ಬೇಡಿಕೆ ಈಡೇರಿಕೆಗೆ ಆಗ್ರಹಿಸಿ ಅಂಚೆ ನೌಕರರ ಧರಣಿ

ಮಂಗಳವಾರ ನಗರದಲ್ಲಿ ಸಾಂಕೇತಿಕ ಧರಣಿ ನಡೆಸಿದ ಅವರು ಒಬ್ಬ ವ್ಯಕ್ತಿ ಎರಡು ವರ್ಷಗಳ ಅವಧಿಗೆ ಎರಡು ಬಾರಿ ಮಾತ್ರ ಹುದ್ದೆ ಹೊಂದಬೇಕು ಎನ್ನುವ ನಿಯಮ ಸರಿಯಲ್ಲ. ಇದರಿಂದ ಪರಿಣಾಮಕಾರಿಯಾಗಿ ಹೋರಾಟ ನಡೆಸಲು ಆಗುವುದಿಲ್ಲ. ಇದು ಕಾರ್ಮಿಕ ಸಂಘಟನೆ ಮೇಲೆ ನಿಯಂತ್ರಣ ಹೇರುವ ತಂತ್ರವಾಗಿದೆ ಎಂದು ಧರಣಿ ನಿರತರು ಆರೋಪಿಸಿದರು.

ಅಂಚೆ ಇಲಾಖೆಯನ್ನು ಖಾಸಗೀಕರಣ ಮಾಡಬಾರದು, ಹೊಸ ಪಿಂಚಣಿ ವ್ಯವಸ್ಥೆ ರದ್ದುಗೊಳಿಸಿ ಹಳೇ ಮಾದರಿಯಲ್ಲಿಯೇ ಪಿಂಚಣಿ ನೀಡಬೇಕು, ಕೋವಿಡ್‌ ಚಿಕಿತ್ಸೆಗಾಗಿ ವಿಶೇಷ ರಜೆ ಮಂಜೂರು ಮಾಡಬೇಕು, ಕೋವಿಡ್‌ನಿಂದ ಮೃತಪಟ್ಟ ನೌಕರರ ಕುಟುಂಬದವರಿಗೆ ₹10 ಲಕ್ಷ ಪರಿಹಾರ ನೀಡಬೇಕು, ಇಲಾಖೆಯ ವಿವಿಧ ವಿಭಾಗಗಳಲ್ಲಿ ಖಾಲಿ ಉಳಿದ ಹುದ್ದೆಗಳನ್ನು ತ್ವರಿತವಾಗಿ ಭರ್ತಿ ಮಾಡಬೇಕು ಎಂದು ಆಗ್ರಹಿಸಿದರು. ಒಟ್ಟು 19 ಬೇಡಿಕೆಗಳನ್ನು ಈಡೇರಿಸಬೇಕು ಎಂದು ಮಂಗಳವಾರ ಬೆಳಿಗ್ಗೆಯಿಂದ ಮಧ್ಯಾಹ್ನದ ತನಕ ಧರಣಿ ನಡೆಸಿದರು.

ಫೆಡರೇಷನ್‌ ಕಾರ್ಯದರ್ಶಿ ಮಂಜುನಾಥ ವಿ. ಮಹೇಂದ್ರಕರ್, ಉಪಾಧ್ಯಕ್ಷ ಎಂ.ಡಿ. ದೊಡ್ಡಮನಿ, ಖಜಾಂಚಿ ರಾಘವೇಂದ್ರ ವೈ., ಕಾರ್ಯದರ್ಶಿ (ಪೋಸ್ಟಮನ್‌ ಮತ್ತು ಎಂಟಿಎಸ್‌ ವಿಭಾಗ) ಮಾರುತಿ ಬ್ಯಾಹಟ್ಟಿ, ಸಂಯೋಜಕ ಎ.ಎನ್‌. ದೇಸಾಯಿ, ಸದಸ್ಯರಾದ ಪರಿಮಳಾ ಪಂಚಮುಖಿ, ಸುಮಾ ಮಹಾಜನಶೆಟ್ಟರ್, ಎ.ವೈ. ಭಜಂತ್ರಿ, ಮಲ್ಲಪ್ಪ ನರಗುಂದ, ಆನಂದ ಹೊಸಮನಿ, ಎನ್‌.ಕೆ. ವಡ್ಡೆಲ್ಲಪ್ಪನವರ ಹಾಗೂ ಸುನಿತಾ ಶೇಟ್‌ ಧರಣಿಯಲ್ಲಿ ಪಾಲ್ಗೊಂಡಿದ್ದರು.