ರೋಣ| ಅಪಘಾತ: ಸವಾರನ ಸಾವು

ಮೃತ ವ್ಯಕ್ತಿ ಬೆಳವಣಕಿ ಗ್ರಾಮದ ನಿವಾಸಿ ಬಸವರಾಜ ಚನ್ನಬಸಪ್ಪ ಕುಸುಗಲ್ (39) ಎಂದು ಗುರುತಿಸಲಾಗಿದೆ.

ಸಂದಿಗವಾಡ ಹಾಗೂ ಮಲ್ಲಾಪುರ ರಸ್ತೆ ಮಧ್ಯವಿರುವ ಶ್ರೀಸಾಯಿ ದಾಬಾದ ಹತ್ತಿರ ಬೆಳವಣಕಿಯಿಂದ ರೋಣಕ್ಕೆ ಬರುತ್ತಿರುವ ಬೈಕ್ ಹಾಗೂ ರೋಣದ ಕಡೆಯಿಂದ ಬೆಳವಣಕಿಯ ಕಡೆಗೆ ಹೋಗುತ್ತಿರುವ ಟಾಟಾ ಎಸಿ ರಭಸವಾಗಿ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲಿಯೇ ಸಾವಿಗೀಡಾಗಿದ್ದು, ಮೃತ ದೇಹವನ್ನು ತಾಲ್ಲೂಕು ಆಸ್ಪತ್ರೆಗೆ ರವಾನಿಸಲಾಗಿದೆ.

ಈ ಕುರಿತು ರೋಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆದಿದೆ ಎಂದು ಪಿಎಸ್‌ಐ ಎಲ್.ಕೆ.ಜೂಲಕಟ್ಟಿ ತಿಳಿಸಿದರು.