ಅಹಂ ರಾವಣಾಸ್ಮಿ ಚಿತ್ರ ಶೀಘ್ರ ತೆರೆಗೆ: ರಾವಣ ಕತ್ತಿ

ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಚಿತ್ರವನ್ನು ಕನ್ನಡದಲ್ಲಿ ನಿರ್ಮಿಸಲಾಗಿದ್ದು, ತೆಲುಗು, ತಮಿಳು ಭಾಷೆಯಲ್ಲಿ ಡಬ್ ಮಾಡಲಾಗಿದೆ. ರಾವಣಾಸುರುಡು ಹೆಸರಿನ ತೆಲುಗಿನ ಅವತರಣಿಕೆ ಆಂಧ್ರಪ್ರದೇಶ ಹಾಗೂ ತೆಲಂಗಾಣದ ಸುಮಾರು 50 ಚಿತ್ರಮಂದಿರಗಳಲ್ಲಿ ಶೀಘ್ರದಲ್ಲೇ ತೆರೆಕಾಣಲಿದೆ. ರಾವಣಾಸುರನ್‌ ಹೆಸರಿನ ತಮಿಳು ಅವತರಣಿಕೆ ಒಟಿಟಿಯಲ್ಲಿ ಪ್ರದರ್ಶನ ಕಾಣಲಿದೆ’ ಎಂದು ಹೇಳಿದರು.

‘ನಾಯಕನಟಿಯಾಗಿ ರಂಭಾ, ವಿವಿಧ ಪಾತ್ರಗಳಲ್ಲಿ ಸುರೇಶ ಕರಜಗಿ, ಸುನೀಲ್‌ ತಳವಾರ, ವಿದ್ಯಾ ಟರ್ಕಿ, ಭೂಪಾಲ್‌ ಅತ್ತು, ಅರವಿಂದ ಮುಳಗುಂದ, ಅರುಂಧತಿ, ರವಿಕುಮಾರ, ಪ್ರಕಾಶ ಅಭಿನಯಿಸಿದ್ದಾರೆ. ಚಿತ್ರದುರ್ಗದ ಮುನ್ನ ಸಂಗೀತ ನಿರ್ದೇಶನ ಮಾಡಿದ್ದು, ಎರಡು ಹಾಡುಗಳನ್ನು ತೆಲುಗು ಗಾಯಕರು, ಮೂರು ಹಾಡುಗಳನ್ನು ಕನ್ನಡದ ಗಾಯಕರು ಹಾಡಿದ್ದಾರೆ. ಬೆಳಗಾವಿಯ ವಿಶ್ವನಾಥ ತಾಲೂಕ ಕ್ಯಾಮೆರಾಮನ್‌ ಆಗಿ, ಪ್ರಕಾಶ ಕಡಕೋಳ ಸಾಹಸ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ’ ಎಂದು ವಿವರಿಸಿದರು.

‘ಬೆಳಗಾವಿ, ಶಿರಸಿ, ಹೊನ್ನಾವರ ಸೇರಿದಂತೆ ಗೋವಾ, ಕರ್ನೂಲು ಭಾಗಗಳಲ್ಲಿ ಚಿತ್ರೀಕರಣ ಮಾಡಲಾಗಿದೆ’ ಎಂದು ಹೇಳಿದರು.