗ್ರಾಂ (https://www.instagram.com/captbrijeshchowta/), ಫೇಸ್ಬುಕ್ (https://www.facebook.com/captbrijeshchowta/) ಹಾಗೂ ಯೂಟ್ಯೂಬ್ (@CaptainBrijeshChowta) ಖಾತೆಗಳನ್ನು ಹೊಂದಿದ್ದಾರೆ.</p><p>ಸರ್ಕಾರಕ್ಕೆ ಯಾವುದೇ ಬಾಕಿ ಉಳಿಸಿಕೊಂಡಿಲ್ಲ. ಇನ್ನೂ ಮದುವೆಯಾಗಿಲ್ಲ. ಅವಲಂಬಿತರು ಯಾರೂ ಇಲ್ಲ. 2022–23ನೇ ನೇ ಸಾಲಿನಲ್ಲಿ ಆದಾಯ ತೆರಿಗೆ ಇಲಾಖೆಗೆ ಸಲ್ಲಿಸಿದ ವಿವರದಲ್ಲಿ ಅವರು ತಮಗೆ ವಾರ್ಷಿಕ ₹6,51,590 ಆದಾಯವಿದೆ. ಆದಾಯದ ಮೂಲ ಉದ್ದಿಮೆ ಎಂದು ಹೇಳಿಕೊಂಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
