<p><strong>ಹುಬ್ಬಳ್ಳಿ:</strong> ಸ್ವಾತಂತ್ರ್ಯದ ಅಮೃತ ಮಹೋತ್ಸವ ಅಂಗವಾಗಿ ಹುಬ್ಬಳ್ಳಿಯ ಮಹಾನಗರ ಪಾಲಿಕೆ ಆಯುಕ್ತರ ಕಚೇರಿ ಎದುರು ಸ್ಥಾಪಿಸಿರುವ 75 ಅಡಿ ಎತ್ತರದ ಧ್ವಜಸ್ತಂಭ, ಆರು ದಿನಗಳಿಂದ ರಾಷ್ಟ್ರಧ್ವಜವಿಲ್ಲದೆ ಕಳಾಹೀನವಾಗಿದೆ.</p>.<p>ಇತ್ತೀಚೆಗೆ ಸುರಿದ ಭಾರಿ ಮಳೆಗೆ ಹಾಗೂ ಗಾಳಿಗೆ ರಾಷ್ಟ್ರಧ್ವಜ ಹರಿದಿತ್ತು. ಕಳೆದ ಭಾನುವಾರ ರಾತ್ರಿ ಸಂಪೂರ್ಣ ಹರಿದಿದ್ದರಿಂದ, ಸೋಮವಾರ ಬೆಳಿಗ್ಗೆ ಅಧಿಕಾರಿಗಳು ಅದನ್ನು ತೆರವು ಮಾಡಿದ್ದರು. ವಾರ ಸಮೀಪಿಸುತ್ತ ಬಂದಿದ್ದರೂ, ಹೊಸ ರಾಷ್ಟ್ರಧ್ವಜ ಮಾತ್ರ ಇನ್ನೂ ಮೇಲೇರಿಲ್ಲ. ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.</p>.<p>‘75ನೇ ವರ್ಷದ ಸ್ವಾತಂತ್ರ್ಯ ಮಹೋತ್ಸವದ ಸವಿನೆನಪಿಗಾಗಿ 2022ರಲ್ಲಿ ಪಾಲಿಕೆ, 75 ಅಡಿ ಉದ್ದದ ರಾಷ್ಟ್ರಸ್ತಂಭ ನಿರ್ಮಿಸಿ, ವರ್ಷಪೂರ್ತಿ ರಾಷ್ಟ್ರಧ್ವಜ ಹಾರಾಡುವಂತೆ ಮಾಡಿತ್ತು. ಅತಿ ಎತ್ತರದಲ್ಲಿ ರಾಷ್ಟ್ರಧ್ವಜ ಹಾರಾಡುತ್ತಿದೆ ಎನ್ನುವುದು ಹೆಮ್ಮೆಯ ವಿಷಯವಾಗಿತ್ತು. ಆದರೆ, ಐದು–ಆರು ದಿನಗಳಿಂದ ಧ್ವಜ ಹಾರಾಡುತ್ತಿಲ್ಲ. ಈ ವಿಷಯದಲ್ಲಿ ಅಧಿಕಾರಿಗಳ ನಿರ್ಲಕ್ಷ್ಯ ಖಂಡನೀಯ. ತಕ್ಷಣ ಕ್ರಮ ಕೈಗೊಳ್ಳಬೇಕು. ಇಲ್ಲದಿದ್ದರೆ ಪ್ರತಿಭಟನೆ ನಡೆಸಲಾಗುವುದು’ ಎಂದು ಆಟೊ ರಿಕ್ಷಾ ಚಾಲಕ ಮಾಲಕರ ಸಂಘದ ಅಧ್ಯಕ್ಷ ಶೇಖರಯ್ಯ ಮಠಪತಿ ಆಗ್ರಹಿಸಿದರು.</p>.<p>‘ಚೆನ್ನೈನ ಬಾಲಾ ಎಂಟರ್ಪ್ರೈಸೆಸ್ ಕಂಪನಿ ಧ್ವಜಸ್ತಂಭ ನಿರ್ಮಿಸಿದ್ದು, ಅದೇ ಕಂಪನಿ ರಾಷ್ಟ್ರಧ್ವಜ ಪೂರೈಸುತ್ತದೆ. ಪಾಲಿಕೆ ಆವರಣದಲ್ಲಿ ಹಾರಾಡುವ ಧ್ವಜ ರೇಷ್ಮೆ ಬಟ್ಟೆಯದ್ದಾಗಿದ್ದು, 14X21 ಉದ್ದ–ಅಗಲದ ಅಳತೆ ಹೊಂದಿದೆ. ಒಂದು ಧ್ವಜಕ್ಕೆ ₹20 ಸಾವಿರವಿದೆ. ಅದನ್ನು ಪೂರೈಸುವಂತೆ ಪಾಲಿಕೆ ಬಾಲಾ ಕಂಪನಿಗೆ ಆರ್ಡರ್ ಹಾಕಬೇಕು. ಈ ಅಳತೆಯ ಧ್ವಜ ಖರೀದಿಸಲು ಹುಬ್ಬಳ್ಳಿಯ ವಿವಿಧೆಡೆ ಹುಡುಕಾಡಿದ್ದು, ಎಲ್ಲೂ ಸಿಕ್ಕಿಲ್ಲ’ ಎಂದು ಪಾಲಿಕೆ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ಮಳೆ–ಗಾಳಿಗೆ ರಾಷ್ಟ್ರಧ್ವಜ ಹರಿದಿದೆ. ಖರೀದಿಗಾಗಿ ಇವತ್ತು (ಶುಕ್ರವಾರ) ಏಜೆನ್ಸಿಗೆ ಆರ್ಡರ್ ಹಾಕಿದ್ದೇವೆ. ನಾಲ್ಕು–ಐದು ದಿನಗಳಲ್ಲಿ ಪೂರೈಕೆಯಾಗಬಹುದು. ಖಾದಿ ಗ್ರಾಮೋದ್ಯೋಗ ಕೇಂದ್ರದಲ್ಲಿ ಧ್ವಜ ಇರುವ ಬಗ್ಗೆ ಮಾಹಿತಿಯಿದ್ದು, ಲಭ್ಯವಿದ್ದರೆ ಅಲ್ಲಿಂದಲೇ ಖರೀದಿಸಲಾಗುವುದು’ ಎಂದು ವಲಯಾಧಿಕಾರಿ ಗಿರೀಶ ತಳವಾರ ತಿಳಿಸಿದರು.</p>.<p>‘75 ಅಡಿ ಎತ್ತರದಲ್ಲಿ ಧ್ವಜ ಹಾರಾಡುವುದರಿಂದ ಗಾಳಿಗೆ ಹರಿಯುತ್ತದೆ. ಇದರಿಂದಾಗಿ ವರ್ಷಕ್ಕೆ ಮೂರು–ನಾಲ್ಕು ಧ್ವಜಗಳು ಹಾಳಾಗುತ್ತವೆ. ಒಂದೊಂದು ಧ್ವಜಕ್ಕೆ ₹20 ಸಾವಿರವಿದ್ದು, ಈಗ ಐದು ಧ್ವಜ ಖರೀದಿಗೆ ನಿರ್ಧರಿಸಲಾಗಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ:</strong> ಸ್ವಾತಂತ್ರ್ಯದ ಅಮೃತ ಮಹೋತ್ಸವ ಅಂಗವಾಗಿ ಹುಬ್ಬಳ್ಳಿಯ ಮಹಾನಗರ ಪಾಲಿಕೆ ಆಯುಕ್ತರ ಕಚೇರಿ ಎದುರು ಸ್ಥಾಪಿಸಿರುವ 75 ಅಡಿ ಎತ್ತರದ ಧ್ವಜಸ್ತಂಭ, ಆರು ದಿನಗಳಿಂದ ರಾಷ್ಟ್ರಧ್ವಜವಿಲ್ಲದೆ ಕಳಾಹೀನವಾಗಿದೆ.</p>.<p>ಇತ್ತೀಚೆಗೆ ಸುರಿದ ಭಾರಿ ಮಳೆಗೆ ಹಾಗೂ ಗಾಳಿಗೆ ರಾಷ್ಟ್ರಧ್ವಜ ಹರಿದಿತ್ತು. ಕಳೆದ ಭಾನುವಾರ ರಾತ್ರಿ ಸಂಪೂರ್ಣ ಹರಿದಿದ್ದರಿಂದ, ಸೋಮವಾರ ಬೆಳಿಗ್ಗೆ ಅಧಿಕಾರಿಗಳು ಅದನ್ನು ತೆರವು ಮಾಡಿದ್ದರು. ವಾರ ಸಮೀಪಿಸುತ್ತ ಬಂದಿದ್ದರೂ, ಹೊಸ ರಾಷ್ಟ್ರಧ್ವಜ ಮಾತ್ರ ಇನ್ನೂ ಮೇಲೇರಿಲ್ಲ. ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.</p>.<p>‘75ನೇ ವರ್ಷದ ಸ್ವಾತಂತ್ರ್ಯ ಮಹೋತ್ಸವದ ಸವಿನೆನಪಿಗಾಗಿ 2022ರಲ್ಲಿ ಪಾಲಿಕೆ, 75 ಅಡಿ ಉದ್ದದ ರಾಷ್ಟ್ರಸ್ತಂಭ ನಿರ್ಮಿಸಿ, ವರ್ಷಪೂರ್ತಿ ರಾಷ್ಟ್ರಧ್ವಜ ಹಾರಾಡುವಂತೆ ಮಾಡಿತ್ತು. ಅತಿ ಎತ್ತರದಲ್ಲಿ ರಾಷ್ಟ್ರಧ್ವಜ ಹಾರಾಡುತ್ತಿದೆ ಎನ್ನುವುದು ಹೆಮ್ಮೆಯ ವಿಷಯವಾಗಿತ್ತು. ಆದರೆ, ಐದು–ಆರು ದಿನಗಳಿಂದ ಧ್ವಜ ಹಾರಾಡುತ್ತಿಲ್ಲ. ಈ ವಿಷಯದಲ್ಲಿ ಅಧಿಕಾರಿಗಳ ನಿರ್ಲಕ್ಷ್ಯ ಖಂಡನೀಯ. ತಕ್ಷಣ ಕ್ರಮ ಕೈಗೊಳ್ಳಬೇಕು. ಇಲ್ಲದಿದ್ದರೆ ಪ್ರತಿಭಟನೆ ನಡೆಸಲಾಗುವುದು’ ಎಂದು ಆಟೊ ರಿಕ್ಷಾ ಚಾಲಕ ಮಾಲಕರ ಸಂಘದ ಅಧ್ಯಕ್ಷ ಶೇಖರಯ್ಯ ಮಠಪತಿ ಆಗ್ರಹಿಸಿದರು.</p>.<p>‘ಚೆನ್ನೈನ ಬಾಲಾ ಎಂಟರ್ಪ್ರೈಸೆಸ್ ಕಂಪನಿ ಧ್ವಜಸ್ತಂಭ ನಿರ್ಮಿಸಿದ್ದು, ಅದೇ ಕಂಪನಿ ರಾಷ್ಟ್ರಧ್ವಜ ಪೂರೈಸುತ್ತದೆ. ಪಾಲಿಕೆ ಆವರಣದಲ್ಲಿ ಹಾರಾಡುವ ಧ್ವಜ ರೇಷ್ಮೆ ಬಟ್ಟೆಯದ್ದಾಗಿದ್ದು, 14X21 ಉದ್ದ–ಅಗಲದ ಅಳತೆ ಹೊಂದಿದೆ. ಒಂದು ಧ್ವಜಕ್ಕೆ ₹20 ಸಾವಿರವಿದೆ. ಅದನ್ನು ಪೂರೈಸುವಂತೆ ಪಾಲಿಕೆ ಬಾಲಾ ಕಂಪನಿಗೆ ಆರ್ಡರ್ ಹಾಕಬೇಕು. ಈ ಅಳತೆಯ ಧ್ವಜ ಖರೀದಿಸಲು ಹುಬ್ಬಳ್ಳಿಯ ವಿವಿಧೆಡೆ ಹುಡುಕಾಡಿದ್ದು, ಎಲ್ಲೂ ಸಿಕ್ಕಿಲ್ಲ’ ಎಂದು ಪಾಲಿಕೆ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ಮಳೆ–ಗಾಳಿಗೆ ರಾಷ್ಟ್ರಧ್ವಜ ಹರಿದಿದೆ. ಖರೀದಿಗಾಗಿ ಇವತ್ತು (ಶುಕ್ರವಾರ) ಏಜೆನ್ಸಿಗೆ ಆರ್ಡರ್ ಹಾಕಿದ್ದೇವೆ. ನಾಲ್ಕು–ಐದು ದಿನಗಳಲ್ಲಿ ಪೂರೈಕೆಯಾಗಬಹುದು. ಖಾದಿ ಗ್ರಾಮೋದ್ಯೋಗ ಕೇಂದ್ರದಲ್ಲಿ ಧ್ವಜ ಇರುವ ಬಗ್ಗೆ ಮಾಹಿತಿಯಿದ್ದು, ಲಭ್ಯವಿದ್ದರೆ ಅಲ್ಲಿಂದಲೇ ಖರೀದಿಸಲಾಗುವುದು’ ಎಂದು ವಲಯಾಧಿಕಾರಿ ಗಿರೀಶ ತಳವಾರ ತಿಳಿಸಿದರು.</p>.<p>‘75 ಅಡಿ ಎತ್ತರದಲ್ಲಿ ಧ್ವಜ ಹಾರಾಡುವುದರಿಂದ ಗಾಳಿಗೆ ಹರಿಯುತ್ತದೆ. ಇದರಿಂದಾಗಿ ವರ್ಷಕ್ಕೆ ಮೂರು–ನಾಲ್ಕು ಧ್ವಜಗಳು ಹಾಳಾಗುತ್ತವೆ. ಒಂದೊಂದು ಧ್ವಜಕ್ಕೆ ₹20 ಸಾವಿರವಿದ್ದು, ಈಗ ಐದು ಧ್ವಜ ಖರೀದಿಗೆ ನಿರ್ಧರಿಸಲಾಗಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
