ಬುಧವಾರ, ಜನವರಿ 27, 2021
18 °C

ಪೇಂಟ್ ಅಂಗಡಿಯಲ್ಲಿಟ್ಟಿದ್ದ ಆಭರಣ, ಟ್ಯಾಬ್, ನಗದು ಕಳವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ದಾವಣಗೆರೆ: ತಾಲ್ಲೂಕಿನ ಆನಗೋಡಿನ ಪೇಂಟ್ ಅಂಗಡಿಯೊಂದರ ಚಾವಣಿಯ ತಗಡು ತೆಗೆದ ಕಳ್ಳರು ಅಂಗಡಿಯೊಳಗೆ ನುಗ್ಗಿ ಬಂಗಾರದ ಆಭರಣಗಳು, ಒಂದು ಟ್ಯಾಬ್ ಹಾಗೂ ₹ 1 ಲಕ್ಷವನ್ನು ದೋಚಿ ಪರಾರಿಯಾಗಿದ್ದಾರೆ.

ಪಿ.ಬಿ.ರಸ್ತೆಯ ಪಕ್ಕದಲ್ಲಿರುವ ವೈ.ಎಸ್. ಟ್ರೇಡರ್ಸ್‌ನಲ್ಲಿ ಕಳ್ಳತನ ನಡೆದಿದ್ದು, ಗಂಗನಕಟ್ಟೆ ಗ್ರಾಮದ ಶಿವರಾಜ್ ಹಾಗೂ ಅವರ ಅಣ್ಣ ಇಬ್ಬರೂ ವ್ಯಾಪಾರ ನಡೆಸುತ್ತಿದ್ದರು. ತಾಯಿಯ ಬಂಗಾರದ ಆಭರಣಗಳನ್ನು ಪೇಂಟ್ ಅಂಗಡಿಯ ಕ್ಯಾಶ್ ಡ್ರಾದಲ್ಲಿ ಇಟ್ಟಿದ್ದರು.

ಅಂಗಡಿಗೆ ನುಗ್ಗಿದ ಕಳ್ಳರು ₹1,20 ಲಕ್ಷ ಮೌಲ್ಯದ ಮಾಂಗಲ್ಯ ಸರ, 30 ಗ್ರಾಂನ ಎರಡು ಬಂಗಾರದ ಬಳೆಗಳು, 5 ಗ್ರಾಂ ಒಂದು ಜೊತೆ ಕಿವಿಯೋಲೆ, ಬಂಗಾರದ ಮೂಗುಬೊಟ್ಟು, ಎರಡು ಉಂಗುರ. ಗಣೇಶ ಡಾಲರ್‌ನ ಒಂದು ಚೈನ್, ಕಾಲು ಕಡಗ, ಸೇರಿ ಒಟ್ಟು ₹3 ಲಕ್ಷ ಮೌಲ್ಯದ ಬಂಗಾರದ ಆಭರಣಗಳು, ₹19,500 ಮೌಲ್ಯದ ಒಂದು ಟ್ಯಾಬ್ ಹಾಗೂ ನಗದು ಸೇರಿ ₹4.19 ಲಕ್ಷ ಮೌಲ್ಯದ ವಸ್ತುಗಳನ್ನು ಕಳ್ಳತನ ಮಾಡಿದ್ದಾರೆ.

ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.