2007–08ರಲ್ಲಿ 1,700 ಮಂದಿಯಲ್ಲಿ ಎಚ್ಐವಿ ಸೋಂಕು ಪತ್ತೆಯಾಗಿತ್ತು. ಮುಂದಿನ ಐದು ವರ್ಷಗಳಲ್ಲಿ ಕಡಿಮೆಯಾಗುತ್ತಾ 2012–13ರ ಹೊತ್ತಿಗೆ ಸಾವಿರದ ಗಡಿಗೆ ಬಂದು ನಿಂತಿತ್ತು. ಮತ್ತೆ ಐದು ವರ್ಷಗಳಲ್ಲಿ 500ರ ಒಳಗೆ ಬಂದಿತ್ತು. 2017–18ರಲ್ಲಿ 434 ಮಂದಿಯಲ್ಲಿ ಮಾತ್ರ ಸೋಂಕು ಪತ್ತೆಯಾಗಿತ್ತು. ಆದರೆ, ಅಲ್ಲಿಂದ ಅದೇ ವೇಗದಲ್ಲಿ ಇಳಿಕೆಯಾಗದೇ ಸ್ಥಗಿತಗೊಂಡಿದೆ. 2018–19ರಲ್ಲಿ 445 ಮಂದಿಯಲ್ಲಿ ಕಂಡು ಬಂದಿತ್ತು. ಈ ಸಾಲಿನಲ್ಲಿ 144 ಮಂದಿಯಲ್ಲಿ ಕಂಡು ಬಂದಿದ್ದು, 2020ರ ಮಾರ್ಚ್ ಕೊನೆಯ ಹೊತ್ತಿಗೆ 400 ತಲುಪಬಹುದು ಎಂದು ಜಿಲ್ಲಾ ಎಚ್ಐವಿ/ಏಡ್ಸ್ ನಿಯಂತ್ರಣಾಧಿಕಾರಿ ಡಾ. ಕೆ.ಎಚ್. ಗಂಗಾಧರ್ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.