ನಾಲ್ಕನೆಯ ತರಗತಿಯಲ್ಲಿದ್ದಾಗಲೇ ಸಂಗೀತ ಕಲಿಯಲು ಆರಂಭಿಸಿದ ದಕ್ಷಿಣ ಕನ್ನಡದ ಕಾವ್ಯಶ್ರೀ ಆಜೇರು, ಗಂಡು ಕಲೆ ಎನಿಸಿಕೊಂಡಿರುವ ‘ಯಕ್ಷಗಾನ’ದಲ್ಲಿ ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದಾರೆ. ಅವರಿಗೆ ಇರುವ ಶಾಸ್ತ್ರೀಯ ಸಂಗೀತ ಜ್ಞಾನ ಭಾಗವತಿಕೆಯಲ್ಲಿ ಅವರಿಗೆ ಹೊಸ ‘ಶಕ್ತಿ’ ನೀಡಿದೆ. ತಾವು ತಿಳಿದುಕೊಂಡಿದ್ದನ್ನು ಮುಂದಿನ ಪೀಳಿಗೆಗೆ ಕಲಿಸುವ ಮೂಲಕ ಭಾಗವತಿಕೆಯ ಪರಂಪರೆ ವೃದ್ಧಿಗೆ ಅಲ್ಪ ಕೊಡುಗೆ ನೀಡುವ ಕನಸು ಅವರದು. ಭಾಗವತಿಕೆ ಕಲಿಯಬೇಕೆಂಬ ಹಂಬಲ ಹೊಂದಿರುವ ಯುವ ಸಮೂಹಕ್ಕೆ, ಯಕ್ಷಗಾನ ಪ್ರಿಯರಿಗೆ ಇಷ್ಟವಾಗುವ ವಿಡಿಯೊ ಇದು.