ಮುಡಾ: ಒತ್ತಡ ನಿವಾರಣೆಗೆ ‘ಕಡತ ಯಜ್ಞ’

ಭಾರಿ ಒತ್ತಡವಿದೆ. ಕಚೇರಿ ಅವಧಿಯಲ್ಲೇ ಎಲ್ಲವನ್ನೂ ಮಾಡಿಮುಗಿಸಲು ಸಾಧ್ಯವಿಲ್ಲ. ಆದ್ದರಿಂದ ಕೆಲವು ದಿನ ಬೆಳಿಗ್ಗೆ ಬೇಗ ಕಚೇರಿಗೆ ಬಂದು ಕಡತ ವಿಲೇವಾರಿ ಮಾಡಿದ್ದೆ. ಅದಕ್ಕೂ ಆಕ್ಷೇಪ ಬಂದ ಕಾರಣ ನಿಲ್ಲಿಸಿದೆ. ರಾತ್ರಿ 9 ಗಂಟೆಯ ವರೆಗೆ ಕಚೇರಿಯಲ್ಲೇ ಇದ್ದದ್ದೂ ಇದೆ.

ಯಾರಿಗೂ ಸಂಪೂರ್ಣ ನಿಷೇಧ ಹೇರಲಿಲ್ಲ. ಮಧ್ಯವರ್ತಿ ಸಹಾಯ ಬೇಕೇ ಬೇಕೆಂದಿದ್ದರೆ ಅಧಿಕೃತ ಎಂಜಿನಿಯರ್‌ ಮತ್ತು ವಕೀಲರ ಜೊತೆ ಬರುವಂತೆ ಸೂಚಿಸಲಾಗಿದೆ. ಬಹುತೇಕರು ಸ್ವತಃ ತಮ್ಮ ಕೆಲಸ ಮಾಡಿಸಿಕೊಳ್ಳಲು ಸಾಧ್ಯವಾಗುವಂತಹ ವಾತಾವರಣ ಸೃಷ್ಟಿಯಾಗಿದೆ.

ಸುಮ್ಮಸುಮ್ಮನೇ ಯಾರನ್ನೂ ಒಳಗೆ ಬಿಡುತ್ತಿಲ್ಲ. ಅರ್ಜಿ ಕೊಡಲು ಬರುವವರು ಅಥವಾ ಕೊಟ್ಟ ಅರ್ಜಿಯ ಕುರಿತು ವಿಚಾರಿಸಲು ಬರುವವರು ಅಧಿಕಾರಿಗಳ ಭೇಟಿಗೆ ಬರುವವರಿಗೆ ಮಾತ್ರ ಅವಕಾಶ ನೀಡಲಾಗುತ್ತದೆ. ಬರುವವರೆಲ್ಲರ ಮಾಹಿತಿ ದಾಖಲಿಸಲಾಗುತ್ತದೆ.

ಮುಡಾದಲ್ಲಿ ತುಂಬ ಸುಧಾರಣೆ ಆಗಿದೆ. ಹಿಂದೆಲ್ಲ ಯಾವುದಾದರೂ ಕೆಲಸಕ್ಕೆ ಬಂದರೆ ಮಾತನಾಡಿಸುವವರೇ ಇರಲಿಲ್ಲ. ಈಗ ಎಲ್ಲದಕ್ಕೂ ಉತ್ತರಿಸುತ್ತಾರೆ. ಕೆಲಸಗಳು ಕೂಡ ನಿಗದಿ ಅವಧಿಯಲ್ಲಿ ಆಗುತ್ತವೆ. ಇಂಥ ಬೆಳಗಣಿಗೆಗಳಿಂದಾಗಿ ಸಾರ್ವಜನಿಕರಲ್ಲಿ ಭರವಸೆ ಮೂಡಿದೆ.