ಗುರುವಾರ , ಅಕ್ಟೋಬರ್ 22, 2020
24 °C

ಪಿಂಚಣಿ, ಪತ್ನಿ ವೇತನವೇ ಆದಾಯ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಧಾರವಾಡ: ಪಕ್ಷೇತರ ಅಭ್ಯರ್ಥಿ ಬಸವರಾಜ ಗುರಿಕಾರ ಅವರ ಆದಾಯ ಮೂಲ ನಿವೃತ್ತಿ ವೇತನ ಹಾಗೂ ಪತ್ನಿಯ ವೇತನವೇ ಆಗಿದೆ ಎಂದು ಚುನಾವಣಾಧಿಕಾರಿಗೆ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ಹೇಳಿದ್ದಾರೆ.

ಶಿಕ್ಷಕರಾಗಿ ನಿವೃತ್ತರಾಗಿರುವ ಅವರು ತಮ್ಮ ಬಳಿ ₹45 ಸಾವಿರ ಹಾಗೂ ಪತ್ನಿ ಬಳಿ ₹41 ಸಾವಿರ ನಗದು ಇದೆ. ವಿವಿಧ ಬ್ಯಾಂಕುಗಳಲ್ಲಿ ಗುರಿಕಾರ ಬಳಿ ₹2.68 ಲಕ್ಷ ಹಾಗೂ ಅವರ ಪತ್ನಿ ಬಳಿ ₹1.82 ಲಕ್ಷ ಹೊಂದಿದ್ದಾರೆ. ಅಂಚೆ ಇಲಾಖೆಯಲ್ಲಿ ₹4 ಲಕ್ಷ ಠೇವಣಿ ಹೊಂದಿದ್ದಾರೆ.

ಗುರಿಕಾರ ಅವರು ₹15 ಲಕ್ಷ ಸಾಲ ನೀಡಿದ್ದಾರೆ. ಹಾಗೆಯೇ ಅವರ ಪತ್ನಿ ₹3 ಲಕ್ಷ ಸಾಲ ನೀಡಿದ್ದಾರೆ. ಇವರು ₹20 ಸಾವಿರ ಮೌಲ್ಯದ ಹೀರೊ ಹೊಂಡಾ ಬೈಕ್‌ ಹೊಂದಿದ್ದಾರೆ. ಗಧೆ, ಕಿರೀಟ, ಪೂಜಾ ಸಾಮಗ್ರಿ ಸೇರಿ ಗುರಿಕಾರ ಅವರ ಬಳಿ ಒಂದು ಕೆ.ಜಿ.ಬೆಳ್ಳಿ ಸಾಮಗ್ರಿ ಇದೆ. ಜತೆಗೆ 5 ಗ್ರಾಂ ಬಂಗಾರದ ಉಂಗುರವಿದೆ. ಪತ್ನಿ ಬಳಿ 12 ತೊಲೆ ಬಂಗಾರ ಹಾಗೂ 500 ಗ್ರಾಂ ಬೆಳ್ಳಿ ಸಾಮಗ್ರಿಗಳು ಇವೆ.

ಧಾರವಾಡದ ವಿಜಯನಗರದಲ್ಲಿ ಮನೆ ಹಾಗೂ ಕುಂಬಾರಕೊಪ್ಪದಲ್ಲಿ ನಿವೇಶನವನ್ನು ಗುರಿಕಾರ ಅವರು ಹೊಂದಿದ್ದಾರೆ. ಹೀಗಾಗಿ ಗುರಿಕಾರ ಅವರ ಒಟ್ಟು ಆಸ್ತಿ ಮೌಲ್ಯ ₹38.38 ಲಕ್ಷ ಹಾಗೂ ಅವರ ಪತ್ನಿ ಬಳಿ ₹11 ಲಕ್ಷ ಆಸ್ತಿ ಹೊಂದಿದ್ದಾರೆ ಎಂದು ಪ್ರಮಾಣಪತ್ರದಲ್ಲಿ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು