ಅರಣ್ಯ ಇಲಾಖೆ, ಪೊಲೀಸ್‌ ಹಾಗೂ ಅಗ್ನಿಶಾಮಕದಳ ಸಿಬ್ಬಂದಿ ಎರಡು ದಿನಗಳಿಂದ ಹರಸಾಹಸ ಮಾಡಿದ್ರು, ರಕ್ಷಣೆ ಮಾಡಲಾಗಿಲ್ಲ. ರಾಜನಹಳ್ಳಿ ಜಾಕ್‌ವೆಲ್‌ ಪಂಪ್‌ಹೌಸ್‌ ಬಳಿ ನದಿಯಲ್ಲಿ ಮರದಲ್ಲಿ 50 ಹೆಚ್ಚು ಮುಸಿಯಗಳು ವಾಸವಾಗಿದ್ದವು. ಮಲೆನಾಡಿನಲ್ಲಿ ನಿರಂತರವಾಗಿ ಮಳೆ ಸುರಿಯುತ್ತಿರುವುದರಿಂದ ನದಿ ನೀರಿನ ಹರಿವು ಹೆಚ್ಚಾಗಿದ್ದರಿಂದ ದಡಗಳನ್ನು ಮೀರಿ ಹೊಲಗದ್ದೆಗಳಿಗೂ ನೀರು ನುಗ್ಗಿದೆ. ಮುಸಿಯಗಳು ವಾಸಿಸುತ್ತಿದ್ದ ಮರವನ್ನೂ ಮೀರಿ ಸುಮಾರು 60 ಮೀಟರ್‌ಗಳಷ್ಟು ದೂರದವರೆಗೆ ನದಿ ಪಾತ್ರ ವಿಸ್ತರಿಸಿಕೊಂಡು ಹರಿಯುತ್ತಿದೆ.
