ಗಾಂಜಾ ಮಾರಾಟ: ಐವರ ಬಂಧನ

ಬೇಲೂರು: ಗಾಂಜಾ ಸೇವನೆ ಹಾಗೂ ಮಾರಾಟ ಮಾಡಲು ಯತ್ನಿಸುತ್ತಿದ್ದ 5 ಜನರನ್ನು ಬೇಲೂರು ಪೊಲೀಸರು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಪಟ್ಟಣದ ಬದ್ರಿಯಾ ಸಾಮೀಲ್ ಹಿಂಭಾಗ ಗಾಂಜಾ ಸೇವನೆ ಹಾಗೂ ಮಾರಾಟ ಮಾಡಲು ಯತ್ನಿಸುತ್ತಿದ್ದಾರೆ ಎಂಬ ಖಚಿತ ಮಾಹಿತಿ ಪಡೆದು ದಾಳಿ ನಡೆಸಿದ ಬೇಲೂರು ಪೊಲೀಸರ ತಂಡ, ಐವರು ಆರೋಪಿಗಳಾದ ಚಿಕ್ಕಮಗಳೂರಿನ ಮೊಹಿನುದ್ದೀನ್, ಬೇಲೂರು ಪಟ್ಟಣದ ತಸ್ಲೀಮ್ ಪಾಷಾ, ಇಸ್ಮಾಯಿಲ್, ಹಳೇಬೀಡು ರಸ್ತೆಯ ಸಂತು ಹಾಗೂ ಹೆಬ್ಬಾಳು ಗ್ರಾಮದ ಚಂದ್ರಪ್ಪ ಎಂಬುವವರನ್ನು ಬಂಧಿಸಿ ಅವರಿಂದ 350 ಗ್ರಾಂ ಗಾಂಜಾ ವಶಕ್ಕೆ ಪಡೆದಿದ್ದಾರೆ. ಆರೋಪಿಗಳ ವಿರುದ್ಧ ಬೇಲೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.

ತಹಶೀಲ್ದಾರ್ ನಟೇಶ್, ಪಿಎಸ್‍ಐ ಅಜಯ್‍ಕುಮಾರ್, ಎಎಸ್‍ಐ ನಾಗರಾಜ್, ಸಿಬ್ಬಂದಿ ಮನು, ಚಿತ್ರೇಶ್ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.