ಶುಕ್ರವಾರ ರಾತ್ರಿ 10 ಗಂಟೆ ಸುಮಾರಿಗೆ ಶೋ ರೂಂನೊಳಗೆ ಕಾಣಿಸಿಕೊಂಡ ಬೆಂಕಿ 30ಕ್ಕೂ ಅಧಿಕ ಹೊಸ ಬುಲೆಟ್‌ ಬೈಕ್‌ಗಳನ್ನು ಆಹುತಿ ಪಡೆದಿದೆ.ಯುಗಾದಿ ದಿನ ಬೈಕ್‌ ತೆಗೆದುಕೊಳ್ಳಬೇಕು ಎಂದು ಅನೇಕರು ತುಂಬ ದಿನಗಳ ಹಿಂದೆಯೇ ಬುಕಿಂಗ್‌ ಮಾಡಿದ್ದರು. ಹಾಗಾಗಿ, ಗ್ರಾಹಕರಿಗೆ ಬೈಕ್‌ ಡೆಲಿವರಿ ಮಾಡಬೇಕಿದ್ದ ಕಾರಣ ಶುಕ್ರವಾರ ಶೋರೂಂನಲ್ಲಿ ಹೆಚ್ಚು ಹೊಸ ಬೈಕ್‌ಗಳಿದ್ದವು ಎನ್ನಲಾಗಿದೆ. ಅಲ್ಲದೇ, ಸರ್ವಿಸ್‌ಗೆ ಬಿಟ್ಟಿದ್ದ ಗಾಡಿಗಳು ಕೂಡ ಶೋರೂಂನಲ್ಲಿದ್ದವು. ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳಿಯಬೇಕಿದೆ. ಅಗ್ನಿಶಾಮಕದಳದ ಸಿಬ್ಬಂದಿ ಬೆಂಕಿ ನಂದಿಸಿದರು.
