ಕೋವಿಡ್–19: ಫೇಸ್ಬುಕ್ ಲೈವ್‌ನಲ್ಲೇ ಆಶೀರ್ವದಿಸಿ
ಅಕ್ಷರ ಗಾತ್ರ :ಆ |ಆ |ಆ
ದಾವಣಗೆರೆ: ಕೋವಿಡ್–19 ಹಿನ್ನೆಲೆಯಲ್ಲಿ ಇಲ್ಲೊಂದು ಜೋಡಿ ವಿಭಿನ್ನವಾಗಿ ಮದುವೆಯ ಕರೆಯೋಲೆ ನೀಡಿದೆ. ಮದುವೆಯನ್ನು ಫೇಸ್ಬುಕ್ ಲೈವ್ ಮಾಡುತ್ತಿದ್ದು, ಮನೆಯಲ್ಲಿಯೇ ಇದ್ದು ಹಾರೈಸಿ ಎಂದು ಮನವಿ ಮಾಡಿದೆ.
‘ಕೋವಿಡ್–19 ಹಿನ್ನೆಲೆಯಲ್ಲಿ ಸರ್ಕಾರ ಕೆಲವೊಂದು ನಿಬಂಧನೆಗಳನ್ನು ವಿಧಿಸಿರುವ ಹಿನ್ನೆಲೆಯಲ್ಲಿ ದಾವಣಗೆರೆಯ ಜಯನಗರದ ವಂಕದಾರಿ ಕುಟುಂಬ ಇಂತಹದ್ದೊಂದು ಪ್ರಯತ್ನ ಮಾಡುತ್ತಿದೆ. ನವೀನ್ ಮತ್ತು ರಂಜಿತಾ ಜೋಡಿ ಜೂನ್ 15ರಂದು ದಾವಣಗೆರೆಯ ಓಲ್ಡ್ ಸಿಟಿಯಲ್ಲಿನ ಕನ್ನಿಕಾ ಪರಮೇಶ್ವರಿ ದೇಗುಲದಲ್ಲಿ ಬೆಳಗ್ಗೆ 9.30ಕ್ಕೆ ವಿವಾಹ ಮುಹೂರ್ತವಿದ್ದು, ಬೆಳಿಗ್ಗೆ 9ರಿಂದ 10ಗಂಟೆಯವರೆಗೆ ಮದುವೆಯ ಶಾಸ್ತ್ರ, ವಿಧಿ ವಿಧಾನ ಫೇಸ್ಬುಕ್ ಲೈವ್ ಬರಲಿದೆ’ ಎಂದು ವಧುವಿನ ಸಹೋದರ ನಂದಕಿಶೋರ್ ತಿಳಿಸಿದ್ದಾರೆ.
‘ಈ ಬಗ್ಗೆ ಲಗ್ನಪತ್ರಿಕೆಯಲ್ಲಿ ನಂದ ಕಿಶೋರ್ (Nand Kishore) ಅವರ ಪ್ರೊಫೈಲ್ ನೇಮ್ ಹಾಕಲಾಗಿದ್ದು, ಈ ಪ್ರೊಫೈಲ್ ಮೂಲಕ ರಂಜಿತಾ - ನವೀನ್ ಅವರ ಮದುವೆ ಲೈವ್ ವೀಕ್ಷಿಸಬಹುದು. ಮದುವೆಯಲ್ಲಿ ಕೇವಲ 50 ಜನರಿಗೆ ಮಾತ್ರ ಪ್ರವೇಶವಿದ್ದು, ಮದುವೆಗೆ ಬರುವವರಿಗೆ ಥರ್ಮಲ್ ಸ್ಕ್ರೀನಿಂಗ್, ಮಾಸ್ಕ್, ಸ್ಯಾನಿಟೈಸರ್ ನೀಡಲಾಗುವುದು. ಅಂತರ ಕಾಯ್ದುಕೊಂಡು ಮದುವೆ ಮಾಡಲಾಗುವುದು’ ಎಂದು ತಿಳಿಸಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್ಬುಕ್ ಪುಟವನ್ನುಫಾಲೋ ಮಾಡಿ.
