<p><strong>ದಾವಣಗೆರೆ: </strong>ಕೋಳಿ ಮಾಂಸ ಪ್ರಿಯರಿಗೆ ಬಿಸಿಲಿಗಿಂತಲೂ ಹೆಚ್ಚು ಬಿಸಿಯನ್ನು ಮಾಂಸದ ಬೆಲೆ ಮುಟ್ಟಿಸಿದೆ. ಮಂಗಳವಾರ ಮಾಂಸದ ದರ ಒಂದು ಕೆ.ಜಿ.ಗೆ ₹ 210ಕ್ಕೇರಿದೆ. ಒಂದು ತಿಂಗಳ ಹಿಂದೆ ₹ 150ರ ಆಸುಪಾಸಿನಲ್ಲಿದ್ದ ದರ ಈಗ ಒಮ್ಮೆಲೇ ₹200 ದಾಟಿದೆ.</p>.<p>ಚರ್ಮರಹಿತ ಕೋಳಿ ಮಾಂಸದ ದರ ಕೆ.ಜಿ.ಗೆ ₹ 230 ಆಗಿದ್ದು, ಹುಂಡಿಕೋಳಿಗೆ ಅಂದರೆ ಇಡಿಕೋಳಿಗೆ ಕೆ.ಜಿ.ಗೆ ₹ 155ರಂತೆ ಮಾರಾಟವಾಗುತ್ತಿದೆ.</p>.<p>‘ಕೋಳಿ ಸಾಕುವ ಫಾರ್ಮ್ ತಂಪು ಪ್ರದೇಶಗಳಲ್ಲಿ ಇದ್ದರೆ ಕೋಳಿಗಳು ಬದುಕುತ್ತವೆ. ಇಲ್ಲದೇ ಇದ್ದರೆ ಈ ಸೆಕೆಗೆ ಸಾಯುತ್ತವೆ. ಕೋಳಿಗೆ ಬೇಡಿಕೆ ಕಡಿಮೆಯಾಗಿಲ್ಲ. ಕೋಳಿ ಪೂರೈಕೆ ಕಡಿಮೆಯಾದಾಗ ಸಹಜವಾಗಿಯೇ ಬೆಲೆ ಏರಿಕೆಯಾಗುತ್ತದೆ’ ಎಂದು ಕೋಳಿ ಮಾರಾಟಗಾರರಾದ ಕಿರಣ್, ಫಯಾಜ್ ತಿಳಿಸಿದರು.</p>.<p>ಜತೆಗೆ ಅಲ್ಲಲ್ಲಿ ಜಾತ್ರೆಗಳು ನಡೆಯುತ್ತಿರುವು ದರಿಂದ ಕೋಳಿಗಳಿಗೆ ಬೇಡಿಕೆಯೂ ಹೆಚ್ಚಾಗಿದೆ. ಮೇ ದಾಟಿ ಮಳೆಗಾಲ ಆರಂಭಗೊಳ್ಳುವವರೆಗೆ ದರ ಹೆಚ್ಚಿರುತ್ತದೆ. ಮಳೆಗಾಲ ಆರಂಭಗೊಂಡಾಗ ಕೋಳಿ ದರವೂ ಇಳಿಯತ್ತದೆ ಎಂದು ವಿವರಿಸಿದರು.</p>.<p class="Subhead"><strong>ಸಾಕಣೆದಾರರಿಗೆ ಲಾಭವಿಲ್ಲ</strong>: ಕೋಳಿಗೆ ₹ 150 ಇದ್ದರೂ ₹ 200 ದಾಟಿದರೂ ಅದರ ಪ್ರಯೋಜನ ಕೋಳಿ ಸಾಕಣೆದಾರರಿಗೆ ಸಿಗುವುದಿಲ್ಲ. ಈಗ ಕೋಳಿ ಸಾಕುವ ರೈತರಿಗೆ ಒಂದು ಕೆ.ಜಿ.ಗೆ ₹ 90 ಮಾತ್ರ ಸಿಗುತ್ತಿದೆ. ವೆಂಕೋಬ್, ವೆಂಕಟೇಶ್ವರ, ಕೊರಿಯನ್ ಪಾಂಗ್ ಪಾಂಡ್, ಗೋದ್ರೆಜ್, ಸುಗುಣ, ಐಬಿ ಮತ್ತಿತರ ಬಹುರಾಷ್ಟ್ರೀಯ ಕಂಪನಿಗಳು ಸಾಕಣೆದಾರರಿಗೆ ದರ ನಿಗದಿ ಮಾಡುತ್ತವೆ, ಇದರಿಂದಾಗಿ ಲಾಭವು ಆ ಕಂಪನಿಗಳಿಗೆ ಮತ್ತು ಮಧ್ಯವರ್ತಿ ಮಾರಾಟಗಾರರಿಗೆ ಮಾತ್ರ ಆಗುತ್ತಿದೆ ಎಂದು ಮಧ್ಯ ಕರ್ನಾಟಕ ಕೋಳಿ ಸಾಕಾಣಿಕೆದಾರರ ಹಾಗೂ ಮಾರಾಟಗಾರರ ಸಹಕಾರ ಸಂಘದ ನಿರ್ದೇಶಕ ಮಲ್ಲಾಪುರ ಒ. ದೇವರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>30 ಗ್ರಾಂನ ಒಂದು ಕೋಳಿ ಮರಿಗೆ ಎರಡು ತಿಂಗಳ ಹಿಂದೆ ₹ 25 ಇತ್ತು. ಅದು ಈಗ ₹ 48ಕ್ಕೆ ಏರಿದೆ. ಅದನ್ನು ಸಾಕಲು ಹಾಕುವ ಸೋಯಾ ಹಿಂಡಿ ಕೆ.ಜಿ.ಗೆ ಎರಡು ₹ 30ರಿಂದ ಒಮ್ಮೆಲೆ ₹ 52ಕ್ಕೆ ಏರಿದೆ. ಹೀಗಾಗಿ ಕೋಳಿ ಸಾಕುವ ವೆಚ್ಚ ಹೆಚ್ಚಾಗಿದೆ. ಆದರೆ, ರೈತರಿಗೆ ಸಿಗುವ ದರ ಹೆಚ್ಚಾಗಿಲ್ಲ. ಮಾರುಕಟ್ಟೆಯಲ್ಲಿ ಗ್ರಾಹಕರು ಕೊಡುವ ದರ ಮಾತ್ರ ಹೆಚ್ಚಾಗಿದೆ ಎಂದು ಅಳಲು ತೋಡಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾವಣಗೆರೆ: </strong>ಕೋಳಿ ಮಾಂಸ ಪ್ರಿಯರಿಗೆ ಬಿಸಿಲಿಗಿಂತಲೂ ಹೆಚ್ಚು ಬಿಸಿಯನ್ನು ಮಾಂಸದ ಬೆಲೆ ಮುಟ್ಟಿಸಿದೆ. ಮಂಗಳವಾರ ಮಾಂಸದ ದರ ಒಂದು ಕೆ.ಜಿ.ಗೆ ₹ 210ಕ್ಕೇರಿದೆ. ಒಂದು ತಿಂಗಳ ಹಿಂದೆ ₹ 150ರ ಆಸುಪಾಸಿನಲ್ಲಿದ್ದ ದರ ಈಗ ಒಮ್ಮೆಲೇ ₹200 ದಾಟಿದೆ.</p>.<p>ಚರ್ಮರಹಿತ ಕೋಳಿ ಮಾಂಸದ ದರ ಕೆ.ಜಿ.ಗೆ ₹ 230 ಆಗಿದ್ದು, ಹುಂಡಿಕೋಳಿಗೆ ಅಂದರೆ ಇಡಿಕೋಳಿಗೆ ಕೆ.ಜಿ.ಗೆ ₹ 155ರಂತೆ ಮಾರಾಟವಾಗುತ್ತಿದೆ.</p>.<p>‘ಕೋಳಿ ಸಾಕುವ ಫಾರ್ಮ್ ತಂಪು ಪ್ರದೇಶಗಳಲ್ಲಿ ಇದ್ದರೆ ಕೋಳಿಗಳು ಬದುಕುತ್ತವೆ. ಇಲ್ಲದೇ ಇದ್ದರೆ ಈ ಸೆಕೆಗೆ ಸಾಯುತ್ತವೆ. ಕೋಳಿಗೆ ಬೇಡಿಕೆ ಕಡಿಮೆಯಾಗಿಲ್ಲ. ಕೋಳಿ ಪೂರೈಕೆ ಕಡಿಮೆಯಾದಾಗ ಸಹಜವಾಗಿಯೇ ಬೆಲೆ ಏರಿಕೆಯಾಗುತ್ತದೆ’ ಎಂದು ಕೋಳಿ ಮಾರಾಟಗಾರರಾದ ಕಿರಣ್, ಫಯಾಜ್ ತಿಳಿಸಿದರು.</p>.<p>ಜತೆಗೆ ಅಲ್ಲಲ್ಲಿ ಜಾತ್ರೆಗಳು ನಡೆಯುತ್ತಿರುವು ದರಿಂದ ಕೋಳಿಗಳಿಗೆ ಬೇಡಿಕೆಯೂ ಹೆಚ್ಚಾಗಿದೆ. ಮೇ ದಾಟಿ ಮಳೆಗಾಲ ಆರಂಭಗೊಳ್ಳುವವರೆಗೆ ದರ ಹೆಚ್ಚಿರುತ್ತದೆ. ಮಳೆಗಾಲ ಆರಂಭಗೊಂಡಾಗ ಕೋಳಿ ದರವೂ ಇಳಿಯತ್ತದೆ ಎಂದು ವಿವರಿಸಿದರು.</p>.<p class="Subhead"><strong>ಸಾಕಣೆದಾರರಿಗೆ ಲಾಭವಿಲ್ಲ</strong>: ಕೋಳಿಗೆ ₹ 150 ಇದ್ದರೂ ₹ 200 ದಾಟಿದರೂ ಅದರ ಪ್ರಯೋಜನ ಕೋಳಿ ಸಾಕಣೆದಾರರಿಗೆ ಸಿಗುವುದಿಲ್ಲ. ಈಗ ಕೋಳಿ ಸಾಕುವ ರೈತರಿಗೆ ಒಂದು ಕೆ.ಜಿ.ಗೆ ₹ 90 ಮಾತ್ರ ಸಿಗುತ್ತಿದೆ. ವೆಂಕೋಬ್, ವೆಂಕಟೇಶ್ವರ, ಕೊರಿಯನ್ ಪಾಂಗ್ ಪಾಂಡ್, ಗೋದ್ರೆಜ್, ಸುಗುಣ, ಐಬಿ ಮತ್ತಿತರ ಬಹುರಾಷ್ಟ್ರೀಯ ಕಂಪನಿಗಳು ಸಾಕಣೆದಾರರಿಗೆ ದರ ನಿಗದಿ ಮಾಡುತ್ತವೆ, ಇದರಿಂದಾಗಿ ಲಾಭವು ಆ ಕಂಪನಿಗಳಿಗೆ ಮತ್ತು ಮಧ್ಯವರ್ತಿ ಮಾರಾಟಗಾರರಿಗೆ ಮಾತ್ರ ಆಗುತ್ತಿದೆ ಎಂದು ಮಧ್ಯ ಕರ್ನಾಟಕ ಕೋಳಿ ಸಾಕಾಣಿಕೆದಾರರ ಹಾಗೂ ಮಾರಾಟಗಾರರ ಸಹಕಾರ ಸಂಘದ ನಿರ್ದೇಶಕ ಮಲ್ಲಾಪುರ ಒ. ದೇವರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>30 ಗ್ರಾಂನ ಒಂದು ಕೋಳಿ ಮರಿಗೆ ಎರಡು ತಿಂಗಳ ಹಿಂದೆ ₹ 25 ಇತ್ತು. ಅದು ಈಗ ₹ 48ಕ್ಕೆ ಏರಿದೆ. ಅದನ್ನು ಸಾಕಲು ಹಾಕುವ ಸೋಯಾ ಹಿಂಡಿ ಕೆ.ಜಿ.ಗೆ ಎರಡು ₹ 30ರಿಂದ ಒಮ್ಮೆಲೆ ₹ 52ಕ್ಕೆ ಏರಿದೆ. ಹೀಗಾಗಿ ಕೋಳಿ ಸಾಕುವ ವೆಚ್ಚ ಹೆಚ್ಚಾಗಿದೆ. ಆದರೆ, ರೈತರಿಗೆ ಸಿಗುವ ದರ ಹೆಚ್ಚಾಗಿಲ್ಲ. ಮಾರುಕಟ್ಟೆಯಲ್ಲಿ ಗ್ರಾಹಕರು ಕೊಡುವ ದರ ಮಾತ್ರ ಹೆಚ್ಚಾಗಿದೆ ಎಂದು ಅಳಲು ತೋಡಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
