ಕ್ರಿಕೆಟ್ ಬೆಟ್ಟಿಂಗ್: ಒಬ್ಬನ ಬಂಧನ

ದಾವಣಗೆರೆ: ಕೆರೆಬಿಯನ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಬೆಟ್ಟಿಂಗ್ ಆಡುತ್ತಿದ್ದ ಒಬ್ಬನನ್ನು ಶನಿವಾರ ರಾತ್ರಿ ಪೊಲೀಸರು ಬಂಧಿಸಿದ್ದು, ₹15,300ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಭಾಷಾನಗರದ ಸೈಯದ್ ಜಬೀವುಲ್ಲಾ (43) ಬಂಧಿತ. ಮಾಹಿತಿಯ ಮೇರೆಗೆ ದಾಳಿ ನಡೆಸಿದ ಸಿಇಎನ್ ಠಾಣೆಯ ಮುಸ್ತಾಕ್ ಅಹಮದ್ ಹಾಗೂ ತಂಡ ಬಾಷಾನಗರ ಸರ್ಕಲ್ ಜಬಿ ಟೀ ಹೋಟೆಲ್ ಮುಂಭಾಗದ ಸಾರ್ಜಜನಿಕ ಸ್ಥಳದಲ್ಲಿ ಬೆಟ್ಟಿಂಗ್ ಆಡುತ್ತಿದ್ದ ವೇಳೆ ಸೈಯದ್‌ನನ್ನು ಬಂಧಿಸಿ. ಆತನಿಂದ ನಾಲ್ಕು ಬೆಟ್ಟಿಂಗ್ ಚೀಟಿ, ಒಂದು ಮೊಬೈಲ್ ಅನ್ನು ವಶಪಡಿಸಿಕೊಂಡಿದೆ. 

ಮತ್ತೊಬ್ಬ ಆರೋಪಿ ಇಮ್ತಿಯಾಜ್ ತಲೆಮರೆಸಿಕೊಂಡಿದ್ದಾನೆ. ಸಿಇಎನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.