ಶ್ರವಣಬೆಳಗೊಳ: ಹೆಚ್ಚು ಅಂಕಕ್ಕಾಗಿ ಮಕ್ಕಳ ಮೇಲೆ ಒತ್ತಡ ಹಾಕದಿರಿ

ಗೊಮ್ಮಟ ನಗರದ ಗೈಡ್ಲೈನ್ ಅಂತರರಾಷ್ಟ್ರೀಯ ಶಾಲೆಯ 26ನೇ ವಾರ್ಷಿಕೋತ್ಸವ ‘ವೈಭವ’ ಕಾರ್ಯಕ್ರಮ ಉದ್ಘಾಟಿಸಿ ಮಂಗಳವಾರ ಮಾತನಾಡಿದರು. ವಿದ್ಯಾರ್ಥಿಗಳು ಪರೀಕ್ಷೆಯ ಸಮಯದಲ್ಲಿ ಭಯ ಪಡುವುದರಿಂದ ಜ್ಞಾಪಕ ಶಕ್ತಿ ಕುಂಠಿತವಾಗುತ್ತದೆ. ಹಾಗಾಗದಂತೆ ತಡೆಯಲು ಅಂದಿನ ಪಾಠಗಳನ್ನು ಅಂದೇ ಓದುವುದರಿಂದ ಮನಸು ಹಗುರವಾಗುತ್ತದೆ.

ಮಕ್ಕಳಿಗೆ ಶಿಕ್ಷಕರು ಪೋಷಕರು ಅಂಕಗಳ ಬಗ್ಗೆ ಒತ್ತಡ ಹಾಕಬಾರದು, ಹಾಗೆಯೇ ಮತ್ತೊಬ್ಬ ಜಾಣ ವಿದ್ಯಾರ್ಥಿಯೊಂದಿಗೆ ಹೋಲಿಕೆಯನ್ನೂ ಮಾಡಬಾರದು. ಪರೀಕ್ಷಾ ಸಮಯದಲ್ಲಿ ಪ್ರಶ್ನೆ ಪತ್ರಿಕೆಗಳ ಬಗ್ಗೆ ಗಾಳಿ ಸುದ್ದಿ ಹರಡುತ್ತಾರೆ. ಅಂತಹ ಸುದ್ದಿಗಳ ಗಮನ ಕೊಡದೇ ಶಾಂತ ಚಿತ್ತದಿಂದ ಇರಬೇಕು ಎಂದರು.

ಗೈಡ್ ಲೈನ್ ಸಂಸ್ಥೆಯ ಅಧ್ಯಕ್ಷ ಕಬ್ಬಾಳು ರಮೇಶ್ ಮಾತನಾಡಿದರು. ತಾಲ್ಲೂಕು, ಜಿಲ್ಲೆ ರಾಜ್ಯ ಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಿ ವಿಜೇತರಾದ ವಿದ್ಯಾರ್ಥಿಗಳನ್ನು ಗೌರವಿಸಲಾಯಿತು. ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಅನೇಕ ನೃತ್ಯಗಳನ್ನು ಮಾಡಿ ರಂಜಿಸಿದರು.

ನಿರ್ದೇಶಕರಾದ ಡಿ.ಕೆ.ಕೆಂಗಯ್ಯ, ಡಿ.ಕೆ.ರಾಮಸ್ವಾಮಿ, ಡಿ.ಕೆ.ನಾಗರಾಜು, ಡಿ.ಕೆ.ಲಕ್ಷ್ಮೀಪತಯ್ಯ, ಪ್ರಸೂತಿ ತಜ್ಞೆ ಡಾ ಅನಿತಾ, ಕಾರ್ಯದರ್ಶಿ ಕೆ.ಎನ್.ಮಮತಾ ರಮೇಶ್, ಪ್ರಾಂಶುಪಾಲ ಭರತ್ ಸಿ.ಕೆ, ಸಂಯೋಜಕ  ಸಂಪತ್ ಕುಮಾರ್, ಕಬ್ಬಾಳು ಯತೀಶ್ ಪಾಲ್ಗೊಂಡಿದ್ದರು.